jessica

「狂野空姐」廖慧儀親揭分手真相 控訴遭跟蹤恐嚇性騷擾

有狂野空姐之稱的廖慧儀落選港姐後,立即有大隻男友Sam呵番,不過戀情卻起了變化,先是Sam在IG公開警告《後生仔》主持孔德賢不要再找其女友廖慧儀,當時廖慧儀回應男友飲醉,大家仍是情侶。之後Sam再發文爆被飛,網民都戥男方慘被女飛,一直冇回應過分手的廖慧儀,因為發現電郵被人盜用,啞忍一個月,終於開口,自爆被跟蹤威脅恐嚇性騷擾、家人朋友同告受害,直指「呢啲唔係愛嘅表現」,雖然無指名道姓,但答案呼之欲出﹗
文:東方新地| 圖:廖慧儀IG、孔德賢IG、Sam IG

廖慧儀被封「狂野空姐」,參選時已是非多多,因網友留言指她是「姣婆」,當時廖慧儀的圈外男友Sam更與她一起寸嘴反擊對方。可惜,日前Sam就突然於IG出post自爆被廖慧儀狠飛,又質問廖慧儀:「回頭看所有嘢覺得我甚麼都不是?」廖慧儀圈外男友Sam遭狠飛心酸控訴廖慧儀狠飛圈外男友Sam,女方其後將IG的甜蜜合照全刪走。
廖慧儀被封「狂野空姐」,參選時已是非多多,因網友留言指她是「姣婆」,當時廖慧儀的圈外男友Sam更與她一起寸嘴反擊對方。可惜,上月Sam就突然於IG出post自爆被廖慧儀狠飛,又質問廖慧儀:「回頭看所有嘢覺得我甚麼都不是?」廖慧儀圈外男友Sam遭狠飛,女方其後將IG的甜蜜合照全刪走。

廖慧儀飛甩拍拖年半圈外男友

廖慧儀由參選以來一直大方公開戀情,在IG亦有大量男友Sam的親蜜合照,參選期間遭網民鬧爆,阿Sam亦挺身合力抗負評,大熱倒灶的廖慧儀,連日有男友四圍搵食呵番,就算廖慧儀同孔德賢傳緋聞,女方亦回應關係未變,不過十日後,Sam在IG貼出二人親蜜照自爆被分手「 點解要選擇因為一啲小問題而突然狠心離開我,係咪因為入咗娛樂圈擴闊咗眼界,回頭看所有嘢覺得我甚麼都不是?」之後又立即刪post﹗

廖慧儀前男友Sam亦剷走甜蜜合照,只剩餘下數張。
廖慧儀前男友Sam亦剷走甜蜜合照,只剩餘下數張。

廖慧儀大反擊力數多宗罪

廖慧儀一直冇再回應感情事,更幾近絕跡社交網,潛水近一個月,今日廖慧儀大反擊,在IG即時動態發文指被人一直偷用自己的私人email,然後作出大控訴,全文如下:

跟蹤威脅恐嚇性騷擾
當街偷我電話跑走
捕我落堂
炸我WhatsApp講粗口鬧我唔去見你
全日打幾百個電話畀我打到我電話無電
出post說我不是要話畀世人公審我
我被人鬧唔緊要,呢啲人都係互不相識嘅人
佢哋根本唔知件事嘅來龍去脈
但唔好事後同我講個post唔係自己出
係account被hack咗再搵朋友食死貓扮到事不關己
扮呀妹扮朋友搵我

日日都玩跳樓 你要搞清楚呢啲唔係愛嘅表現

你要唧解方法我已經一早做咗相都已經del咗
唔該你唔好再騷擾我打搞我、我朋友同我屋企人
其實好多嘢已經可以報警處理
但諗吓點解我被你騷擾一個月我都冇咁做。
點解?我一路被陌生人人身攻擊,我都冇出聲
成件事如果你係受害者
呢個唔係你最想要同埋最好嘅結尾咩?

 

廖慧儀發文力數過去一個月被滋擾,更禍及家人朋友。
廖慧儀發文力數過去一個月被滋擾,更禍及家人朋友。
「狂野空姐」廖慧儀親揭分手真相 控訴遭跟蹤恐嚇性騷擾
廖慧儀發圖以示個人帳戶被人入侵。
廖慧儀社交網不斷被人盜用及入侵。
廖慧儀社交網不斷被人盜用及入侵。
有網民留言力撐廖慧儀,指分手後騷擾家人最不當的,而一位稱是廖家姐同姓Liu的人,亦留言撐妹,直指廖慧儀前男友不斷騷擾、跟蹤父母,連基本尊重都冇。
有網民留言力撐廖慧儀,指分手後騷擾家人最不當的,而一位稱是廖家姐同姓Liu的人,亦留言撐妹,直指廖慧儀前男友不斷騷擾、跟蹤父母,連基本尊重都冇。

廖慧儀傳與《#後生仔傾吓偈》孔德賢撻著

廖慧儀一向與男友Sam不時在IG放閃,表現恩愛。早前廖慧儀卻被傳與無綫節目《#後生仔傾吓偈》的孔德賢(Danny)撻著,Sam更一度嬲爆於IG上警告Danny不要再找自己的女朋友。廖慧儀當日接受訪問時只表示男友是飲醉酒,大家仍是男女朋友關係。可是日前Sam就突然於IG出post自爆被廖慧儀狠飛,更作出感情大控訴,他寫到:「同你一齊呢一年半,大大小小傷心嘅事我都陪你經歷過,喺你有低潮困難嘅時候,我從來冇離開過你身邊,而點會(解)你要咁樣對我,去報答我一年半對你嘅所有付出,我一直當你係一家人,點解要選擇因為一啲小問題而突然狠心離開我,係咪因為入咗娛樂圈,擴闊咗眼界,回頭看所有嘢覺得我甚麼都不是?」睇見都心酸!

廖慧儀狠飛圈外男友Sam 女方IG將甜蜜合照全刪走
廖慧儀前男友Sam曾嬲爆於IG上公開警告孔德賢不要找他女友。
有「狂野空姐」之稱的落選港姐廖慧儀。
有「狂野空姐」之稱的落選港姐廖慧儀。
廖慧儀狠飛圈外男友Sam 女方IG將甜蜜合照全刪走
廖慧儀參選港姐時已是非多多。
廖慧儀狠飛圈外男友Sam 女方IG將甜蜜合照全刪走
《#後生仔傾吓偈》的孔德賢被傳與廖慧儀撻着。

廖慧儀被網友怒插:做娛樂圈公廁!

廖慧儀狠飛圈外男友Sam後,網友紛紛到廖慧儀IG力數她的不是,留言說:「做娛樂圈公廁!」、「你del相都del得幾快!」、「又繼續姣喇!」十分熱鬧。相反,被狠飛的圈外男友Sam有網民卻為他打氣加油,在他IG留言力撐:「綠帽唔怕帶,最緊要除得快。」、「加油,你搵個好過佢。」

廖慧儀狠飛圈外男友Sam 女方IG將甜蜜合照全刪走
廖慧儀被網友在IG怒插她:做公廁!
廖慧儀狠飛圈外男友Sam 女方IG將甜蜜合照全刪走
網友到Sam的IG留言打氣。