延禧

【延禧攻略】7位靚女演員最新動向 嚟梗有咩劇煲?

轉眼間,《延禧攻略》就即將曲終人散播出大結局,相信唔少人都會好唔捨得,同時亦好想知劇中演員會何去何從!有見及此,今次就一齊睇下劇中一班靚女演員嘅最新作品係咩,等大家之後可以繼續煲劇!
撰文;東方新地|圖片:微博

《延禧》7位靚女演員新作一覽

《延禧攻略》播出後紅遍兩岸三地,劇集高潮迭起,睇得一眾觀眾們非常投入。不過,劇集始終都要曲終人散,香港明晚就會播出大結局,相信唔少劇迷都好唔捨得!因此,今次就同大家預覽劇中一班靚女演員嘅最新作品及動向,等大家可以繼續煲各演員嘅新劇!

延禧
《延禧攻略》明晚播出大結局!
延禧
劇集令一眾演員人氣急升!

|佘詩曼

劇中唯一一位大家熟識嘅香港演員佘詩曼離開大台後,就成功已經打入內地市場,今次嫻妃一角阿佘嘅演技大獲觀眾激讚,更令佢於內地人氣再度上升!延禧

阿佘於劇中利用自己善良嘅外表欺騙所有人,一舉一動更盡現著攝人嘅強大氣場!

嫻妃為得聖寵及報仇而成為奸角!
劇中,佘詩曼最聰明的就是借刀殺人!

阿佘演技多元化,而近年亦主力拍攝電影作品,除咗喺《黃金兄弟》特別演出外,嚟梗仲有待上映嘅《西伯利亞風雲》同客串嘅《死亡通知單:暗黑者》,有興趣就入場支持下阿佘啦!

電影《西伯利亞風雲》
《西伯利亞風雲》由梁家輝同阿佘主演。

|秦嵐

《延》中嘅富察皇后受歡迎程度非常之高,大家除咗欣賞秦嵐嘅演技外,同時唔少女士亦都非常羨慕佢嘅白到反光嘅肌膚!

網民都大讚秦嵐係最溫柔嘅皇后!
富察皇后皮膚相當白皙!

原來秦嵐仲有好多電視劇未播出,包括《外八行》、《填四川》、《萬水千山總是情》及《夜空中最閃亮的星》,大家要耐心等待幾時播出啦!

秦嵐於《外八行》飾演商女行首絕色花魁,名為「金綉娘」。
秦嵐演出金綉娘嘅華麗服裝比得上《延》!

|吳謹言

《延》嘅女主角吳謹言因此劇而爆紅,戲裡戲外都風波不斷,成功登上人氣榜首之一!

吳謹言飾瓔珞一角成功紅遍各地。
《延》中,由小宮女一步步升為皇后。

吳謹言於原班人馬開拍嘅古裝劇《皓鑭傳》中飾演秦始皇的母親趙姬,並會與《延》演乾隆嘅聶遠再次成為虐心CP,故令人相當期待!

吳謹言於新劇《皓鑭傳》飾趙國御史之女李皓鑭。
聶遠飾呂不韋與「魏瓔珞」再續前緣。

除咗《皓鑭傳》,吳謹言今年仲有演出劇集《外灘的鐘聲》、《朝歌》、《十里洋場拾年花》、《你是我的答案》,而電影亦有《無問西東》及《說走就走之不說再見》。

《朝歌》係一套古裝神話劇,同樣由于正出品。
《朝歌》中飾妲己娘娘。

|譚卓

譚卓於《延》飾嘅高貴妃雖然非常令人乞人憎,不過同時亦證明佢成功演繹出該角嘅性格!

高貴妃性格囂張好勝,經常倚靠父親力量欺壓魏瓔珞,甚至未曾把富察皇后放在眼內。
高貴妃兇狠又霸道,令觀眾睇到咬牙切齒!

譚卓今年會跟同吳謹言再度合作,於《皓鑭傳》演出華陽夫人一角,值得期待!

譚卓於《皓鑭傳》飾演華陽夫人。
《皓鑭傳》已經殺青!

|蘇青

《延禧》中演出爾晴嘅瘋狂惡毒嘅神態,令唔少觀眾邊睇就邊痛鬧呢位毒婦!不過,可以令觀眾睇得投入,相信大家都肯定佢嘅演技!

蘇青於劇中名副其實係個毒婦!
蘇青與《延》一眾演員相當友好。

今年蘇青仲有嘅劇集有《那些年,我們正年輕》、《斗破蒼穹》,同仍未播出嘅《我不是特工》、《天龍八部》等劇集。

蘇青於《我》中飾段思绮。
現代時裝嘅蘇青又有另一種美。

|姜梓新

23歲嘅姜梓新雖然最近就爆出佢嘅同性戀傳聞,但仍無阻大家對佢嘅支持!

姜梓新錄影內地綜藝真人騷《完美假期2》時,被傳與周晨晞關係曖昧!
劇中,明玉同海蘭察最終只可情深緣淺。

姜梓新今年仍有一齣劇集《新笑傲江湖》,飾演小師妹岳靈珊一角。

姜梓新有清純鄰家外表!
武俠劇大家又啱唔啱睇?

|張嘉倪

《延》中被內地網民形容為「最美奸妃」嘅順嬪張嘉倪入行多年,亦已係兩個小朋友嘅媽咪,其拍攝嘅作品亦甚有口碑!

張嘉倪飾演的順嬪被網民譽為《延禧攻略》裡「最美妃子」!
劇集後期,順嬪成為瓔珞最強敵人。

張嘉倪今年就有《溫暖的弦》,而她主演的劇集《頭牌》就有待播出。

《溫暖的弦》係一齣都市職場愛情劇。
現代時裝同古裝嘅張嘉倪邊個好睇啲?