Feature

《延禧攻略》9位娘娘古裝時裝照對比圖鑑!一秒變偽韓妹?!

宮廷劇《延禧攻略》喺中港台熱播中,觀眾除咗關心勾心鬥角嘅劇情之外,劇中一眾女角嘅美貌都成為網民熱烈討論嘅話題,呢套「最高顏值的古裝劇」美女如雲,加上華麗細緻、美侖美奐嘅服飾,儼如古代fashion show!返到現代,唔知一班妃子穿著時裝嘅樣會係點嘅呢?
原文:對白Cap圖王 | 圖片:微博

《延禧攻略》9位娘娘古裝 VS 時裝照對比圖鑑!

1. 魏瓔珞 — 吳謹言

芭蕾舞舞蹈員出身嘅吳謹言,高高瘦瘦,有啲韓妹影子,著起偏韓風嘅休閒服真係非常適合。

著起白色連身裙,望落都幾清純。
平時嘅妝容亦比較精神

大家覺得古裝定時裝好?

2. 富察皇后 — 秦嵐

秦嵐五官精緻,襯起性感、充滿女人味嘅服裝亦沒有違和感,可塑性甚高。

化返個淡妝望落去真係後生好多!!

 

著返現代嘅華服,又有另一種韻味

3. 嫻妃 — 佘詩曼

香港人最熟悉嘅「阿佘」佘詩曼,見佢著得最多嘅就係大台戲服,其實佢都好有時尚觸角,無論causel定隆重都一樣carry到。

佘詩曼著起時裝古裝都有份特別嘅氣質

小編覺得阿佘著時裝古裝都好靚!

4. 高貴妃 — 譚卓

戲內高貴妃奸到令人印象深刻,但其實現實中譚卓都望落都幾cool,韓式淑女風嘅打扮啱晒。

換返個妝真係完全唔同哂,差啲認佢唔到啊!

好似都係時裝靚啲⋯⋯

5. 嘉嬪 — 潘時七

甜美性感嘅潘時七,喺穿搭上不時流露「不經意」嘅小性感。

好似古裝就比較有特色

著番時裝又似一般網紅又有種偽韓味⋯⋯

小編個人就覺得佢古裝好睇啲~

6. 愉貴人 — 練練

練練嘅時裝look,走知性路線,高貴典雅。

7. 爾晴 — 蘇青

穿起時裝嘅蘇青,有時文青、有時型格,都幾分裂喎!

戲外蘇青的笑容都好可愛~

8. 純妃 — 王媛可

咁多位妃子之中,王媛可嘅時裝look可謂最causel、最隨性。

9. 舒妃 — 李春嫒

李春嫒嘅時裝打扮,無論係休閒服或晚裝,都充滿韓味。

延禧攻略

延禧攻略