Feature

《延禧攻略》深情傅恆被封「最帥侍衛」高顏值小鮮肉許凱起底!

近日劇集《延禧攻略》於兩岸三地熱播,除咗一眾娘娘嘅靚樣華服之外,其實由高顏值小鮮肉許凱飾演嘅皇后弟弟富察傅恆都一樣好吸睛,難怪佢喺劇集播出之後爆紅,仲被封為「最帥侍衛」!模特兒出身嘅許凱身高181公分,加上帥氣臉龐、深邃眼神同埋官服下嘅爆肌,真係好正!但人紅就是非多,近嚟佢都有唔少黑歷史被翻出,但竟然都無損許凱嘅高人氣!

撰文:東方新地 | 圖片:TVB劇集截圖、微博圖片

許凱演《延禧攻略》被封「最帥侍衛」

高顏值小鮮肉許凱喺《延禧攻略》中飾演與女主角魏瓔珞(吳謹言 飾)曖昧嘅富察傅恒,因為呢部劇集擄獲唔少各年齡層女性嘅心,仲人氣急升成為一線小生,被封「最帥侍衛」!

其實許凱唔單止有顏值,演技亦都有返咁上下,充份詮釋到傅恆成熟穩重、足智多謀嘅個性,更被《延禧攻略》嘅製作人于正稱讚係「眼技戲骨」!

于正就話佢眼神憂鬱,特別撩人,大家又覺唔覺呢?

劇中嘅傅性大部分時間都Cool到爆,卻有特別嘅魅力!對其他女人都冷若冰霜,唯獨對女主角魏瓔珞會展開笑容,傅恆深情嘅形象令唔少觀眾都好受落啊!

許凱真係可以話係天生為了古裝而生嘅男人!雖然年輕嘅佢今年先23歲,但天生高大有型,加上一雙濃密劍眉、立體深邃嘅五官,令佢就算著起官服、剃咗光頭都份外有英氣!

2017年於古裝仙俠劇《招搖》飾演魔王之子厲塵瀾
2017年於古裝劇《鳳囚凰》飾演沈遇

許凱被網民大讚擁有星眉劍目,絕招係「側臉殺」!

據聞,許凱仲十分敬業,為咗好好詮釋傅恆呢個角色所以決定提前入劇組讀本,就算要剃光頭都毫不在意!

image

身高181模特兒出身 時裝都咁型

許凱喺2013年參加中國模特兒大賽,18歲仔就身高181公分,勇奪全國平面組軍,理所當然以模特兒身分出道。

平時許凱鍾意行運動潮流風為主,又鍾意健身!

image

劇內包到實一實,但原來平時許凱除低戲服係爆肌型男!!!

拍攝古裝仙俠劇《招搖》同女演員白鹿戲假情真

2017年,許凱搭檔女演員白鹿主演古裝仙俠劇《招搖》,點知戲假情真,兩人喺現實生活保持情侶關係,一直交往到依家!

女演員白鹿
女演員白鹿

被前女友曝黑歷史

人紅是非多,許凱今年二月被前女友、內地網紅「大金」踢爆疑似家暴事件!雖然被指係炒作,但大金都係企硬!

來源:網紅「大金」微博
網紅「大金」
網紅「大金」

事情愈滾愈大,令許凱嘅經理人公司要出聲明維護返許凱。

來源:歡娛影視微博

但係討論度愈嚟愈高嘅時候,許凱竟然出文承認自己曾經係「壞男生」!

許凱
來源:許凱微博

究竟現實中嘅許凱係咪同劇中嘅深情傅恆判若兩人呢?呢啲嘢就好難講啦!小編都係繼續煲劇算啦~