延禧攻略

【延禧攻略】花絮曝光 開拍做足準備!魏瓔珞學跪地 高貴妃練唱戲

大台熱播清宮劇《延禧攻略》,唔少觀眾都大讚演員扮清朝皇后、貴妃、以至妹仔,個個都好神似,其實成功非僥倖,一班演員在開拍前原來都要上劇組安排嘅禮儀課,飾演劇女主角嘅吳謹言講佢由繡坊宮女演到皇后,佢就要要由妹仔學起,上至捧茶下至跪地,連劇中嘅明玉同高貴妃都要上課,絕對唔係是是旦旦㗎⋯⋯

撰文:東方新地 | 圖片:劇照、愛奇藝截圖吳謹言微博

延禧攻略 花絮曝光

近日一條《延禧攻略》花絮片段曝光,片中見「魏瓔珞」吳謹言、「明玉」姜梓新、同「高貴妃」譚卓於劇集開拍前,都要上劇組安排嘅禮儀課,個個都為力求完美而下過不少功夫!

為咗掌握好角色,素顏上陣嘅吳謹言同「明玉」姜梓新就要學捧茶、學跪地,見佢哋好認真咁學!

至於在《延禧攻略》中,高貴妃善崑曲,劇中也有出現高貴妃唱戲的場面,不論是服飾、妝容還是崑曲唱功都演得好好,原來譚卓為此苦練半個月崑曲。

譚卓學晒步法、造手,苦練半個月,唔怪得演得咁神似啦!

佢一路聽老師講,一路做筆記,好努力!

吳謹言 被指曾變樣

現年28歲吳謹言她自幼就學習芭蕾舞,10歲考入北京舞蹈學院附中學習芭蕾舞,17歲就加入咗中央芭蕾舞團工作,到19歲,吳謹言因為受傷而棄舞從演。

吳謹言

吳謹言2009年考上北京電影學院後,2011年正式簽約公司入行,至今演過近20部電視劇及電影,但直到《延禧攻略》才真正第一次擔演女主角。

吳謹言

「魏瓔珞」這個角色令吳謹言一炮而紅,大受關注,但亦因此引來不少爭議。雖然早前有傳劇中唔少人都做過「微調」,成個「變樣攻略」咁話,但日前吳謹言童年照曝光,相中她樣子清秀可愛,獲網友大讚「從小美到大」,唔係一般難以分辨嘅網紅臉!

延禧攻略

有網民指吳謹言無論是演技抑或顏值,均輸給劇中其他女演員,仲話女主角演到似反派角色,皆因其外貌生得夠刻薄。

吳謹言

吳謹言

更有人指吳謹言2012年剛出道時臉較圓,五官冇咁立體。

吳謹言
2011年微博圖片。
吳謹言
電影《無問西東》截圖。

又指在2013年拍劇集《烽火佳人》時,吳謹言下巴長咗又尖咗,疑似「削骨還父」。

吳謹言

但原來吳謹言曾自晒童年照,照片近日在網上瘋傳,相中的她眼大大瓜子面,同樣有個尖下巴,讓網友都大讚她「從小到大就是個標緻的美人胚」、「讓那些說你整容的人瞧瞧」、「天生麗質」、「真是從小美到大」等。

吳謹言

此外吳謹言2013年的大學畢業照亦被翻出,當時的她和現在差異不大。

吳謹言

有唔少網友更讚吳謹言係「耐看型」,愈睇愈順眼,而且相比起坊間一式一樣的美人臉,吳謹言五官辨識度更加高。

吳謹言

吳謹言

延禧攻略