廿年如一日 佘詩曼 凍齡秘訣大公開

內地清裝劇《延禧攻略》於無綫熱播,佘詩曼於劇中飾演嫻妃一角雖為配角,但卻是從演以來第一次擔任奸角,但網民大讚阿佘能奸在骨子裡,演技了得!

其實由阿佘的劇集陪伴了不少人成長,拍過許多膾炙人口的劇集《金枝慾孽》、《宮心計》、《 十月初五的月光》、《 使徒行者》等。雖然時光飛逝,但大家有冇發現電視面前的阿佘好似完全冇變過,現年43歲的阿佘究竟佢有咩凍齡秘訣,令佢皮膚白晳細緻,肌感年年不變呢?大家一齊睇睇啦!

編輯:東方新地 原文:新Monday
text- FF edit- Francesca photo-佘詩曼instagram

佘詩曼 忠變奸

《延禧攻略》中佘詩曼原本溫婉善良,但因家人被逐一害死,亦由初時嘅與世無爭,逐漸變得陰險狠毒,在雨中一幕講到:「欺負我的、虧欠我的,我一個都不會放過。」氣勢盡現!

佘詩曼於劇中最聰明的就是借刀殺人,因望再次得恩寵,而被女主角質疑她殺了人。

當中她說出一句「殺的是誰」,其冷靜的態度及奸詐的眼神,似非而是的回應,不禁令人佩服其演技。

一舉一動、每一個眼神都盡現著強大的攝人氣場!

歷史上嫻妃本是乾隆皇帝登基前的側福晉,後被封為嫻妃及嫻貴妃,由於端莊嫻淑深得皇太后歡心,所以孝賢皇后死後,皇太后勸乾隆改立嫻貴妃為皇后。

但乾隆有感孝賢皇后屍骨未寒,所以只封嫻貴妃為皇貴妃,統領六宮,直至孝賢皇后喪期屆滿,才封其為繼皇后,其後為乾隆先後誕下兩子一女,曾經寵極一時。

 

 

佘詩曼雖然首次演奸角,演技獲大讚賞。阿佘更直言唔怕大家會因角色而被觀眾討厭,反而仲覺得愈鬧佢就愈好:「罵啊罵好啊!罵就是投入罵就是喜歡的,愈罵愈喜歡愈罵愈開心,罵我就好了。」果然是個專業演員!

半露香肩,更加誘人!

佘詩曼 97年選港姐!

佘詩曼係1997年的香港小姐季軍,當年冠軍係翁嘉穗,亞軍係李明慧,兩人如今都已放棄演藝事業,嫁人做闊太,不經不覺已經21年了!佘詩曼靚足咁多年,多年來佢參演劇集無數,小編覺得依家阿佘更成熟更有魅力!能夠保持21年美貌真的不簡單,睇睇佢有咩美容技巧先!

97年奪得港姐季軍後,佘詩曼在99年處女拍劇即擔正做女一,飾演由金庸武俠小說改編嘅《雪山飛狐》女主角苗若蘭,當年嘅青澀樣貌竟同近日佢飾演嘅廿幾歲嫻妃相差不遠。

2000年拍主張智霖主演《十月初五的月光》更一炮而紅,之後阿佘努力改善雞仔聲,演技亦愈做愈好,拍過多部劇集如《宮心計》、《公主嫁到》、《使徒行者》等,都係當年收視冠軍,06年阿佘終憑《鳳凰四重奏》一人分飾四角,登上第一個視后寶座,2014年更以《使徒行者》「釘姐」一角,連奪「最佳女主角」和「最受歡迎電視女角色」,成為首位「雙料視后」。

個個女星都自稱素顏其實化咗淡妝再用PS加工,42歲佘詩曼真正天生麗質,經常以真面目示人。

1.卸妝要徹底

面對拍劇和出席不同的活動,化妝差不多是佘詩曼每天都會做的事情。而拍古裝劇時甚至要塗上厚厚的粉底,用上一天的時間去拍攝。所以這時卸妝就十分重要了,如果妝卸得不徹底,化妝品中的化學物就會殘留於臉上,久而久之皮膚就會出現暗粒及皮膚暗啞了。

2.着重保濕

皺紋是歲月的痕跡,而不着重保濕,皮膚便會乾旱,容易出現皺紋,更令皮膚失去光澤感。不想要這些歲月留下來的痕跡,保濕功夫當然要做到足啦!一看佘詩曼的照片就注意到皮膚滿滿的光澤感了!

3.中醫調理

女人唔補好易老,唔補都要調理好!然而佘詩曼拍劇要經常熬夜,好傷身!因此,她平日有時會看中醫調理身子,身體好自然面色紅潤啦!

4.敷蜜糖

皮膚老化的原因,大多來自紫外線。佘詩曼說過她對於美白是非常着重的,會做不少防曬措施和用美白護膚的產品。而她擁有白滑皮膚的秘訣是「敷蜜糖」!沒錯是非常天然的蜜糖!她坦言有時候拍戲非常忙碌,甚至只有3小時的休息時間,沒時間做多重的美白步驟,而她這時便會在臉上塗上薄薄的一層蜜糖,然後敷十分鐘就可以洗掉啦!這個方法方便又省時呢!

5.食維他命C

維他命C是一種抗氧化劑,另外維他命C也有修補皮膚的作用。所以佘詩曼平常會食不少維他命C的食物,而橙、西蘭花、奇異果、士多啤梨等都含有豐富的維他命C!她更常飲果汁和做運動,保持身心健康!

正所謂真人不露相,早前電影海報美腿風波激勵佘詩曼晒出真 ‧長腳示眾,其實絕對比起腿模有過之而無不及。

佘詩曼 相隔13年再演宮廷劇

今次是佘詩曼自2004年拍攝《金枝慾孽》後,相隔13年(《延禧攻略》於2017年拍攝)再次拍攝宮廷劇,因此令一眾劇迷十分期待同興奮!

佘詩曼 10套經典古裝劇重溫

其實除咗《延禧攻略》之外,一向好戲嘅阿佘仲拍過唔少古裝劇,包括《金枝慾孽》、《宮心計》等,都成為劇迷心目中嘅經典之作!

1. 99年《雪山飛狐》

97年奪得港姐季軍後,佘詩曼在99年處女拍劇即擔正做女一,飾演由金庸武俠小說改編嘅《雪山飛狐》女主角苗若蘭,當年嘅青澀樣貌竟同近日佢飾演嘅廿幾歲嫻妃相差不遠。

2. 00年《碧血劍》

拍完《雪山飛狐》,翌年佘詩曼再演金庸名著《碧血劍》,飾演女主角阿九 (長平公主),與林家棟有感情線。

3. 01年《倚天屠龍記》

吳啟華版嘅《倚天屠龍記》,由佘詩曼飾演周芷若,黎姿演趙敏,原來兩人喺《金枝慾孽》前已演過情敵。

4. 03年《帝女花》

與陳豪、馬浚偉主嘅古裝劇,當年嘅佘詩曼仍有包包面,女二有郭羨妮。

5. 04年《金枝慾孽》

04年《金枝慾孽》可說係佘詩曼嘅代表作,亦成為宮鬥劇中嘅經典,當中佢飾演嘅爾淳為達目的機關算盡,最後卻同侍衛陳豪終成眷屬,happy ending。

6. 06年《覆雨翻雲》

同林峯主演黃易武俠小說改編電視劇《覆雨翻雲》,飾演慈航靜齋嘅秦夢瑤,打扮仙氣十足!

7. 06年《鳳凰四重奏》

《鳳凰四重奏》中佘詩曼一人分飾四角,憑精湛演技首奪最佳女主角獎,升呢視后。

8. 07年《鐵咀銀牙》

飾演牙尖咀利女狀師,與陳小春及謝天華大玩三角戀。

9. 09年《宮心計》

劇中飾演「做好事、說好話、存好心」嘅「劉三好」,至今仍為觀眾所熟識,亦是其代表作之一。

10. 10年《公主嫁到》

《公主嫁到》係佘詩曼喺無綫最後一部古裝劇,劇中佢飾演氣勢凌厲嘅公主,同陳豪繼做一對鬥氣夫妻,大受好評!

讀者留言