張學友拉犯feature

公安:歌神要多開演唱會!「逃犯剋星」張學友合肥個唱九名逃犯落網

安徽合肥市警方喺香港歌手張學友舉行演唱會期間,透過人臉識別系統,成功緝拿最少九名逃犯歸案。自從今年四月起,張學友在全國多處舉行演唱會期間,已經有超過三十名逃犯被警方拘捕,張學友因此被稱為「逃犯剋星」。

撰文:娛聞樂|圖片:Instagram、微博@平安北京 | 編輯:東方新地


「逃犯剋星」張學友合肥個唱九名逃犯落網

張學友

歌神張學友最近榮升「逃犯剋星」,在本月二十一號,在安徽合肥舉辦演唱會後,合肥警方就在微博宣布,共捕獲九名逃犯,其中有四名是在演唱會前一天被捕。據不完全統計,今年以來有約四十名罪犯因「學友演唱會」而自投羅網。睇睇個timetable:


歌神張學友在4月起在內地舉行巡迴演唱會,當時不到3個月時間已有4人落網被捕,因此被網民封為「逃犯剋星」。張學友曾對此回應道,「無論甚麼人,我想都需要娛樂的」,又稱「做賊的」無論去哪裏都會被抓,「你不在我的演唱會上被抓,你去便利店買東西也會被抓的」。張學友的回應非常謙虛。

在本月二十一號,合肥舉辦演唱會後,警方在微博公布,演唱會結束後,經點算共有九名網上逃犯被捕,他們承認並非為看演唱會而到合肥。



北京公安都喺微博公開讚揚,並鼓勵學友多舉辦演唱會。


有網民質疑是警隊內部大型行動,演唱會只是煙幕。


張學友唔單止唱得,拍過嘅好電影都多不勝數。有網民仲話佢除咗有把靚聲之外,仲有影帝級演技。我哋即刻盤點吓張學友嘅10大好戲!

盤點歌神10大好電影

「歌神」張學友嘅好歌係唔少人心目中嘅經典,但其實佢都演過唔少經典電影,有啲仲拎過獎添呀!


1.《旺角卡門》

張學友喺拍攝《旺角卡門》前已經拍過唔少電影,好似《痴心的我》、《天賜良緣》、《猛鬼差館》等等,不過呢啲都比不上呢部咁經典!因為張學友喺戲中一句:「食屎啦你!」成為神級Cap圖,時至今日都仍然有唔少網民拎出黎講笑㗎。

張學友 張學友


2.《笑傲江湖》

張學友都有份演嘅《笑傲江湖》,亦即係許冠傑扮演令狐沖嘅版本。雖然一班80、90後都未必睇過,不過有首歌都肯定聽過啦!因為主題曲係黃霑有份唱嘅〈滄海一聲笑〉!張學友仲憑角色「歐陽全榮」獲第27屆金馬獎最佳男配角添。

張學友 張學友


3.《倩女幽魂2之人間道》

唔知係咪張學友演古裝片演上癮呢?拍完《笑傲江湖》後隔咗排,張學友又演古裝片啦,而且仲係由張國榮、王祖賢及李嘉欣等一齊主演,真係粒粒皆星呀!戲中扮演知秋一葉嘅張學友,仲連埋《笑傲江湖》雙料入圍第10屆香港電影金像獎最佳男配角添!

張學友與張國榮、王祖賢等合作,《倩女幽魂II人間道》真係粒粒巨星。


4.《阿飛正傳》

好多人對《阿飛正傳》嘅印象幾乎都喺哂男主角張國榮身上,但其實張學友都有份演㗎!佢就係扮演暗戀劉嘉玲嘅歪仔。張學友嘅呢套戲嘅戲份肯定冇張國榮咁多㗎啦,所以大家對佢印象冇咁深都正常嘅。


5.《喋血街頭》

《喋血街頭》係張學友首次入圍金像獎最佳男主角嘅電影,但可惜同屆嘅對手實在太強勁,有《阿飛正傳》嘅張國榮、《愛在他鄉的季節》嘅梁家輝,同埋《賭聖》嘅周星馳。張學友雖然喺《喋血街頭》嘅演技有超水準發揮,但強敵當前始終無辦法成功封帝。


6.《黃飛鴻》

作為《黃飛鴻》系列嘅首部電影,呢套《黃飛鴻》當然係經典中嘅經典!而張學友喺戲中就係扮演牙擦蘇,戴住副哨牙嘅佢睇落都幾搞笑㗎。佢仲憑住呢個角色再度入圍金像獎最佳男配角。


7.《射鵰英雄傳之東成西就》

唔知張學友係咪因為睇見自己喺《黃飛鴻》嘅表現咁好,所以諗住拍多啲笑片呢?好似呢套經典港產喜劇《射鵰英雄傳之東成西就》張學友亦有份參演,佢仲要面對變咗雙潤腸嘅梁朝偉演戲添,都好考驗忍笑功力㗎。


8. 《超級學校霸王》

相信有睇過呢套戲嘅巴絲,第一個即刻諗到嘅可能劉華扮鐵面、或者扮「春美」嘅索爆邱淑貞,不過張學友扮演嘅軍佬都一樣好好笑㗎!剩係個髮型已經冇得輸。雖然扮得似唔似就見人見智,不過呢套電影喺一班80後相信都有返咁上下地位。


9.《東邪西毒》

呢套經典文藝片中,幾乎個個角色都被寂寞所困,唯一有得出呢個困境嘅,就只有由張學友扮演嘅洪七。如此與眾不同,難怪個個有睇過呢套戲嘅影迷,對張學友個角色都難以忘記。另外請留意返,雖然張學友喺《射鵰英雄傳之東成西就》都係扮演洪七,不過《東邪西毒》同《射鵰英雄傳之東成西就》係兩套唔同嘅電影,咪搞錯呀。


10. 《男人四十》

電影講述由張學友扮演嘅男教師同林嘉欣飾演嘅女學生發生咗師生戀,同時與結婚多年嘅太太出現問題,故事中張學友感情錯綜覆雜,而喺事業上亦苦無突破,張學友喺現實中當然冇經歷過啦,但佢亦能夠將呢種男人四十嘅演出嚟,所以當年佢憑電影入圍金像獎影帝,呼聲極高,但最後都係失落呢個獎項,真係好可惜呀!