張家輝講「渣渣輝」紅爆網絡 原來背後有苦衷…

影帝張家輝今年最紅作品,竟然唔係咩電影大作,反而係一個內地網絡遊戲廣告!一句「渣渣輝」完全係深入民心。近日家輝四出為自導自演作品《低壓槽》宣傳,其中接受傳媒時,佢就透露當日講成「渣渣輝」係有苦衷的…

撰文:東方新地|圖片:網上圖片

古天樂「輪胎能」紅極一時

講開「煲冬瓜」,雖然唔算難學,但要真正講得純正就好有難度,特別對母語係廣東話嘅香港人來說真係唔簡單,就好似古天樂上次喺廣告入面盡哂力,都講得太有廣東腔,搞到「輪胎能」成為一時佳話……

張家輝「渣渣輝」紅爆網絡

早前,張家輝為內地網絡遊戲拍攝廣告,誰不知廣告一出街就大件事了,張家輝喺廣告入面以廣東腔普通話介紹自己:「大家好,我是渣渣輝…」小編就聽過星戰入面有個角色叫「jar jar binks」(譯音:渣渣兵) 而家睇怕會多個「渣渣輝」,今次張家輝簡直接向古天樂的「輪胎能」挑機呀!

「渣渣輝」有苦衷…

近日家輝四出為自導自演作品《低壓槽》宣傳,其中接受傳媒時,佢就透露當日講成「渣渣輝」係有苦衷的!原來當日家輝患感冒,狀態奇差累到就死,仲要全日冇停過係咁拍呢樣拍嗰嘢,所以就搞成咁啦!不過家輝表示如果大家叫得開心,又覺得呢個名比較親切的話,其實佢都冇咩所謂的!

讀者留言