張寶兒

貴氣又青春!張寶兒 有個三億潮媽媽

男朋友父親病逝、發圖悼念偏偏被網民誤會賣廣告,張寶兒係就係無辜咗啲,不過唔係惹網民誤會又點會引到個Man爆男友袁偉豪衝出嚟替女友出頭呢?所以有男友撐,當堂又輕鬆晒,日子可以回復正常,陪媽媽一齊去街街⋯

撰文:東方新地 |圖片:新傳媒圖片、張寶欣IG張寶兒IG袁偉豪IG

張寶兒 有個潮媽媽

日前張寶兒帶埋媽咪去銅鑼灣行街街順手又醫肚,食完飯買夠嘢,兩母女一齊行去停車場攞車返禮頓山豪宅娘家。果然係三億千金同三億闊太,囡囡張寶兒省鏡,原來張媽媽一樣貴氣又青春,同囡囡約埋用同款iphone X、仲著埋同款牛仔褸,唔講爭啲以為係寶兒同寶欣兩姊妹去街㖭!

張寶兒
張寶兒和媽媽去街,兩母女不約而同穿牛仔褸!

行完街醫完肚,張寶兒本來帶埋媽媽去停車場攞車,點知兩母女約都冇咁齊電話一齊響,邊聽電話邊轉plan離開停車場。

張寶兒

寶兒同寶欣兩姊妹同媽媽感情要好,早前母親節就po上三母女靚相祝媽媽母親節快樂,根本就係三姊妹無異。

無條件的愛 不配有的愛 💘 #給所有的母親們 #母親節快樂 #有媽的孩子就是寶 #寶兒寶欣 #今次真係得咁多 #我屋企真係得咁多個女人 #三個都好唔同 #不知道妳哪來的堅持和能力 #媽媽妳好叻 #happymothersday
B O W I E 張 寶 兒(@_bowiecheung)分享的貼文 於 張貼

Boanne Cheung 張寶欣(@boannecheung)分享的貼文 張貼

Boanne Cheung 張寶欣(@boannecheung)分享的貼文 張貼

張寶兒家族經營成衣生意,在國內設有廠房與辦公室,其父坐擁最少3億物業,其中在禮頓山也持有多個物業。身為長女的她遲早要繼承父業,袁偉豪亦可以諗諗做個乘龍快婿,轉行從商都唔錯。

細妹張寶欣步家姐後塵選港姐,同樣獲得「友誼小姐」,近日見她放工都由公司車載返天晉寓所,兩姊妹同住。

自參選港姐後加入無綫,張寶兒即進駐天晉過千萬的單位,駕車去男友家只要4分鐘車程,跑步都係10分鐘左右,住得近方便見面。

袁偉豪 父親不敵癌魔病逝

袁偉豪的爸爸早前不幸離世,傷心欲絕的袁偉豪在社交網寫下沉痛感言,「樹欲靜而風不止 子欲養而親不在 爸爸永遠懷念您」袁偉豪的爸爸與癌病搏鬥多年,早前不幸離世,傷心欲絕的袁偉豪在社交網站公布父親離世的消息,寫下感言及上載多張與父親的合照、以及父親年輕時的照片。袁偉豪又叫爸爸好好休息:「放心,媽媽交給我吧。」

人稱泰哥的袁偉豪爸爸,從前是一名警察,從袁偉豪上載的照片可見袁爸爸年輕時一臉英氣,當中有其穿上警察制服的舊照,亦有一家人的家庭照。袁偉豪稱爸爸是一位為市民服務的好警察,又寫道:「你是我心目中最堅強的爸爸,辛苦你了。不再痛苦,好好休息。」

袁爸爸年輕時的照片
穿警察制服的舊照
舊家庭照更令人懷念

張寶兒稱袁父「爸爸」

至於袁偉豪女朋友張寶兒,早前拍攝新一季《學事學非》時雖然保持歡笑,但當接受訪問時提到袁爸爸去世,亦不禁傷心落淚。張寶兒受訪期間亦以「爸爸」稱呼去世的uncle,可見佢同男朋友家人感情相當要好。

張寶兒有感而發

向來給人感覺係個開心果的張寶兒,人前經常嘻哈大笑,在網上亦不時發放正能量,呢日佢上載一張自己喺遊輪上的照片,寫下大段感言,類似係自己對「生命」的一番感受,似乎都係因袁偉豪爸爸離世所以有感而發,亦希望安慰男友

被指賣廣告?

不過有眼利網民發現,在文字下的一大hashtag中,出現了「#世界夢號」、 「#dreamcruise」及「#海洋的氣息」等字眼,似乎就係講緊Bowie身處的星夢郵輪「世界夢號」,難免有人覺得佢係賣緊廣告…

網民們似乎好大反應:

張寶兒:下次會小心啲…

張寶兒事後出席無綫節目《海上夏日郵樂園》活動,提到被質疑借男友父親離世賣廣告,寶兒就話該文章係男友爸爸離世前後幾日寫,純粹因為嗰幾日發生的事有感而發。又表示作為藝人,講任何嘢都可能令人覺得係賣廣告,下次會小心啲。

張寶兒
被質疑係賣廣告,張寶兒都會有啲唔開心!

張寶兒

袁偉豪Man爆護花

今日袁偉豪在IG上載一張張寶兒笑得非常燦爛、以摩天輪作背景的照片,並留言為女友護航:「不用上心,懂你的人便會懂」下面仲有「遠離負能量吧」、「好好建立自己的生活」等hastag,網民見到都大讚袁偉豪護花man爆,果然係暖男!