梁競徽

張繼聰冇打招呼當透明 梁競徽記足10年仲喺IG投訴…

近日IG界興起了一股名為「10 year challenge」的熱潮,張繼聰噚晚都有喺Ig貼咗09年同19年嘅相,對比下10年前後嘅分別,明顯依家嘅佢係成熟咗、大隻咗又man咗,但最估唔到會勾起梁競徽(前名:梁烈唯、唯唯)對阿聰10年前難受嘅回憶,但唔少網友睇完都插競徽心胸窄到底佢哋之間發生咗咩事呢?

 

撰文:東方新地 圖片:新傳媒圖片、Instagram、微博、lihkg

梁競徽見張繼聰舊照 勾起難受回憶

近日IG界興起了「10 year challenge」的熱潮,就是將自己10年前後的照片post在一起作對比,分享一下當中的轉變,不少藝人都有玩,阿聰係其中一個,從10年前後的照片的對比,他明顯由瘦削身形變身成為大隻成熟型佬,阿聰仲留言表示:「睇人地嗰啲都好似冇咩點變,我就….不過老實,好感激依10年,心境嘅改變比外表變化更大 #10yearchallenge」

點知個post觸動梁競徽嘅神經,佢喺阿聰個Post留言話:「話說10年前我在tvb五廠外的走廊遇見你,當時係夜晚,而你帶(戴)住副黑超!我跟你友好點頭 say hi!但你不理我直接走過~~~」

阿聰畀人公開咁話,就梗係尷尬啦!他隨即留言回覆:「咁明顯我視力有問題啦!」仲附上滴汗嘅emoji!

 

競徽似乎唔多接受,直言一直將件事放喺心中:「當時我好難受!一直放了在心中,就算之後大家認識了我也沒有問你為何!但這些年我終於知道,當時的你正受著(着)很多壓力!」阿聰再解釋話係「應該純粹係發雞盲」,言下之意只係睇唔到,而唔係有心扮睇唔到!

 

競徽第三度回覆,忽然話明佢唔係串,仲因為見到佢依家魅力十足,從而畀到信心自己,臨尾連聲道謝!阿聰有話:「大家努力兄弟。」

阿聰回覆話:「大家努力兄弟,應該純粹係發雞盲。」

有網民睇完之後,串競徽一件咁小嘅事都記足10年,可見佢為人小器,阿聰禮貌回覆但佢一直咬住唔放!

 

 

梁烈唯宣布改名

踏入2019年,唯唯真係新聞多多,年初梁烈唯喺社交平台貼文宣布改名,寫道:「#再見2018# 2019年,讀書的,學業進步!高考大成功!工作的,事事順利!樣樣稱心!做生意,鴻圖大展!生意興隆!梁競徽敬賀! ​​​​」不過大家一時三刻未必習慣喇,畢竟大家平時都叫開「唯唯」,但無論如何大家以後請叫佢「梁競徽」!

梁烈唯

網民即刻取笑

雖然梁競徽未有回應改名的原因,以往也有不少藝人想改名轉運,但相信他這次改名決心都幾大,事關他連ig名都改埋做「king_fai326」。不過想像力豐富的網民又怎會放過人稱負評王的梁烈唯,更笑稱梁競徽是「梁勁廢」!

梁烈唯

「競徽」的寓意

雖則新名有什麼寓意大家就暫時不得而知,但從字面上看,「競」有競爭,競賽的意思,而「徽」在《爾雅·釋詁》中就有善的意思,所以自古以來都廣受帝王喜愛,例如唐高宗在位期間第一個年號就是「永徽」有永遠美好之意,而北宋最後一任皇帝的廟號就是「徽宗」。由此可見,睇嚟「徽徽」對未來應該有非常大的寄望!

唯唯獲最佳男配角惹民憤

有負皮王之稱嘅梁烈唯憑《是咁的,法官閣下》拎「最佳男配角」,巴打當然就唔滿意啦!先唔講佢本人唔受巴打歡迎外,網民都一致認為其他對手比佢更值得拎獎,好似喺《跳躍生命線》飾演雄哥張彥博同喺《BB來了》飾演葉致遠嘅徐榮等,都係最佳男配角嘅大熱之選!

巴打表示呢套劇佢嘅角色唔太重要,戲份亦唔多,睇唔到佢值得拎獎嘅地方。

巴打都好戥飾演雄姐嘅張彥博唔抵,佢入行多年難得有個角色咁成功入屋,亦係第一次被提名。《跳躍生命線》入面其中一場雄姐殉職更牽起一眾觀眾情緒,拎唔到獎真係好可惜!

巴打話再唔係個獎俾伍允龍仲好,就算都無咩演技,但起碼人地好落力埋身肉搏!

加上佢入行多年,年紀又唔細,同佢同年出道嘅一早就做晒一線男星。巴打唔明無綫捧佢嚟做咩,又指佢外型又唔好,可塑性又低。

「負皮王」有名你叫,網上討論區個post短短幾分鐘就已經負皮連連,睇得出唯唯人緣麻麻地喎!

佢成為「負皮王」係有原因架!因為佢以前多番言論都係「親共」同「擦鞋」,引起巴打不滿!

有巴打就話如果佢唔係擦鞋,可能連二打六都無得做啊!

仲話無綫其實頒比大帥哥入面隻狗仲好!

巴打就話其實呢一個係勵志故事嚟,無綫係想俾大家知道就算幾差嘅人都有機會拎獎,鼓勵大家唔好放棄咁話!

延伸閱讀:藝人潮玩網絡晒10年前舊照挑戰

日前,社交網興起玩#10yearschallenge,而圈中唔少藝人都即刻緊貼呢個潮流,哂出自己10年前嘅舊照!

最近,譚凱琪喺《大帥哥》中飾演天嬌而人氣急升,Zoie就將自己2009年舊相同今年嘅新相拼埋一齊做個對比,並留言話:「人生有幾多個十年」!睇相見佢同10年前個樣一模一樣咁,淨係條眉唔同咗,似乎佢都keep得相當好喎!

而網絡紅人倪晨曦亦都上載自己10年前舊照,並留言:「由小傻妹變成大傻妹 but my smile never changed」,一向靚女嘅Elva就被網民大讚,不過有網民就笑言:「以前的臉比較多膠原蛋白」。

除咗女星夠膽玩呢個挑戰外,男星都唔例外,就好似依家51歲嘅胡渭康同樣無懼晒出對比圖,仲指:「人玩我又玩」,唔少網友睇到都讚一向保養得宜嘅佢睇落同樣冇點變,反而仲多添幾分成熟男人味!

而後生一輩嘅何廣沛亦都跟隊晒出對比圖,笑言:「人玩我又玩,最緊要搵番張一樣都係out focus既相」,睇番依家30歲嘅佢10年前原來係梳「飛輪海」頭,有網友就話佢皮膚白咗之外就冇點變!

林奕匡喺IG話:「見大家都玩,我又玩埋一份」,10年前嘅佢一臉稚氣,依家做咗人夫個樣都成熟穩重咗,而最大唔同可能只係對眼依家好似大咗啲啲。

而汪詩詩就晒出同宇宙最強嘅老公甄子丹10年前嘅合照,望落分別都唔太大,都係一樣咁恩愛!

呢位勁似周董?

不過要數喺呢個挑戰最特別嘅就一定游學修!皆因佢將自己10年前嘅相同周杰倫當年嘅「八度空間」唱片封套拼埋一齊,雖然游學修似唔似周董就真係見仁見智,但有樣嘢可以好肯定嘅就係佢應該覺得自己好似周董!

View this post on Instagram

#10yearschallenge

A post shared by 游學修 Neo Yau (@neoyau19) on

延伸閱讀:

14位女藝人童年照

1.佘詩曼

現年43歲的佘詩曼1997年參加香港小姐奪季軍,同年簽約TVB加入娛樂圈,演藝事業一直平步青雲。而今年大熱內地劇集《延禧攻略》更令阿佘獲得廣泛內地網民支持,再次成為城中熱話。

有「大美人」之稱嘅關之琳細細個已經係美人胚子,眉清目秀,對笑眼至今依然存在!

3. 胡定欣

定欣四個月大時,眼仔碌碌好可愛。

4. 林夏薇

林夏薇除了身材皮膚keep得好,靚樣原來由細到大都無變,細個已經幾靚女,五官相當標緻!

5. 陳慧琳

陳慧琳出哂名身型高佻,但原來佢1歲時臉圓圓,睇落仲好似好為食咁。

陳慧琳1歲的童年照。
3歲時嘅童年照已見Kelly手長腳長!
陳慧琳5歲的童年照。

6. 賈曉晨

賈曉晨細個時成個男仔頭咁,似男仔多過似女仔,好彩大個變番個靚女。

7. 郭羨妮

郭羨妮曾於微博上載一張小一入學舊相,小學就已經咁靚女,難怪大咗可以選到香港小姐冠軍啦。

8. 高海寧

高Ling細個時嘅樣同而家變化不大,對眼同而家最相似!

9.鍾嘉欣

嘉欣BB愈大愈靚,bb個時仲肥嘟嘟,真係好趣緻呀!

鍾嘉欣(右)5歲時與姊姊(左)童年照。

10. 陳慧珊

陳慧珊48歲生日,喺個人社交網上載幾張童年照,唔少網友睇到啲相,都話陳慧珊好似媽咪,成個餅印咁話,唔知大家又點睇?

11. 蔡卓妍

阿Sa童年時已經表演慾滿分,而且個樣帶幾分可愛,跳芭蕾舞都幾襯佢!

12. 陳研希

陳研希老公陳曉日前趁住老婆31歲生日,於是上載咗老婆嘅童年照,睇落小時候嘅陳研希同而家都仲有幾分細個嘅影子。

13. 孫燕姿

大家可能會以為矮啲嗰個孫燕姿,但實情著住藍色衫個女仔先至係,係咪睇唔出呢?

14. 范冰冰

冰冰嘅童年照中,見到佢細細個已經深明影相角度嘅重要性,識得微微低頭45度角望鏡頭!

15位男星童年照曝光

難度:初級

以下5位男明星樣子像打了防腐劑樣子一點也沒變,你一定會估到的!

第15位

哥哥小時候已經眉清目秀,其實樣子真的沒怎麼改變,氣質文靜樣子清秀,真是一個美男子。

答案:張國榮

影帝梁朝偉雙眼從小到大都像會說話般,憂鬱的眼神絕對不會認不到吧!

答案:梁朝偉

第13位

吳卓羲細細個已是「眼仔碌碌」,連髮型跟現在差不多,可算是直頭沒有變樣!

答案:吳卓羲

第12位

男神吳彥祖反而是越長越好看呢!小時候的五官沒長大後的深邃,好像長大後較英俊!

答案:吳彥祖

第11位

陳偉霆還是越大越好看,相較小時候現在的鼻子更高挺呢!

答案:陳偉霆

難度:中級

再來是5位中級難度的男明星童年照!

第10位

周柏豪小時候是個臉圓圓的可愛小男孩!雙眼從小到大都很水汪汪、亮晶晶。

答案:周柏豪

男神也有後天努力的例子,小時侯胖胖的彭于晏便是代表!不過小時候胖嘟嘟的樣子也很可愛呀!!

答案:彭于晏

多國混血兒李治廷也是愈大愈有型!

答案:李治廷

第7位

周星馳小時候起樣子,一看便知道他鬼鬼馬馬!

答案:周星馳

第6位

原來澤囝小時候也有胖過,而且小時候有點男生女相呢!

答案:黃宗澤

高難度級別

準備好了嗎? 排名越前真是越難估!

第5位

黄秋生小時候真的很可愛!

答案:黄秋生

第4位

絕對不能相信這個胖嘟嘟的小子是男神古天樂!不過仔細一看,硬要說的話那個嘴巴是有點像的!(小編有同事猜他是曾志偉!)

答案:古天樂

第3位

視帝黎耀祥除了面形以外,其他的都不太像呀!

答案:黎耀祥

第2位

看完答案都不相信是「明福俠」!不過黎明小時候還是帥帥的小男孩。

答案:黎明

第1位

我的天呀!這個長長的下巴是屬於獎門人的嗎?與一貫圓臉的他真的不太像!第一眼看還覺得有點像房祖名!很難估嗎?沒關係,打和!(獎門人金句)

答案:曾志偉