張曦雯

回顧張曦雯6年女神上位之路 選美冠軍到貼地小花

最新娛聞

華姐冠軍張曦雯(Kelly) 樣貌身材皆出眾,高貴氣質被指靚得太「離地」,近日更因《跳躍生命線》的演出備受關注,人氣急升!由成為選美冠軍至今六年,由當初《Pearl Tonight》、《3日2夜》、到《跳躍生命線》,由高貴離地女神到愛打機、愛下廚的貼地女神,一齊回顧張曦雯上位之路!

撰文:東方新地|圖片:新傳媒、Instagram、劇集截圖

張曦雯演《跳躍生命線》人氣急升

無綫台慶劇《跳躍生命線》上星期已經大結局,不過唔少人仍然議論紛紛,其中只係第三次拍劇的張曦雯,本來樣貌身材已經超班、演技進步不少,而且角色討好而備受關注。大結局中張曦雯遇交通意外受重傷,幸好最後冇事!大團圓結局!

2012年華姐冠軍

1990年出世的張曦雯今年28歲,樣子標緻、笑容甜美,不單上圍豐滿,身高175cm的張曦雯更擁有一雙修長美腿,完美!2012年參選「國際中華小姐」,張曦雯以半冷門姿態成為勇奪冠軍,同年更代表香港出戰「2012年世界小姐競選」,係繼1988年李嘉欣和2000年郭羨妮後,第三位參賽的佳麗。

高貴氣質太「離地」

卸下華姐冠軍后冠後,張曦雯便與無綫簽約,更因操得一口流利英語而獲委任明珠台《港生活·港享受》及翡翠台《東張西望》時段內的《Pearl Tonight》主持,開始為人認識。舉手投足散發高貴氣質,加上被指靚樣太「離地」,張曦雯漸漸與女神劃上等號!

原來家庭背景僅只「一般般」?

不過近日有本地媒體爆料,外表十足ABC又離地的張曦雯,家庭背景僅只「一般般」,有指佢小學四年級先移民美國,父母都屬草根階層,移民前居住喺黃大仙下邨公屋。張父任職技工,張母則幫人做Facial,與親友合資經營美容舖,收入只係一般。

爆料者仲話,張曦雯本來叫「詠欣」,直至兩歲先搵相士指點,改做「曦雯」;「而家父母憑女貴,都證明當初個相士好靈啦!」

《律政強人》嶄露頭角

去到2016年,張曦雯終於迎來第一次拍劇,在《律政強人》中飾演潘希文(Libby),與一眾前輩如方中信、廖啟智及李佳芯等合作,雖然戲份唔太多亦未見太突出,不過仍獲得觀眾留意,特別係讚佢外形好適合做律師!

《7日羅曼史》演最強小三

另外於港韓合作拍攝的短劇《7日羅曼史》中,張曦雯飾演黃翠如的大學同學兼多年老友,不過竟然搭上好姊妹嘅男友陳智燊!而且喺劇中嘅衣著打扮夠晒進擊,首先以開窿低胸晚裝岀場,又喺翠如BB面前同陳智燊扮唔識,個帶少許奸詐的笑容真係好嫵媚!


睡衣誘惑

之後到deep V薄紗睡衣出場,令人不禁想入非非,難怪陳智燊會俾佢撬走啦!


辦公室偷情

之後張曦雯同陳智燊上演辦公室激戰,坐喺對方大腿上面錫到鼻都甩咁滯,非常火辣!好睇到想再encore!一班男網民睇完都讚張曦雯完全冇得輸,仲話想搵佢做小三多過做女朋友!



愛人結婚了 新娘不是我

全不知情的翠如BB一心以為可以同陳智燊繼續走下去,誰不知對方已經決定同另一人結婚,仲要係自己十幾年好姊妹!遇到呢啲場面,就好似張曦雯劇中句對白:「到依家都冇咩可以解釋啦。」


主演劇集排住隊出街

《跳躍生命線》其實只係張曦雯成當家小花的第一步,嚟緊仲有《金宵大廈》、《白色強人》、《解決師》,以及重頭劇《飛虎之雷霆極戰》,令人期待!

《3日2夜》大解放

除了演出劇集,真正令張曦雯深入民心一定係2016年底《3日2夜》!大家都知呢個節目專出女神,而大家亦志不在觀看旅遊資訊,梗係睇索女啦!張曦雯喺節目中大解放,盡情展現噴血身材,無得輸呀!

直播打機爆粗

有着華姐冠軍的美貌與氣質、外國回流英文一流,張曦雯雖然個人背景及美貌都被指離地,但原來都有非常麻甩的一面!佢就試過直播自己玩喪屍遊戲《Resident Evil 7》,高峰期有逾2千人收看!

真性情女神

大家唔好以為女神打機只係「做樣」,唔少網民都讚佢玩得有板有眼,技術到家,最重要係流露真性情!見到素顏戴眼鏡的張曦雯打機時非常肉緊,表情多多,時而大笑時而扁嘴,玩得興起時仲狂爆英文粗口!佢玩得high之餘,網民睇得更high!

廚藝滿分 入得廚房出得廳堂

最近張曦雯上《美女廚房》,除了有人人讚的滿分廚藝外,仲勁識冧掂評判,放電、飛吻、撒嬌通通齊,唔使講嘢啦,10分!

 

張曦雯近日成為網民熱烈討論對象,不過網上有唔少人留言話女神其實「進化」咗好多,仲有大量舊照流出,畀人話佢整過容喎!有圖有真相!大家覺得呢?

雖然都係靚,但隻眼好似有啲唔同……

仲有個鼻!明顯高咗,鼻頭尖咗咁。不過張曦雯就話屋企有好多由細到大的相片,個樣同而家一樣,所以唔驚畀人話佢整容,大家又點睇先?

讀者留言