張曦雯staycation

張曦雯Staycation晒素顏床照 與愛犬玩瑜伽

張曦雯快要投入拍劇集《白色強人2》,趁開工前夕,張曦雯帶埋愛犬玩Staycation ,疫症爆發八個月,就足足八個月少出門多留家。屋企門口都唔多敢行出去,更何況坐飛機出埠呢?一向愛犬如命的張曦雯,去玩當然預埋囡囡Nala齊齊玩,還表演親子瑜伽!

撰文、圖片:東方新地

張曦雯Staycation孖愛犬出遊玩

潮興Staycation,張曦雯都唔例外為自己叉叉電,香港人想放個假,酒店想減少空置率,近日香港時興Staycation!除咗入酒店Staycation開 P 慶祝生日、籌備求婚之外,八姨太覺得最開心係唔少酒店接受寵物入住,咁就啱晒啲想出去玩、又唔捨得放低主子嘅狗奴啦!

平時忙開工周圍飛,有時焗住放低屋企愛犬。趁住呢個疫情時興 staycation,張曦雯就特登 book 番晚酒店帶埋 Nala 一齊度假。
平時忙開工周圍飛,有時焗住放低屋企愛犬。趁住呢個疫情時興 Staycation,張曦雯就特登 book 番晚酒店帶埋 Nala 一齊度假。

三年前養咗隻柴犬 Nala 嘅女神張曦雯 (Kelly) 日前就 book 咗酒店玩Staycation,帶埋 Nala享受呢個服務。邊個話酒店房地方細又「 屈質 」㗎?愛狗如命嘅 Kelly 就專登 book咗間大房,有廳有房有海景仲有闊落空間,住足兩日一夜同 Nala 又 high tea、又滾床單、仲做埋瑜伽,全程唔使出門口都唔會悶。至於拍拖兩年半嘅男朋友 MarkBrunyez 有冇跟埋去 Kelly 就冇講,不過目測去到邊都攬住狗狗,但就有專人負責揸機影相,睇怕 Mark 至係電燈膽,唔怪得之網友留言都話 Nala 好命啦!

為咗令 Nala 覺得賓至如歸放假放得盡興,Kelly 準備埋狗蛋糕畀 Nala 獨食。
為咗令 Nala 覺得賓至如歸放假放得盡興,Kelly 準備埋狗蛋糕畀 Nala 獨食。
30歲張曦雯北角半山豪宅曝光 無得出遊孖愛犬玩staycation
有福同享,蛋糕唔通Nala都有份?
相中可見,酒店房有廳有房空間感十足,仲有大大個廳可以放地氈玩瑜伽,Kelly 有得做運動而 Nala都可以舒展筋骨。
相中可見,酒店房有廳有房空間感十足,仲有大大個廳可以放地氈玩瑜伽,Kelly 有得做運動而 Nala都可以舒展筋骨。
Nala心諗:你要keep fit我唔使,放開我呀!
Nala心諗:你要keep fit我唔使,放開我呀!
張曦雯staycation瞓咗晚,床鋪都唔覺亂,究竟係一個人定一pair人呢?
張曦雯Staycation瞓咗晚,床鋪都唔覺亂,究竟係一個人定一pair人呢?
張曦雯著靚靚睡衣,晒「素顏」起床look。
張曦雯著靚靚睡衣,晒「素顏」起床look。

張曦雯北角半山豪宅曝光

張曦雯同男友 Mark 同居於北角半山豪宅,跟一貓一狗一家四口住得好舒適,只是近月未能出埠,潮興 Staycation,張曦雯都潮埋一份。最近張曦雯貼相為健康食品作介紹,連其家居都曝光,走簡約溫馨風,背後暖色皮梳化上全是毛毛咕𠱸,加上白牆上放滿女主人的畫作,感覺溫暖又舒適。

貴氣美艷可以、貼地打機亦可以,出名係打機女神嘅張曦雯平時喺屋企打機都有 Nala 陪伴。
貴氣美艷可以、貼地打機亦可以,出名係打機女神嘅張曦雯平時喺屋企打機都有 Nala 陪伴。
偏廳則選用了布梳化,Kelly最愛躺著閱讀劇本,近日正為下月開拍的《白色強人2》準備。
偏廳則選用了布梳化,Kelly最愛躺著閱讀劇本,近日正為下月開拍的《白色強人2》準備。
睡房亦以簡潔布置為主,KingSize 特大床想點碌都得,梳妝枱前的椅上鋪了毛毛墊,盡顯 Kelly呢位女主人的小心思。大衣櫃有連身鏡,女士們至愛!
睡房亦以簡潔布置為主,KingSize 特大床想點碌都得,梳妝枱前的椅上鋪了毛毛墊,盡顯 Kelly呢位女主人的小心思。大衣櫃有連身鏡,女士們至愛!
今年5月三十歲的張曦雯在家開P,木製長餐枱,閒閒地招呼二十多人,就知屋企幾寬敞。
今年5月三十歲的張曦雯在家開P,木製長餐枱,閒閒地招呼二十多人,就知屋企幾寬敞。
還有偌大露台,能遠望維港景,是到訪友人必到的打卡點。
還有偌大露台,能遠望維港景,是到訪友人必到的打卡點。
Kelly 自認是鞋癡,早前公開其十層高鞋櫃,一對對名牌高踭鞋大晒冷,擁有過百對鞋。
Kelly 自認是鞋癡,早前公開其十層高鞋櫃,一對對名牌高踭鞋大晒冷,擁有過百對鞋。
客廳放了不少大型植物配上木家具,相當合襯,地上放了一大張毛毛地氈,足夠五呎七吋高的張曦雯同狗狗碌來碌去親子樂,同時也是Kelly玩VR的最佳場地。
客廳放了不少大型植物配上木家具,相當合襯,地上放了一大張毛毛地氈,足夠五呎七吋高的張曦雯同狗狗碌來碌去親子樂,同時也是Kelly玩VR的最佳場地。