張柏芝

公開38歲張栢芝凍齡大秘訣 堅持早上起床唔xx!

當年憑著《喜劇之王》成名的張栢芝 ,剛出道時驚豔了無數人,是不少人心目中完美的女神!出道21年的她依舊保養得宜,在綜藝節目上也毫不顧忌露出素顏,更被選為「年度最美麗女人」,凍齡女神名稱實在是當之無悔!究竟是如何令歲月不在她臉上留下痕跡?
撰文: MingFung、Chloe | 圖片: 張栢芝微博、Instagram|原文刊於:more|編輯:東方新地

早年的 張栢芝 顏值爆表

1999年賀歲片《喜劇之王》,出道不久的 張栢芝 就被欽點為電影女主角,電影最後更成為當時賀歲片中的票房冠軍!而之後參演的愛情電影《星願》又讓她繼續發熱發光,為她帶來金像獎新人獎。當年的張栢芝 外表清純,樣貌極美,是男性心目中的女神,女性心目中的完美指標。

由細靚到大
細細個的柏芝已長得非常靈動。

細時的張柏芝已經亭亭玉立,輪廓非常深,這就要感謝那四分之一的英國血統了,這麼年輕就有這樣精緻的五官,從小就是美人胚子一個!

由細靚到大
《喜劇之王》

張栢芝出道20年,今年已經38歲,樣子更與她當年第一套電影《喜劇之王》沒有太大差別,依舊美麗動人,只少了一份稚氣和消除了「Baby Fat」。

由細靚到大
剛出道拍戲的張柏芝。

《河東獅吼》

38歲張栢芝 3孩之母美貌依然

早前,張柏芝更突然宣布已於去年11月誕下第三胎,怎麼看也不像已經是3個小孩的媽媽!

產後寫真

現在張栢芝不再活躍電影圈,反而專心照顧兩位兒子。不過,就設立了自家的時裝品牌,找來兩位兒子做代言人,寓工作於「湊仔」。

 

雖然近年來張栢芝減少活躍於大銀幕上,但她也有不時參與多個內地綜藝節目,不止美貌沒有減退,更是沒有在臉上看到歲月的痕跡。

 

早前張栢芝身穿一襲碎花連衣裙亮相內地節目,瞬間減齡回到18歲,感覺充滿活力!

張栢芝 凍齡祕訣

1. 每天最少運動4個小時

提及保養祕訣,運動達人張栢芝表示運動是必不可少的!游泳、衝浪、溜冰、滑雪等等的運動她都很擅長。她說自己的運動時間都很長,平常每天至少運動4個小時,如果是在等小朋友下課的時候,連續運動8小時也是毫無壓力的!張柏芝笑著說,自己習慣了,即使長時間運動也完全沒有累的感覺。

圖片來源:張柏芝的經紀人微博

藝人永遠是媒體愛關注的對象,生活在鎂光燈之下的張栢芝一定會有不少壓力。為了舒緩壓力,她平時更會做瑜伽來放鬆身心。

栢芝喜愛溜冰,更曾與專業花樣滑冰運動員戈米沙在慈善活動中表演花樣滑冰。

連滑水也擅長,真的算是一個運動能力!

2. 多吃水果補充維生素

張栢芝十分注重身材保養,自生完二胎後復出娛樂圈,她更專門請瘦身專家指導有氧運動,堅持以清淡為主食,主張多吃水果多喝湯。

微博相片:2015年擔環球小姐中國區總決賽評委

張栢芝喜歡將木瓜,西紅柿和橙剝皮切開榨汁飲用,因為水果中大量的維生素C 是很好的美白產品,多吃這類水果不僅能白嫩肌膚,更能為乾燥的肌膚補充水分。

3. 不洗臉護膚方式

栢芝曾在節目《媽媽咪呀》曾贊同「不洗臉」的護膚方式,表示她保持皮膚年輕的秘訣是「早上起床不洗臉」。這是一種「肌戒毒」的新概念保養,肌膚啟動自我修復功能新概念,通過只用清水清潔皮膚讓肌膚排毒以達到治愈皮膚的功效。當然,一直不洗臉也是不行的們,她認為睡覺醒來,臉部就會有一層很好的油脂,所以沒必要去洗,當然如果是油性肌膚的話,用清水也就可以了。

平時栢芝都回淡妝出行,她表示「盡量少化妝為肌膚減壓」,這樣能給肌膚減輕壓力,而且不管是工作多忙和工作到多晚,回家後她都都會認真卸妝和徹底清潔臉部肌膚!

延伸閱讀:

張栢芝官網親證誕第三胎

張栢芝透過工作室發聲明:「親愛的影迷朋友、媒體朋友、合作夥伴,工作室非常開心地代表張栢芝分享一則喜訊:張栢芝女士已於11月誕下第三子,母子均安。孩子與家人是栢芝一直以來守護的最重要的人,在接下來的日子裹,栢芝會全力為三個孩子創造更加優越的成長條件,同時也會努力帶來更好的作品。『小王子』滿月了,感謝大家的關心與祝福!」

張栢芝
今早張栢芝透過官方微博承認再生B一事,原來BB已經滿月喇!
張栢芝
張栢芝仲大晒靚相!

栢芝除咗喺微博宣佈第三胎已經滿月之外,更向大陸傳媒派發喜餅,曲奇盒上印有卡通小熊貓圖案,隨盒更附上一張卡通感謝卡,上面清晰可以見到栢芝抱住新生嬰兒,左右兩旁就有兩位西裝骨骨嘅哥哥Lucas同埋Quintus。

呢個「一家四口」圖,係冇「爸爸」個樣。

栢芝着魚網絲襪 翹腳勁霸氣

之前栢芝將社交網全部照片刪除,但今日佢嘅社交網突然復活,仲連環上載多張相片,做埋生招牌為自家品牌宣傳!相中可見,佢四肢纖細,仲着上魚網絲襪以紅黑打扮喺車及門口大擺甫士,V面重現,狀態大勇。而細佬張豪龍亦有出鏡,兩姊弟住喺櫈上,栢芝仲豪邁翹腳,勁有霸氣!不過未知係新相抑或舊相呢?

「神隱」半年 張栢芝出山

在本月初,飲食作家Bonnie在社交網站上傳一張與栢芝的合照,「神隱」半年的她終於曝光!照片中張栢芝戴著黑超,身穿紅色樽領衫,雙手舉V,面頰明顯較以前飽滿,Bonnie留言表示:「今日小朋友遊樂日又撞到好姊妹Ceci,Quintus愈嚟愈高大靚仔!」據知栢芝當日只係同細仔Quintus到深灣遊艇會,而大仔Lucas就留在家玩電腦。

張栢芝
「神隱」半年的張栢芝終於曝光,飲食作家Bonnie日前在社交網站上傳一張與栢芝的合照!

網友:長黑髪唔補染?

不少網民留言猜張栢芝到底係咪剛剛生完BB,有人話生完冇理由唔使坐月咁快出外,但又有人話栢芝明顯肥咗,而且懷孕嘅婦女為了BB健康多數都暫時唔染髮,而睇睇貪靚嘅栢芝,居然長了一大截黑髪而唔補染。

至於Bonnie就表示相片係得到栢芝同意才上載,又話手上嘅紫色手帶係昨日深灣遊艇會活動才派發,證明係相片係昨日才拍,而不是舊照當新照,仲話冇其他嘢要補充,傳媒有問題就問番當事人!

傳bb爸爸係新加坡富豪

有報道指38歲張栢芝在上月25日於養和醫院生咗第三胎,而且都係男嬰,BB的父親是一名年過六十歲的新加坡富豪,是當地連鎖飲食集團股東,又擁有一間上市企業。栢芝媽媽數個月前曾在節目亮相時,親口爆料指女兒的新男友是「一位65歲的新加坡富豪」,雖然兩人年齡相差廿十多歲,但卻很會照顧人。

神隱數個月

據報道又指出,張栢芝為生B保密工夫做足,唔止將Ig、微博嘅個人帳戶全部post刪掉,近數月突然未有在公開場合露面,而早於7、8個月前,仍經常見到栢芝在大埔康樂園會所出現,但最近已不見其影蹤,反而有唔少人在養和見過佢。而最後一次現身是今年5月,她和吳建豪宣傳主演嘅大陸電視劇《如果愛》,當時栢芝著住鬆身裙出席活動,被指刻意遮掩孕味!

自爆2018年要生BB

雖然已經有兩名可愛的兒子,也未有透露有新對象,但今年初,栢芝突然在Instagram揚言要生B:「2018之前必定要生出個BB來,This is my goal!」

今年7月放暑假,栢芝曾上載與兩個仔仔跟媽咪三代同堂茶敍照片,當時佢仲話要幫仔仔生多個妹妹!

而今年3月栢芝罕有地在Instagram貼出一張有男伴出現的游泳照,未知相中男子是否新男友!

不過,消息未得到栢芝的證實,而有傳媒向其經理人Emily求證,她未有正面否認,只是說:「沒有回應!」

而栢芝前夫謝霆鋒被傳媒追問是否知道前妻栢芝誕B及跟新加坡富商交往一事,他表示:「我唔知呀。」而對於有傳栢芝再生BB,身為前老爺嘅謝賢向栢芝送上祝福:「我唔知,唔講喇!同我祝福佢!」

今年4月,本刊在又一城影到栢芝同兩個囝囝行街,當時栢芝穿上鬆身運動褲及波鞋,未見孕味!

張栢芝

張栢芝同兩個寶貝仔行街,冧爆又拖又錫又攬!

張栢芝
10歲Lucas同7歲Quintus高咗又靚仔咗,不過唯一無變嘅係一樣咁錫媽媽,大個仔一樣乖乖畀張栢芝攬住行。

去到邊都出名親民有求必應,栢芝被粉絲要求合照時,仲好識做面貼面舉晒V。

張栢芝

張栢芝
始終係仔好動啲,張栢芝同fans影緊合照,兩兄弟在商場追住玩
張栢芝
買完玩具行唔夠幾步,Lucas就好乖咁搶住幫媽咪拎嘢,認真抵錫。

好媽媽張栢芝陪囝囝去嘉年華

張栢芝計劃今年開戲做導演,近期已忙於籌備,早前公開招募新演員,最近又忙於搞自家服裝品牌生意,不過點忙都好,栢芝一定留大量時間畀兩個兒子。 去年12月26日Boxing Day,栢芝帶兩個仔去中環「歐陸嘉年華」玩。

張栢芝
細仔Quintus特別鍾意玩掟公仔,Lucas就陪細佬玩埋一 份,張栢芝細心教兩子拋呼拉圈落公仔度,可惜兩兄弟一 直掟唔中。

張栢芝

去中環嘉年華

當日傍晚約六時許, 栢芝帶住Lucas及Quintus, 約埋髮型師好友Marvin,到達中環「嘉年華」會場,甫入場就拖住兩個仔,急急腳迫排隊玩攤位遊戲,7歲細仔Quintus見到啲毛毛公仔已經非常雀躍,捉住栢芝玩拋呼拉圈遊戲,只見栢芝拖住Quintus,細心教他拋出呼拉圈落啲公仔度,不過兩兄弟一直掟唔中,為幫兒子贏公仔,栢芝就落力掟,好彩最終贏得兩隻戰利品。

張栢芝
栢芝將全副精神照顧兩個兒子,聖誕節更為兒子安排特別節目,Boxing Day當晚就帶兩個仔去中環「歐陸嘉年華」玩!

玩完攤位遊戲,她再陪兒子玩機動遊戲「飛天韆鞦」,不過細仔Quintus驚驚唔敢玩,於是栢芝頂上陪Lucas兩個人玩,而髮型師Marvin就帶Quintus去買棉花糖,邊食邊等媽咪同哥哥,Quintus更加食到啜埋手指,十分可愛!

張栢芝
張栢芝同Lucas去玩機動遊戲,Quintus則同栢芝的髮型師好友Marvin行去買棉花糖食!

陪Lucas玩「飛天韆鞦」

啱啱開完工的栢芝似乎冇乜精神,但仍頂硬上陪兒子玩機動遊戲「飛天韆鞦」,開始時仲見栢芝笑晒口!

Lucas全程玩到笑唔停,反而栢芝愈玩愈驚,成個樣硬晒軚,仲要用手撳住個頭,直至機動遊戲停低才有番笑容。三母子玩了個多小時,才盡興離開。

張栢芝
不過張栢芝全程撳住個頭,驚到硬晒軚,成個身挨落Lucas度!

Lucas幫手撩牙

去完嘉年華當晚,栢芝就在lG晒相,除表示去了嘉年華玩,又放了一張吃完飯攰到瞓著覺嘅相|大讚Lucas十 分乖巧,知道媽咪攰到瞓著,一直陪在她身邊,仲幫佢撩牙,栢芝更感動表示「教我如何不愛你」。

工作湊仔兩邊忙

假期期間,栢芝要返內地工作,就帶埋Quintus陪開工,Lucas要出席同學仔party才未有同行。放完聖誕新年假,稍後又要為兩個仔學校考試忙碌,栢芝真係廿四孝媽咪。

張栢芝
張栢芝近日成立自家服裝品 牌,不停網上 po相自我宣 傳,自己同兒子更加做埋 Model!