k1

張瞻開IG晒床照 出賣謝安琪素顏照

謝安琪、張繼聰嘅大仔張瞻(James)都10歲,佢同時下青少年一樣鍾意上網同打機,最近仲開咗Instagram,瞻瞻最初只係同同學仔互動一下,直至一po咗張同阿媽謝安琪嘅合照,follow佢IG嘅粉絲嘅人數由雙位數激增變四位數,就連謝安琪、張繼聰都follow埋佢,瞻瞻IG晒床照話瞓唔著,老竇同阿媽九秒九留言「做嘢」,瞻瞻有父母全天候看顧住,好幸福⋯⋯
撰文:東方新地

圖片:新傳媒圖片、張瞻IG

張瞻開IG晒床照 出賣謝安琪素顏照

張瞻晒母子合照,阿Kay身穿睡衣,更加係全素顏,仲要有啲包包臉、眼腫腫,無意間出賣咗阿媽冇化妝個樣,不過阿Kay冇要求阿仔刪相,但就留言話自己嗰時坐緊月,想話畀大家知當時未係最弗狀態。

張瞻
張瞻晒佢同媽咪合照,見Kay眼臉都有點浮腫,喺鏡頭前靚靚示人嘅阿Kay,呢個不在狀態嘅素顏照,無意間畀阿仔出賣。阿Kay其後留言指自己當時正在坐月!
張瞻
謝安琪生咗囡囡後,都冇忽略瞻瞻,大仔玩IG兩公婆Follow住緊貼囝囝嘅生活!

晒床照

呢個年代做父母唔易,想更加了解子女就係「融入」佢哋嘅生活!謝安琪同張繼聰工作再忙都Follow囝囝IG,好似日前張瞻瞓唔著但就玩IG同大家分享,老竇張繼聰立即留言話「小心﹗你爸爸嚟緊」,而阿媽謝安琪亦留言話「可能玩得太多電腦遊戲,我考慮減少你嘅打機時間睇吓幫唔幫到你,你覺得點?」相信張瞻見到父母留言會秒睡﹗

張瞻
張瞻IG貼床照話瞓唔著,老竇張繼聰立即留言話「小心﹗你爸爸嚟緊」,而阿媽謝安琪亦留言話要減佢打機時間⋯⋯

連日來張瞻玩IG玩得不亦樂乎,無時無刻都同佢嘅fans開心些牙,而細妹張靖喺佢IG曝光率最高嘅人,爸爸張繼聰就未有影!

張瞻
張瞻chok住擺甫影相。
張瞻
呢張張瞻兄妹合照好溫馨,兩個都好cute cute。
張瞻
張瞻同張靖兩兄妹餅印一樣!

碧咸大仔玩IG 畀老竇查牌

其實唔止張繼聰、謝安琪Follow瞻瞻嘅IG,即使係萬人迷追碧咸都一樣!佢17歲大仔布魯克林(Brooklyn)之前喺IG玩直播,點知半路殺出一個叫「davidbeckham」嘅粉絲留言「你應該返緊學㗎喎」,你冇睇錯!之唔係老竇碧咸囉!Brooklyn當堂皮笑肉不笑,尷尬到極,咁都未完!老竇再補加句「呢件恤衫係我㗎喎」,Brooklyn個表情𤓓到想搵窿捐⋯⋯但其實大家羨慕佢都嚟唔切啦!

張瞻
張瞻玩IG有父母𥄫實,Brooklyn何況唔係有碧咸𥄫住!
張瞻
張瞻同Brooklyn都係一樣,愛玩IG,Brooklyn玩直播,但老竇碧咸話佢應該返緊學⋯⋯
張瞻
碧咸仲爆踢Brooklyn攞咗佢件衫著,𤓓到極⋯

延伸閱讀:簡淑兒拒發誓粉碎整容傳聞:只係妝容與角度唔同!