Budd

張繼聰教路「佛系接老婆」 轉頭即激嬲謝安琪

藝人張繼聰同謝安琪(Kay)婚後育有一兒一女,但兩夫婦恩愛不減,經常在社交網上互動放閃彈。日前,廿四孝老公張繼聰深夜渣車接老婆kay收工,無聊係車等老婆嘅阿聰突發奇想,發文教路「佛系接老婆」方法。誰知轉頭就畀老婆發現咗,阿Kay仲留言點名批評,惹笑網友。

原文:Sunday Kiss | 圖片:張繼聰@FB

張繼聰教路「佛系接老婆」 轉頭即激嬲謝安琪

日前,廿四孝老公張繼聰深夜渣車接老婆kay收工,就喺阿聰無聊係車等老婆嘅時候,佢又突發奇想,發文教路「佛系接老婆」方法。阿聰上載了一張自拍照,並留言:「《佛系接老婆》唔好問仲要等幾耐, 自己唔好望錶 ,儘量保持發呆,唔好急,如果緣份到了,老婆就會自然出現…」

張繼聰教路「佛系接老婆」 轉頭即激嬲謝安琪

誰知轉頭就畀老婆發現,阿Kay仲留言話:「明明收到message話"Take Your Time”,轉頭又發啲咁既post既」阿聰今次九秒九激嬲老婆。不少男網友看後感同身受,有網友留言:「個個都接老婆,唔通個個都想接老婆咩」,呢句話被張繼聰評為「十萬個激嬲老婆的理由」。

張繼聰教路「佛系接老婆」 轉頭即激嬲謝安琪

亦有網友被張繼聰呢個舉動惹笑,紛紛留言「緣份到了⋯張太坐在旁」、「佛系呢家嘢,邊個夠你嚟呀,地藏王」、「最高境界,敵不動我不動,敵動我都不動」

張繼聰教路「佛系接老婆」 轉頭即激嬲謝安琪
呢位網友仲好有心思咁開心share呢期好hit嘅「佛系」圖。

張繼聰屈謝安琪偷拍

即使兩人同住一屋簷下,但兩夫婦依然不時放閃放到上網。早前,阿聰分享咗一張望海背影照上網,相中佢一身運動裝束,佢嗰雙最引以為傲的麒麟臂大得誇張!佢留言話:「認真嘅男人可能真係好吸引,吸引咗一位女仕情不自禁咁偷拍我。」

張繼聰教路「佛系接老婆」 轉頭即激嬲謝安琪

點知kay九秒九留言話:「叫人幫你揸機影相,轉頭又屈人嘅。」認真谷氣。隨後,阿聰係留言區留言話:「唔係所有男人都面子當飯嘅」,暗讚自己有幽默感、有趣味。

張繼聰教路「佛系接老婆」 轉頭即激嬲謝安琪

呢段對話看似埋怨,實屬放閃,令網友留言「好甜」、「就嚟頂唔順喇!」。

延伸閱讀:

TVB女藝人學歷大檢閱 48個你知幾多個?

6大運動型女神 鍾意爆汗定爆乳?