陳柏宇

後巷放閃 陳柏宇激咀爆奶孕妻

外表睇落好花弗,但34歲陳柏宇其實專一長情,啱啱同模特兒老婆符曉薇(Leanne)過咗拍拖七周年,同陀B老婆仲係恩愛到爆不時在IG放閃,日前兩公婆拍拖出巡,到後巷都要閃吓路人,已經陀B七個月的Leanne,個肚好有份量加上開始谷奶,身材脹咗兩個碼,不過行路仲係好瀟灑,要趕下場開工的陳柏宇,臨走前更同老婆嚟個Goodbye Kiss,愛得癡纏無懼七年之癢,認真甜到漏!

撰文:東方新地|圖片:新傳媒圖片庫、陳柏宇IG符曉薇IG

陳柏宇 見紅大驚

已經出道12年的「隱世歌手」陳柏宇(Jason),近年事業順利愛情又得意,同模特兒老婆Leanne上年結婚唔夠半年就宣布造人成功,老婆預產期在十月,不過,由於老婆懷孕初期曾經試過流血,令Jason非常擔心,緊張到要全面監管老婆。據知Leanne四月陪Jason去澳門做演唱會,搭船返香港時發現下體流血,落船即刻去睇醫生,原來係因為唔小心抱小朋友時用力拉親,加上唔夠瞓身體弱,好彩冇大礙,但都要食一輪安胎藥。好友透露:「雖然冇事!但Jason已經畀老婆嚇親,原本兩個計劃去韓國旅行都取消埋,要老婆乖乖留喺屋企安胎,屋企啲粗重嘢完全唔畀老婆掂,就算七月頭Jason同衛蘭開show,佢一早講明唔畀老婆去睇,怕佢操勞,不過Leanne幾個月冇出街,係咁呻悶又話好想睇個show堅持要去,最後Jason就搵咗媽咪同朋友睇實先放心!」

陳柏宇
陳柏宇同太太符曉薇都好重視兩人相識大日子,更專登揀拍拖6周年當天註冊結婚,日後可一次過慶祝!

陀女好開心

因為鍾意小朋友,婚後火速造人成功,兩公婆都好興奮。據知情者透露:「之前照超聲波知道係女,Jason同老婆不知幾開心,因為Leanne好鍾意女,一路都想第一胎就生女,依家如願以償,佢兩個開心到不停買好多BB衫同埋玩具返屋企,準備迎接屋企新成員!」

留家安胎近三個月,呢日Leanne終於出關同老公Jason撐枱腳,陀住七個月巨肚兼開始谷奶,成個人都變得圓碌碌,幸福指數爆燈。

甜蜜咀嘴

近日兩公婆就爭取時間胎教,日前甜蜜拍拖出巡教定肚裡BB咩叫幸福,冇見一排,已經陀B七個月的陳太,個肚已經相當大,加上開始谷奶,Leanne變得圓潤不少。可能做慣Model,就算挺住巨肚行路仲係好瀟灑,兩公婆在銅鑼灣怡和街撐完枱腳,由於Jason要趕去工作,臨同老婆分開前仲要同老婆錫錫先走,閃爆途人!

陳柏宇
即使已經過咗拍拖七周年,結婚亦已經一年,但Jason仲會同老婆keep住Goodbye Kiss,就知兩人婚姻有幾甜蜜。

表現友善

錫完老婆陳柏宇轉身發現記者,仲友善同記者打招呼。

陳柏宇

Jason發現記者即通知老婆,Leanne等過馬路期間就不停睇手機。

神釆飛揚

早前Leanne在IG自嘲照鏡似「肥豬王」,呢日所見,有老公錫到燶的她,就算因陀B身材走樣,早就開心到照單全收,連過馬路都神釆飛揚。

晒愛心蛋糕

7月20日剛度過34歲生日的陳柏宇,有老婆親手做生日蛋糕同佢慶祝,因為知道老公愛操肌,Leanne仲專登整隻大隻手臂喺蛋糕上面,難怪Jason未食都甜入心。

陳柏宇

夫妻檔搵錢

11年因拍《喜愛夜蒲》認識老婆符曉薇,拍拖6年上年七月拉埋天窗,因為出名夠恩愛,陳柏宇夫婦就吸引不少廣告客垂青,經常夫妻檔拍住出活動賺錢!

陳柏宇

大晒身材

16歲已經做兼職Model的陳太,蜜月期間就著了多套性感泳衣大晒fit爆身材,瘦底嘅佢,相信產後好快修到身。

陳柏宇符曉薇結婚紀念日 晒恩愛:每天愛佢多一些!

陳柏宇與符曉薇去年7月2日結婚,早前是他們的結婚週年紀念日,二人都有於instagram發佈合照。符曉薇於instagram留下愛的宣言,表示:「萬眾期待嘅日子,今日陳生終於放假。我地終於可以拍下拖、行下街、食下飯,慶祝埋我地第一個結婚週年,同第七個拍拖週年。一齊左七年一啲癢都無,仲每天愛佢多一些,有時仲難捨難離,希望呢個感覺到永遠!」真係好sweet!

陳柏宇符曉薇結婚紀念日 晒恩愛:每天愛佢多一些!陳柏宇符曉薇結婚紀念日 晒恩愛:每天愛佢多一些!

囡囡10月出世

陳柏宇4月時公布太太符曉薇懷孕,囡囡將於10月出世。懷孕中的符曉薇身形有少許發福,但依然咁靚!但係符曉薇就話自己好似家有囍事嘅吳君如!

陳柏宇符曉薇結婚紀念日 晒恩愛:每天愛佢多一些!陳柏宇符曉薇結婚紀念日 晒恩愛:每天愛佢多一些!

陳柏宇:變得有攻擊性

陳柏宇屋企養有一隻鬆獅狗VV同老虎狗Bessie,佢早前出席活動,講到兩狗近日經常打大交,令佢非常煩惱:「屋企嗰兩隻狗唔知點解慢慢變得好有攻擊性,好鍾意打交,以前都唔會,尤其係食完飯嘅時候就會開始打。我太太同媽媽又唔識處理,平時有我喺度我就會一手抽起佢哋,問題係我唔係成日喺屋企,所以依家要快啲約狗隻訓練師睇睇可以點搞。」

陳柏宇
陳柏宇十分疼錫愛犬,被太太踢爆曾因10歲Bessie出現老態而爆喊。
陳柏宇
陳柏宇兩隻愛犬VV同Bessie疑因搬新屋爭地盤而打大交。

陳柏宇續說:「當然有諗過到最後最壞嘅情況係將佢交畀我個朋友,隻狗同嗰位朋友都有相處過,如果交畀佢照顧,我可以晚晚去探佢,因為大家住得好近,但係如果真係咁樣會好灰囉!所以希望可以快啲睇吓專家有咩意見,處理咗兩隻狗嘅問題先,如果唔係到BB出世會好麻煩。」

陳柏宇
陳柏宇希望搵Trainer幫手訓練愛犬控制情緒。
陳柏宇
Leanne話VV一直對Bessie好忍讓,但近日開始反擊,有一次更爭啲咬傷Bessie眼球。

搵Trainer幫手

不過報道一出即引來猛烈抨擊,陳柏宇翌日再接受訪問,強調會搵相熟Trainer幫手:「見到有好多愛狗之人討論,呢個情況有理性嘅討論係最重要,棄養依然都係最壞打算,如果最後解決唔到就焗住一定要行。當然我依家有搵相熟Trainer去教我點樣控制呢件事,唔好惡化,同埋會改變餵飼嘅方法。」

陳柏宇
陳柏宇兩夫婦除咗養狗仲養埋貓。
陳柏宇
VV全名Victoria,今年約7歲。

陳柏宇話呢件事入面最嬲係老婆Leanne唔企喺佢角度去諗:「我瞓唔着覺,瞞住老婆諗方法,諗呢個最壞打算我仲心痛,隻狗都養咗10年。但如果控制唔到愛犬,有機會傷害到BB,到時BB受傷、愛犬又有機會人道毁滅。我係為咗屋企先咁諗、咁打算,再講依家未需要做呢決定,搵到Trainer解決到就冇事。」又笑言享受太太氹番佢,所以要嬲太太耐啲。

陳柏宇
陳柏宇近日密密出席活動賺奶粉錢。
陳柏宇
Bessie已有10歲大。

Leanne則在網上發文強調唔會棄養:「首先我哋係唔會唔要任何一隻動物;第二,啲人話我哋教得唔好,如果成日上嚟我屋企嘅朋友都知,VV同Bessie以前唔係咁,係搬咗嚟新屋呢幾個月先打到咁;第三,我哋冇驚過佢傷害BB,因為一個喺地下,一個喺BB床,唔通佢識飛上嚟咬BB?我哋係驚佢哋打傷。」又指等過幾個月BB安定咗就會攞Bessie返嚟。

陳柏宇

陳柏宇

Leanne又指VV打交時差啲咬中Bessie眼球,好彩最後只係咬到眉頭。又爆老公陳柏宇最愛Bessie,曾因見到佢嘅老態而爆喊。

陳柏宇太太Leanne現正陀B三個月。

陳柏宇

陳柏宇宣布做老竇 晒BB超聲波照報喜

陳柏宇(Jason)去年7月2日跟拍拖5年的女友符曉薇(Leanne)結婚,早前陳柏宇在instagram貼上超聲波照報喜,留言:「guess what!」唔使估都知係佢老婆有喜啦,真係恭喜晒!不過當時佢未有透露係仔定女!

陳柏宇
陳柏宇宣布太太懷孕,升呢做老竇!
陳柏宇
陳柏宇貼bb超聲波照!

之後Jason揭曉答案,將一段短片上載到IG,先拎出一張超聲波圖,然後叫大家估究竟佢係男仔定係女仔,到底係有慈姑椗定冇慈姑椗呢?之後再同老婆一齊切蛋糕,仲話切開之後就知道BB性別,如果係藍色就係仔,粉紅色就係女⋯⋯

之後二無喺大班朋友見證下切開蛋糕係粉紅色,開心到叫咗出嚟,之後大家仲齊齊大叫「IT’S A GIRL」!

陳柏宇
陳柏宇同符曉薇以蛋糕去揭曉BB嘅性別!
陳柏宇
到底男仔定女仔?

揭開蛋糕原來粉紅色,係女仔呀!二人都希望陀B女,如今如願以償,恭喜晒陳生陳太!

《1+1的深情》爆房事

其實之前二人在田蕊妮主持的《1+1的深情》節目中接受訪問,當時Jason被問到對上一次行房他直言兩周前,阿田笑佢哋隔咁疏,阿田再問每周行房多少次?Jason笑說:「我諗最多都係一次,以我嘅能力!」

陳柏宇
陳柏宇自爆一周一次行房!
陳柏宇
陳柏宇話對上一次係兩周前,當時田蕊妮仲話咁耐才一次!

二人又於節目中畫將來跟小孩一起的一家三口圖畫,估唔到咁快夢想成真。

陳柏宇