tsui

徐子珊晒靚背 Coffee真空吸客

炎炎夏日,又係時候睇眾女星大解放!離開公仔箱一排嘅徐子珊,最近除了忙於工作之外,亦不忘於IG晒泳照,睇佢戴草帽穿黑白波點比堅忍都算養眼,雖然只係側面及背影相,但睇得出佢似乎清減唔少,更留言留言:「望着呢一片海,心平靜落嚟⋯⋯」,唔通唔使捱更抵夜拍劇,生活輕鬆咗,成個人靚晒!?另外,龔嘉欣、林芊妤(Coffee)同港姐張名雅亦齊齊晒body,真係我愛夏日長!

其他文章︰

王喜 明仔風雨同路十四載

《一屋老友記》續放笑彈 Bobby扮鬼上身

喪食+做瑜伽變瘦

子珊亦經常update最新狀況,大家可能以為佢狂做運動及節食瘦身,咁就錯喇!雖然佢有做運動,不過卻冇戒口喪食雪糕等甜品,但一樣keep到副好body,又真係令人好葡萄!

Coffee真空誘惑

林芊妤(Coffee)近日到峇里開工,一向唔吝嗇晒身材嘅佢,今次唔係晒三點式相,反而穿吊帶針織背心,大家唔好以為冇睇頭,睇真啲,原來Coffee真空晒線自拍,係咪好誘人呢!

龔嘉欣性感拍廣告

平時鮮有性感嘅龔嘉欣,最近於網上晒激罕黑白三點式相,最驚喜係平時睇落「瘦骨仙」,原來嘉欣都係有料之人,於廣告中輕輕晒線,派福利俾大家!

張名雅游夜水受傷

最後前港姐冠軍張名雅日前穿紅色比堅尼去游夜水,整個人趴喺鯊魚水泡上嬉水,加上邊游邊盪奶,真係好想游埋一份呀!可能玩得太開心,張名雅期間唔小心刮傷左手,仲留下幾條傷痕,認真陰公豬咯!

全文完