徐濠縈慘遭囡囡康堤嫌棄話佢扮後生？

Apr 13 - 16:01

徐濠縈、蘇永康、黃偉文及前少女時代成員Jessica等藝人，日前盛裝出席在金鐘舉行的品牌活動，作為潮流達人的徐濠縈，出席活動期間提到早前首次與女兒陳康堤到韓國旅行，阿徐更大爆康堤竟然話自己扮後生！唔知作為媽咪佢有咩感覺呢？
撰文：東方新地｜圖片：Instagram

徐濠縈全紅打扮出席派對

日前國際時裝品牌Alexander McQueen，於金鐘舉行了2018春夏時裝派對，呢類時裝派對又點少得潮流達人徐濠縈出席！阿徐呢日除了一身全紅色的打扮之外，連頭髮個顏色都係紅色，一身搶眼的造型，真係唔係人人都可以咁型。

徐濠縈早前同囡囡康堤去完韓國旅行返港，阿徐除了表示今次係康堤首次去韓國外，仲話諗住同囡囡一齊學跳K-Pop，因為佢覺得如果可以同個女好似兩姊妹咁樣一齊跳，感覺會幾型，但可惜囡囡表示唔多想同媽咪跳。

阿徐又話囡囡而家已經高過自己，平時又會拎佢啲靚波鞋著。但重點係每當阿徐著啲大tee或者著得young啲的時候，康堤就會彈句「媽咪你做乜扮後生？」，真係聽到個心都離一離呀，唔知阿徐心入面點諗呢？

早前，上個月7號44歲生日的壽星女徐濠縈，提早慶祝生日，獲Eason、偉仔同張震三大男神送祝福，開心到不停在派對上嘟咀派飛吻，仲舉埋V字手勢影相，而梁朝偉同Eason就鬥耍詠春，一大班人玩得勁開心！