徐濠縈

徐濠縈44歲生日 三大男神齊賀

徐濠縈(Hilary)將於今個月7號44歲生日,佢早前已經同老公Eason陳奕迅飛到北海道,同梁朝偉、劉嘉玲夫婦一齊度假滑雪,日前(3月4日)佢哋提早為徐濠縈慶祝生日,仲將生日派對嘅相放上網同粉絲分享,相中可見除咗有歌神陳奕迅同香港男神梁朝偉外,現場仲有台灣男神張震,一齊向徐濠縈送上生日祝福!

撰文:東方新地

圖片:徐濠縈IG

徐濠縈 開心送吻

壽星女徐濠縈獲Eason、偉仔同張震三大男神送祝福,開心到不停在派對上嘟咀派飛吻,仲舉埋V字手勢影相,而梁朝偉同Eason就鬥耍詠春,一大班人玩得勁開心!

徐濠縈
有咁大班朋友飛到北海道為徐濠縈慶祝生日,佢開心到一邊嘟咀一邊舉V!
徐濠縈
台灣男神張震都有份出席徐濠縈嘅生日派對,仲作狀要咀梁朝偉!
徐濠縈
偉仔同Eason大鬥詠春,不過Eason掛住笑,睇嚟唔係偉仔對手。

徐濠縈

徐濠縈
徐濠縈話呢個已經係佢第三個生日蛋糕啦!
徐濠縈
徐濠縈仲即場向老公Eason送吻放閃,睇到偉仔眼定定!
徐濠縈
徐濠縈同劉嘉玲亦有合照。
徐濠縈
徐濠縈仲同Eason喺冰天雪地中食雪糕!

謝霆鋒 王菲 約Eason阿徐遊東京

王菲謝霆鋒自14年世紀復合後愛得大方不避忌,王菲專心拍拖,無意復出樂壇,雖然霆鋒兼顧生意及演藝工作,不過仍會抽時間陪王菲四圍去,二人不時被影到拍拖外遊,近日就約埋陳奕迅同徐濠縈等朋友飛東京,為阿徐慶祝生日。王菲霆鋒及同行朋友為阿徐到K房慶祝生日,又預備咗一個由海膽砌成嘅生日蛋糕賀阿徐。阿徐喺IG即時動態po咗段片,片中先影住佢老公阿奕迅拎住支咪,然後鏡頭突然一移,就見到阿菲喺mic stand前叉住條腰,同Eason合唱佢哋首歌〈因為愛情〉。之後Eason轉位,走咗去霆鋒側邊度,同王菲一齊唱霆鋒首經典金曲〈因為愛所以愛〉,霆鋒聽到入神仲不停冧笑﹗

徐濠縈
徐濠縈日前喺IG貼咗張同老公一齊喺候機室遇見嘉玲偉仔嘅合照,原來係飛東京會合王菲謝霆鋒。
徐濠縈
陳奕迅最先貼左張兩個人嘅影出嚟,原來就係王菲嚟﹗咁謝霆鋒去咗邊?
徐濠縈
同行朋友預備咗個阿徐至愛嘅海贍砌成嘅蛋糕,預祝佢三月七日44歲生日。
徐濠縈
王菲叉住腰唱得好投入,原來謝霆鋒就坐喺佢斜前方。
徐濠縈
本來影住Eason同人合唱,原來把女仔聲就係天后王菲,二人合唱〈因為愛情〉。

王菲謝霆鋒互唱情歌

王菲唱得如此投入,原來謝霆鋒就坐喺佢斜前方,Eason轉位走咗去坐喺霆鋒側邊,同王菲合唱霆鋒首經典金曲〈因為愛所以愛〉,霆鋒望住王菲對住自己唱情歌,臉上笑容甜到爆,不停冧笑﹗聽完女友唱情歌重難月日接住霆鋒立即有回應,唱咗自己曾經翻唱嘅〈Be a Better Man〉,嘩﹗想燦死人咩﹗

徐濠縈
王菲揀咗謝霆鋒首〈因為愛所以愛〉同Eason合唱, 霆鋒望住王菲不停甜笑,Eason玩嘢成個身挨落霆鋒度笑兄弟。
徐濠縈
謝霆鋒不停冧笑!
徐濠縈
謝霆鋒唱番首歌冧阿菲!
徐濠縈
謝霆鋒之後再唱〈非走不可〉,王菲聽得好入神!

延伸閱讀:

簡淑兒拒發誓粉碎整容傳聞:只係妝容與角度唔同!