徐鎮東

90年新秀冠軍 fight低湯寶如!徐鎮東 唔揸咪轉行揸槍任警司

上周五將軍澳康盛花園發生一蹤縱火及發現骸骨案,當日負責向傳媒交代案情,是將軍澳警區助理指揮官(刑事)警司徐鎮東,唔講唔知,原來徐鎮東好唱得!皆因佢係90年嘅新秀歌唱大賽冠軍得主,同屆嘅陸家俊、湯寶如都輸畀佢呀⋯

 

撰文:東方新地 |圖片:無綫電視截圖、新傳媒圖片、《警聲》

徐鎮東唔揸咪轉行揸槍

上周五將軍澳康盛花園發生一蹤縱火及發現骸骨案,兩名法庭的執達吏到康盛花園第4座31樓兩個相鄰單位執行收樓令,一個單位的60歲馬姓男戶主則情緒激動,因拒收樓而反鎖屋內縱火燒屋,而另一個單位發現原來男戶主早已自殺,更加化成白骨!不過最估佢唔到嘅,仲係當日負責向傳媒交代案情嘅將軍澳警區助理指揮官(刑事)警司徐鎮東,原來係90年新秀冠軍!

徐鎮東於90年參加新秀歌唱大賽,他參賽時任職消防員,憑黃凱芹名曲《情深緣淺》參賽,更摘下冠軍,當年嘅亞軍係陸家俊,季軍連俊雄,以及獲得「自我風格獎」的趙少文!

最左嗰個就係湯寶如,而左四、五,則係徐鎮東同陸家俊。(無綫音樂台節目截圖)

當年嘅司儀係新秀出身嘅許志安同港姐李美鳳,陣容強勁!

徐鎮東這位新秀冠軍,參賽時任職消防員,憑黃凱芹名曲《情深緣淺》參賽而成為新秀冠軍。

成一碟歌手

徐鎮東在92年唱過劇集《人.鬼.狐》主題曲《情歸何處》,翌年曾推出大碟《流星的傳說》,但其後有傳因唱片公司問題令他在樂壇消失。

估唔到徐鎮東離開樂壇後,在95年考警察,16年更晉升成為警司,當年由警務處處長盧偉聰親自頒發函件畀佢以及另外數名獲嘉獎及擢升的警員,警務處期刊《警聲》亦有刊登合照。

《警聲》截圖

 

湯寶如冇奬反而紅

當年有份攞奬嘅得主都曇花一現,最有名嘅反而係冇攞任何獎項嘅湯寶如,佢之後簽約寶麗金做歌手,係寶記小花之一。

陸家俊 畀軟硬天師「唱紅」

而亞軍嘅陸家俊星途平平,最為人認得都係多得軟硬嘅金曲《廣播道Fans殺人事件》,「陸家俊我哋支持你」!

延伸閱讀:

傳帶Jasper拍《爸爸6》袋4千萬!陳小春父子聞住氧氣樽上高山…