ft pic

得罪美指? Angelababy新戲美人魚造型醜爆

]

Angelababy一向係潮流界icon,樣靚又識打扮,係唔少女性嘅模仿對象。不過呢,Baby幾有fashion sense都冇用,佢有份主演嘅新戲《封神傳奇》7月上畫,除咗Baby,仲有佢老公黃曉明、李連杰、范冰冰、古天樂、文章等巨星主演,勁爆卡士加3D特技,睇牌面點都冇得輸。之但係,戲中飾演美人魚嘅Baby,無論衣著、髮型定頭飾都九唔搭八,同美人魚扯唔上任何關係,造型更似足岑麗香之前在《無雙譜》扮嗰條鯉魚精!

其他文章:

初夏必睇韓日劇

39歲梁雪湄G奶再現

其實《封神傳奇》請到曾經憑《一代宗師》角逐奧斯卡「最佳服裝設計」嘅張叔平做美指,唔知係咪張叔平太有潮流觸覺,定還是同Baby有過節,竟然將Baby個造型整到唔知似乜,尤其個金屬頭盔同高到上天嘅髮型,連Baby粉絲都插爆!

除咗Baby遭殃,飾演二郎神嘅黃曉明都唔好得去邊,成身金色似十八銅人;連海報入面嘅人物造型都同《聖鬥士星矢》撞晒!

睇完咁多造型,好似得飾演妲己嘅范冰冰比較見得人,不過其實使唔使咁金呢?好燦眼呀大佬!

全文完