復仇者聯盟4

《復仇者聯盟4》疑片名流出 係希望還是絕望?

《復仇者聯盟3:無限之戰(Avengers: Infinity War)》大家睇咗未呢?電影上星期喺香港首日收1,037萬、創香港史上開畫票房紀錄!無論睇咗戲未,相信大家都知道來年會有《 復仇者聯盟4》上映,日前就有外媒報道《復仇者4》片名流出的消息,聲稱係有幕後工作人員爆料,個片名… 大家點睇?

撰文:東方新地|圖片:電影劇照、截圖

《復仇者聯盟4》疑片名流出

Marvel磨劍十年大作《復仇者聯盟3:無限之戰》,雲集史上最多超級英雄一次過晒冷,與終極反派「魁隆」(Thanos)首次正面交鋒,對影迷來說已經唔係一套戲咁簡單,簡直係一項世紀盛事! 已經入場的各位,相信無不超級期待下年的《復仇者聯盟4》…

係希望還是絕望?

其實《復仇者》導演羅素兄弟早前接受訪問時,曾表示《復仇者聯盟4》並唔係《復仇者聯盟3》的續集,所以唔會係咩「無限之戰 下集」,而係另一個更驚嚇的片名!日前就有外國媒體報道《復仇者4》片名流出的消息,聲稱係有幕後工作人員爆料:

《Avengers: Endgame》

照字面睇就係「結束遊戲」?雖然話今集復仇者損兵折將,Thanos成為大贏家,但有睇彩蛋的大家都知道,有位被喻為Marvel最強的超級英雄即將登場,會唔會係指呢位新英雄出手終結Thanos的遊戲呢?定有其他意思呢?