ft pic

忙讀博士課程 朱千雪恨做律師未必續約

12年港姐季軍朱千雪有樣有學歷,觀眾緣又好,本來係TVB力捧對象,點知無端端殺出個陳凱琳同蔡思貝,令雪雪地位受動搖,有傳雪雪心都淡晒,寧願花時間進修搵定後路。已有中大企業傳播碩士學位的雪雪,今年再報讀城大一個兩年全日制法律博士課程,疊埋心水做全職學生,日前接受訪問時更透露隨時轉行唔續約!

延伸閱讀︰

招聘廣告都搵埋 網友介紹全裸梁烈唯拍《瑯琊榜2》

馮盈盈青澀學生look曝光

朱千雪日前出席今屆港姐決賽做嘉賓,搶鏡過唔少候選佳麗,仙氣迫人!可惜雪雪近1年無心戀戰,寧願專注讀書,減少拍劇。有傳雪雪地位受陳凱琳、蔡思貝威脅,機會愈來愈少,冇再被高層力捧!

其實12年港姐季軍朱千雪,發展比同屆冠軍張名雅好,而且晌《EU超時任務》同《再戰明天》都有唔錯表現,觀眾對佢好受落,撐佢自然唔造作!不過雪雪早前透露一直希望做律師,第時合約到期後可能考慮轉行,仲酸溜溜話公司未必同佢續約咁話!就算TVB真係唔識貨放走雪雪,以佢美貌加智慧並重,唔愁冇出路喎!

全文完

關鍵詞
朱千雪