ft pic

怕郭晶晶整傷腰 霍啟剛獨撐搬2千磅麵粉

霍啟剛同郭晶晶結婚4年幾,婚後一直非常低調,甚少公開晒恩愛。近日二人參加了深圳衛視真人騷《極速前進》第三季,有別於一般豪門夫婦,兩公婆在節目中不但非常貼地,超級搏命玩遊戲,身為霍家大少嘅霍啟剛,全程表現出高IQ同高EQ,而且極愛錫老婆郭晶晶!節目播了短短4集,霍啟剛已被網民封為「國民好老公」!

延伸閱讀

換畫了!黃宗澤新女曝光

鑫鑫被姦煎pang讚好 林穎彤:佢話我有賺

上一集霍啟剛同郭晶晶要去莫斯科一間麵包店挑戰,兩人要合力將20袋各重100磅嘅麵粉由貨車搬入舖頭。雖然路程唔算長,但每袋麵粉成百磅,連做開健身嘅大隻佬吳建豪同劉翔都搬到氣咳!知道老婆有腰患嘅啟剛,二話不說將過關重任攬晒上身,一個人將20袋麵粉順利搬完,中途更全無怨言,默默完成任務!

順利過關後,霍啟剛冇呻辛苦,只係不斷問老婆有冇整親條腰,仲自爆當年搬屋都係佢同郭晶晶自己落手落腳搬,估唔到千億闊少都咁親力親為!

其實節目出街後,唔少網民都大讚霍啟剛有教養,完成冇大少爺脾氣,仲係超級廿四孝老公。難怪當年郭晶晶唔揀青梅竹馬嘅田亮,選擇嫁俾霍啟剛啦!

全文完