lau fi

恩愛23年 慳家管財 郭藹明撒嬌治青雲

劉青雲同郭藹明(Amy)這對圈中模範夫妻,自94年拍拖四年後拉埋天窗,一起23年仍恩愛甜蜜,這對令人人羨慕的夫婦,婚姻保鮮秘技,原來要多得雙碩士港姐老婆郭藹明;溫柔能幹兼備還 識得撒嬌的劉太,就將老公治得貼貼服服!日前,兩人拍拖到九龍灣睇戲,搭扶手電梯時,Amy激罕公開施冧功,兩手從頸環抱老公撒嬌摟錫,甜蜜儼如新婚。 當年Amy為青雲放棄美國航天公司高薪厚職的工程師工作,多年來為照顧老公放棄個人事業,更加係萬能老婆,獨力打理屋企又持家有道,就連裝修兩年多才入伙的西貢西沙小築新居,亦由她一手一腳搞裝修,親自格價搵優質又實惠的裝修材料,幫老公慳家管財,絕對係超班賢內助。

撰文:東方新地

圖片:新傳媒圖片庫

郭藹明 劉青雲 恩愛23年

結婚19年,劉青雲郭藹明這對快將步入「瓷婚」的圈中模範夫妻,至今行街仍會甜蜜拖手,恩愛羨煞旁人,日前本刊更獨家捕獲郭藹明激罕當街攬實老公親暱撒嬌摟錫,甜蜜閃爆商場。能夠令婚姻保鮮,劉青雲坦言全靠老婆郭藹明功勞,他大讚老婆說:「太太係我人生最好的禮物,佢好聰明,我喜歡甚麼不喜歡甚麼,不用說她都一清二楚!」

激罕當街摟錫

劉氏夫婦出名恩愛,當日二人到九龍灣MegaBox睇戲,散場離開搭扶手電梯,郭藹明更罕有將老公從頸緊緊環抱撒嬌,睇青雲望住老婆嘅眼神,就知佢完全被老婆降伏!

一齊23年,拍 拖行街睇戲好平常,但唔平常嘅係,本來已經 係老夫老妻,竟然睇落似足 初戀男女咁恩愛,劉太對住 老公,非常小鳥依人,身 體語言已經表達晒,真 係唔使講咁多!

拍拖行超市

兩公婆由司機接載返回西貢,先到市中心超市上糧,入到超市,郭藹明極速去攞手推車掃貨,青雲就跟在後面,唔會乜都等老公服侍,Amy這個超級好老婆真係邊度搵!超市上完糧,兩人坐車返回西貢西沙小築寓所,已經是傍晚六時多,相信Amy又會親自下廚炮製美食,同老公留家撐枱腳。

拒翹埋手等人服侍

郭藹明這位碩士港姐老婆,除咗高學歷有內涵,更加是個賢內助,溫柔又善解人意,賢淑能幹兼備。據Amy好友透露:「Amy份 人好溫柔隨和,同老公結婚咁多年﹐相處仲係相敬如賓,同老公講嘢仲會講唔該,麻煩晒,青雲受老婆感染,都會同太太講多謝,唔該,相處會互相尊重,而且Amy對住老公仲好識撒嬌,保持住拍拖嗰份新鮮感!做咗少奶奶咁多年,老公又搵到,但Amy都唔會翹埋手等人服侍,佢知老公喺出面工作辛苦,唔想青雲仲要為屋企事費心,自己會將屋企啲嘢搞得妥妥當當,執屋煮飯完全唔使老公操勞,好似屋企要換燈膽,或者簡單嘅髹牆,Amy都會自己落手搞掂,雖然有啲事可以用錢請人做,不過Amy唔想亂花老公啲辛苦錢,會應使得使,平日生活都好平民化!」

 

打造4千萬堡壘兩年幾

持家有道的Amy,一直手握青雲財政大權,十多年來負責幫 老公投資,先後買賣超過十個物業,除咗買樓,亦有買舖及商 廈,幾乎每次都賺錢離場,成功幫老公滾大副身家。14年底,青 雲就以3,280萬買入西貢西沙小築獨立屋,直至近期才完成裝修搬 入新居。據知情者透露:「佢兩個都鍾意住郊區,特別鍾情西貢 區,不過西沙小築好少有放盤,嗰次佢兩公婆一齊去睇樓,Amy 一睇已經好鍾意嗰度嘅無敵海景,就即刻扑槌買,但因為嗰度樓 齡已經有三十幾年,間屋要大翻新,Amy仲搵咗設計師同風水師 幫手,喺高人教路下,刻意喺大廳唔裝落地玻璃,裝修搞咗兩年 幾先完成!」日前本刊捕獲二人到平民化商場Mega Box睇戲,之 後返回西貢獨立屋前先去上糧,整晚留在裝修兩年多,精心打造 的堡壘。

劉氏夫婦鍾情西貢區,之前租住西貢龍嶺獨立屋多年,14年 以3,280萬買入現居的西貢西沙小築獨立屋,現市值近4千萬,但 由於該屋苑樓齡已經三十多年,青雲夫婦要將新居全面翻新,裝 修工程搞足兩年幾先完成;雖然間屋面對無敵西貢海,但二人卻 放棄裝落地玻璃,更封閉唔少窗位,貫徹其低調作風。

新居有無敵海景,落沙灘只需十分鐘,兩公婆隨時想行沙灘浪 漫吓都好容易,而平日鍾意跑步做瑜伽的 Amy,對住個海做運 動,相信亦特別心曠神怡。

為打造安樂窩 單拖去旺角揀建材

影帝背後女人一啲都唔簡單,知道老公在外拍戲相 當忙,郭藹明就一個人為西沙小築新居搞裝修,兩 年多來,經常一個人落上海街,親自買裝修物 料,去年就被本刊拍得,打扮樸素去睇裝修材料,當日 Amy無論揀地磚,櫥櫃,浴室材料甚至門柄都非常 細心,再落手落腳度尺,完全係完美妻子典範。

公開冧妻贏掌聲

平時不苟言笑的青雲,15年憑《竊聽風雲3》奪金像影帝,公開發表 「太空船論」多謝老婆,少有公開講愛的宣言的他,感動萬千男女, 台下老婆更被感動到眼濕濕。事實上,當年鼓起勇氣追求現任劉太, 劉青雲曾表示這是他人生最大膽一次。據知情者透露:「青雲同Amy 拍《大 時代》嗰時仲未拍拖,佢兩個喺埋一齊都係多得周慧敏撮合,94年Vivian 開演唱會,因為知道青雲對Amy有意思,就邀請佢兩個一齊去睇演唱 會,幫青雲製造機會,不過之後青雲再約會Amy,都要鼓起好大勇氣,始 終當時Amy有學識又靚,而青雲事業先啱啱起步,冇車冇樓,第一次約 Amy去街,青雲仲硬住頭皮叫Amy揸車去接佢,然後一齊食飯,所以到依家佢都成日提起,好感激老婆當時冇嫌棄佢!」

復出要問准老公

眾所周知,郭藹明是美國南加州大學機械工程學雙碩士,當年Amy為 青雲放棄工程師工作。想不到人妻婚後至今,仍然為陪老公放棄復出;兩 年前《大時代》翻播,一眾演員被炒熱,當時就有唔少人邀請Amy復 出。Amy友人透露:「嗰時同無綫都出嚟傾咗幾次,不過,除咗睇角色, Amy 最著重係時間,講明一定要就咗老公檔期先,最後都因為怕困身陪唔 到老公,所以傾唔成!」事事老公行先又識得撒嬌,相信就是郭藹明維繫甜蜜婚姻最佳秘技!

二人婦合拍的EPS廣告,演恩愛夫妻完全真情流露,唔少觀眾畀二人感動,大讚兩人互動 夠甜蜜,劉太郭藹明更凍齡一樣,身材樣貌 仍然省鏡!