恭喜恭喜！胡杏兒順產誕8磅B仔Brendan

現年37歲的杏兒於2015年12月與老公Philip拉埋天窗，去到今年5月宣布已懷胎四個月，成為「胡說八道會」中首位媽媽！挺住巨肚的杏兒依然十分活躍，不時在大大小小的公開活動現身，又跟一班好姊妹到澳洲拍節目，至到預產期一個多月前才正式停工休養。

8磅Brendan仔勁多頭髮

直至今日終於有好消息！杏兒與老公Philip剛剛在社交網站報喜，原來杏兒幾日前已順產誕下8磅B仔，英文名為Brendan。Philip上載一張自己抱住BB的照片，父愛洋溢之餘，同時可見Brendan仔勁多頭髮！Philip以英文寫下感言，表示太太已經生咗B幾日，但現時體力尚未恢復，要俾啲時間佢休息，同時多謝大家祝福。

原來「Brendan」呢個名係代表王子的意思，係Philip某一個晚上突然諗到的～

大手包小手

而杏兒則上載一張兩公婆用手圈成心心、然後包住B仔小手的照片，然後留言「我們仨」，溫馨又幸福！

全文完