123

悶劇《迷網》靠小花搶fo 彭翔翎露波撼高Ling

無綫播映中劇集《迷網》播映以來口碑麻麻,不少網民大插此劇猶如加了愛情線的《警訊》,故事章節毫不吸引,比起接9點半播出的《殺手》實在難入目!不過,日前一幕飾演wedding planner高海寧死敵兼同事的Ada(彭翔翎飾),露波色誘飾演許大狀的游莨維,稍為亮眼。

撰文:東方新地

高Ling失色小花搶鏡

彭翔翎加盟無綫兩年一直做大配角,《迷網》中飾演發姣wedding planner 終於有得畀佢發揮。
彭翔翎(暱名釘釘)加盟無綫兩年一直做大配角,《迷網》中飾演發姣wedding planner 終於有得畀佢發揮。

無綫新劇《迷網》由楊明同高Ling擔大旗做男女主角,觀眾嫌配搭冇新意,不過劇中高Ling揸fit嘅婚禮策劃店就有一班養眼姊妹,連帶佢個死對頭下屬Ada(彭翔翎飾演)都有位出。

日前彭翔翎出席宣傳活動戴晒口罩同劇中上司高Ling合照,觀眾對佢認識唔深,真係有啲難認。
日前彭翔翎出席宣傳活動戴晒口罩同劇中上司高Ling合照,觀眾對佢認識唔深,真係有啲難認。

日前播出一集,講述彭翔翎做事頻頻出錯且態度惡劣,為許大狀(一蚊Joe游莨維)試禮服時竟然出盡姣功冧仔,高Ling見狀即有微言兼叫佢唔使再跟嗰單生意,點知姣婆遇著脂粉客,彭翔翎成功搭上許大狀,告枕頭狀架空高Ling。試禮服一幕彭翔翎更犧牲色相踎低身晒波,又摸身摸勢色誘男方,姣出位。

在劇中飾演Ada的彭翔翎,見到許大狀(由一蚊Joe游莨維飾演)來試禮受,竟然生滋貓入眼。
在劇中飾演Ada的彭翔翎,見到許大狀(由一蚊Joe游莨維飾演)來試禮服,竟然生滋貓入眼。
先係摸身摸勢貼身服侍。
先係摸身摸勢貼身服侍。
仲踎低身特登露波,攻心到呢!
仲踎低身特登露波,攻心到呢!
許大狀受晒,享受之餘仲大讚女方夠貼身。
許大狀受晒,享受之餘仲大讚女方夠貼身。
Ada打蛇隨棍,主動問許大狀拎手機。
Ada打蛇隨棍上,主動問許大狀拎手機。
入完自己電話,Ada同許大狀摸晒手仔。
入完自己電話,Ada同許大狀摸晒手仔。
上司高Ling睇唔過眼話咗Ada兩句。
上司高Ling睇唔過眼話咗Ada兩句。
Ada使橫手搞到高Ling畀大老闆責罵,放工時高Ling揭發Ada原來已經搭上許大狀,做小三介入對方與未婚妻之間。
Ada使橫手搞到高Ling畀大老闆責罵,放工時高Ling揭發Ada原來已經搭上許大狀,做小三介入對方與未婚妻之間。

翻版林夏薇

彭翔翎曾在《愛·回家之開心速遞》中演出餐廳侍應一角,不過只係客串先連角色名都冇。
彭翔翎曾在《愛·回家之開心速遞》中演出餐廳侍應一角,不過只係客串先連角色名都冇。

入行兩年的彭翔翎,暱稱叫釘釘,今年27歲,做極都係大配角,早前喺人氣處境劇《愛.回家之開心速遞》演美女侍應因甜美臉孔曾受到關注,喺劇集《解決師》中又曾演過其中一位美女啦啦隊隊員,當時因被指樣貌跟女藝人林夏薇相似已在網上引起討論!

被指似林夏薇嘅彭翔翎,唔知要捱幾多年先有薇姐嘅知名度呢?
被指似林夏薇嘅彭翔翎,唔知要捱幾多年先有薇姐嘅知名度呢?
樣唔算好標緻嘅彭翔翎,好在有對長腿,早前亦有份客串新劇《超能使者》。
樣唔算好標緻嘅彭翔翎,好在有對長腿,早前亦有份客串新劇《超能使者》。
身形瘦削嘅彭翔翎,著起比堅尼都係好乜睇頭。
身形瘦削嘅彭翔翎,著起比堅尼都係好乜睇頭。
有青春但身材似ipad,彭翔翎一味拍劇,未有其他上位機會。
有青春但身材似ipad,彭翔翎一味拍劇,未有其他上位機會。
彭翔翎性格樂天向外,社交網有不少遊山玩水照。
彭翔翎性格樂天向外,社交網有不少遊山玩水照。