001

悶場太多 李英愛出場太少 《師任堂》玩虐戀情深 失算趕客

李英愛最近剛被韓國的統計研究所評為上月17日至本月17日播出電視劇演員品牌價值的冠軍,但由她和宋承憲主演的SBS新劇《師任堂,光的日記》自1月26日開播以來,其實收視狂插水,有不少觀眾選擇「跳船」,令收視由首播的15.6%一度跌至9.7%,跌破雙位數!

劇集收視滲淡,觀眾曾狂數死因包括李英愛出場太少、演技冇進步、劇情犯駁等。雖然由第五集開始,電視台痛定思痛,將已全部拍完的劇集重新剪輯,試圖令劇情更加緊湊,同時在官網上提供免費重播,幫助觀眾了解前面的劇情,但到第八隻,收視仍只得10.3%!

 

悶場太多

由《太陽的後裔》到《鬼怪》,都可以睇得出近年韓劇一味慘情已經唔work,但李英愛在《師任堂》現代戲中老公走佬仲要被人陷害失業,古代戲亦慘被逼婚,一連睇足咁多集都係慘情戲,難免令人感覺悶爆。

01
劇集做了近三分一,但愛情戲和懸疑戲都非常少,大部分劇情都是睇李英愛的遭遇有幾慘。

 

李英愛出場太少

頭四集的古代劇情中,李英愛和宋承憲都只有各自飾演其「少年版」的楊世宗和朴慧秀出場,本人幾乎零戲份。而在現代男主角更只有少年版楊世宗的戲分,即係冇真·宋承憲份?

02
飾演少女版李英愛的朴慧秀在頭四集戲份勁多,但被觀眾狠批演技稚嫩,難擔大任。
03
在現代冇宋承憲戲份,只有少年版楊世宗。

演技冇進步

李英愛睽違螢光幕14年,今次復出拍劇,唔止收視插水,仲被批演技冇進步,同14年前《大長今》的演繹冇任何分別,令觀眾大感失望。

04
現代造型仲睇得出分別,古代李英愛就14年零走樣,連演技都完全複製昔日《大長今》。

 

劇情犯駁

之前劇情講到現代李英愛曾在車禍後「附身」到古代李英愛身上,但到了後面的劇情中,兩個時代卻恍似平行空間,各有各進行,少有交集,而李英愛在意大利得到師任堂日記和畫像的過程,亦令觀眾感覺太兒戲。

05
早前劇情曾講述李英愛車禍後靈魂「穿越」到古代李英愛身上,但之後劇情卻再冇任何交代。
06
宋承憲古代時在意大利留下師任堂畫像,到現代已經是古董,但屋主卻輕易將其贈送李英愛,唔通想講外國人特別大方?

冇甜蜜愛情線

不論古今,李英愛都已嫁作他人妻,同宋承憲/楊世宗都只能大玩虐戀情深,冇任何甜蜜親熱戲,相信只有14年前《大長今》的觀眾會收貨,現今的觀眾明顯唔buy。

07
古代飾演師任堂的李英愛被逼另嫁他人,仲生落成竇仔女,和宋承憲上演一齣虐戀情深。
08
現代中李英愛亦已是人妻兼人母,老公走佬後遇上飾演宋承憲少年版的楊世宗,大玩苦情姊弟戀。
09
甜蜜親熱戲暫時只得少年版楊世宗同朴慧秀的吻戲止渴,人妻李英愛未必有得睇。