愚人節

愚人節整蠱你! 兩大女神撞晒樣 傻傻分不清

今日係愚人節,唔少人都會襯今日同朋友開開玩笑,倒如借機同心上人表白之類… 言歸正傳!有兩位靚女藝人多年來都被指撞樣,於是佢哋決定應應節同大家開個玩笑,各自喺自己IG貼對方的相片扮自己,有心水清的網民一眼看穿,不過都有人中伏呢!

撰文:東方新地|圖片:Instagram

女神愚人節整蠱你

講緊邊兩位?其實係瑜珈女神倪晨曦(Elva) 同「靚湯」湯洛雯呀!今日愚人節,佢哋各自喺IG上載單人照,仲留言話自己唔同咗樣之類,不過心水清的網民就知佢哋係開緊玩笑!不過老老實實,Elva同靚湯束同一個髮型,件露肩裝款式相近,同一個回眸一笑甫士,小編都諗咗… 兩秒!

話說Elva同靚湯其實早年初入行做model時已經認識,當時已經有人話佢哋似樣,而佢哋兩位本人都認同,所以說襯愚人節夾好個妝同衣著影相,同大家開個玩笑!好啦,祝大家愚人節快樂~