愛上我的衰神

愛上我的衰神|鄭子誠入行30年首度反串 自爆最難係呢樣嘢

最新娛聞

廣告

無綫新劇《愛上我的衰神》將接棒《拳王》於12月27日(星期一)晚九點半首播,劇中演員除了男主角陳北河(胡鴻鈞飾)及女主角小渝(陳嘉慧飾)外,一班綠葉亦各有特色及精彩之處!其中入行已有30年的鄭子誠,在劇中首度反串演出,先後扮演「鬈髮師奶」和「揼心阿婆」,他直言扮靚女真係唔ok,但扮醜就無問題,又指發現扮女人最大難度,原來係咁!

文:東方新地|圖:《愛上我的衰神》劇照及造型照

《愛上我的衰神》鄭子誠 扮完師奶再扮阿婆

有「陰謀情人」之稱的58歲鄭子誠,近期在多套無綫劇中「轉奸為忠」,這次他在《愛上我的衰神》飾演生活在第二維度的司馬崑崙,亦是小渝上司,表面一臉正經兼勁有霸氣,造型方面,卻先後扮演了「鬈髮師奶」、「揼心阿婆」及「頹廢學生哥」等,難得一見他大展其扮嘢天份。縱然扮嘢Look夠晒爆笑,但在其他宣傳照中,子誠卻與劇中其他演員有衝突場面,令人更好奇子誠這次到底會否回歸老本行演回奸角!

愛上我的衰神 鄭子誠1號造型-頹廢學生Look。
鄭子誠1號造型-頹廢學生Look。(圖片來源:《愛上我的衰神》劇照)
愛上我的衰神 鄭子誠2號造型-鬈髮師奶Look。
鄭子誠2號造型-鬈髮師奶Look。(圖片來源:《愛上我的衰神》劇照)
愛上我的衰神 鄭子誠3號造型-囉嗦阿媽Look。
鄭子誠3號造型-囉嗦阿媽Look。(圖片來源:《愛上我的衰神》劇照)
愛上我的衰神 鄭子誠4號造型-揼心阿婆Look。
鄭子誠4號造型-揼心阿婆Look。(圖片來源:《愛上我的衰神》劇照)

鄭子誠:試過塞兩個橙落去

事後訪問子誠,他直認是次是首度反串演出,問到為何願意作出如此大犧牲,他笑言:「我覺得成件事都幾有趣,純粹搞笑、個故仔又非現實,咪豁出去試吓。同埋因為啲造型特別醜,我更加冇咁緊張,如果要我扮靚女我就真係唔ok喇。」子誠續指花了大半天時間試造型:「好多嘢要試,好似髮型啦衫啦!因為扮女人要有胸,佢哋畀咗啲bra我試,一係就唔啱戴,啱戴嗰啲又冇效果。我哋試過塞兩個橙落去,但又好核突。」

愛上我的衰神 子誠透露劇組為了幫他打造出女人應有的線條,絞盡腦汁用了不少方法。
子誠透露劇組為了幫他打造出女人應有的線條,絞盡腦汁用了不少方法。(圖片來源:《愛上我的衰神》造型照)
愛上我的衰神 Bling Bling拖鞋都係亮點。
Bling Bling拖鞋都係亮點。(圖片來源:《愛上我的衰神》造型照)
愛上我的衰神 呢件棉襖,大家屋企會唔會都有件熟口熟面?
呢件棉襖,大家屋企會唔會都有件熟口熟面?(圖片來源:《愛上我的衰神》造型照)
愛上我的衰神 連髮型都各有不同,證明落足心機。
連髮型都各有不同,證明落足心機。(圖片來源:《愛上我的衰神》造型照)
愛上我的衰神 但其他時候,鄭子誠嘅角色司馬崑崙都似係一本正經多。
但其他時候,鄭子誠嘅角色司馬崑崙都似係一本正經多。(圖片來源:《愛上我的衰神》劇照)
愛上我的衰神 有時候仲會好激動咁,到底今次鄭子誠係忠定奸呢?
有時候仲會好激動咁,到底今次鄭子誠係忠定奸呢?(圖片來源:《愛上我的衰神》劇照)

J2創意總監C君 鍾愛靈異Style

劇中另一亮點角色,絕對係同樣姓鄭的C君(鄭詩君),如有留意C君Profile,不難發現他對靈異事件情有獨鍾,除了曾為myTV SUPER《鬼上你架車》擔任嘉賓講鬼故外,出任J2創意總監後的C君,亦先後開拍靈異節目《搵鬼去電視城》及有份監製myTV SUPER原創劇《凶宅清潔師》。無獨有偶C君在《衰神》中亦與「靈異」有緣,由於疑似親身經歷靈異事件,C君飾演的「阿發」由原本的「小迷信」升呢至「超迷信」,不但五時三刻搵大師驅邪驅鬼,又在家中張貼大量靈符,但依然連連遇到怪事,且出來效果搞笑多於恐怖,絕對是劇集畫龍點睛要素!

愛上我的衰神 C君今次個「超迷信」角色阿發非常搞笑。
C君今次個「超迷信」角色阿發非常搞笑。(圖片來源:《愛上我的衰神》劇照)
愛上我的衰神 成日同北河分享佢嘅靈異經歷,仲要次次都講得好肉緊。
成日同北河分享佢嘅靈異經歷,仲要次次都講得好肉緊。(圖片來源:《愛上我的衰神》劇照)
愛上我的衰神 睇得出劇組喺「發家」嘅佈置方面,落咗唔少心思。
睇得出劇組喺「發家」嘅佈置方面,落咗唔少心思。(圖片來源:《愛上我的衰神》劇照)
愛上我的衰神 C君嘅神父造型VS鄧智堅嘅道士造型,幾有Gimmick。
C君嘅神父造型VS鄧智堅嘅道士造型,幾有Gimmick。(圖片來源:《愛上我的衰神》劇照)

前五集、後五集風格截然不同

《愛上我的衰神》監製方駿釗曾監製過《降魔的》、《跳躍生命線》等話題作,今次劇集以跨越維度的奇幻愛情做主線,以超乎想像及創新的包裝手法,帶出一個個感人貼地小故事;更特別的是,只有短短十集的《衰神》,前五集與後五集風格截然不同,務求帶給觀眾更多驚喜,劇集將接棒《拳王》於12月27日(星期一)晚九點半首播。

愛上我的衰神 劇中講「第二維度」陳嘉慧飾演嘅小渝雖然已經死咗,但佢喺第二維度依然要返工架喎。
劇中講「第二維度」陳嘉慧飾演嘅小渝雖然已經死咗,但佢喺第二維度依然要返工架喎。(圖片來源:《愛上我的衰神》劇照)
愛上我的衰神 佢嘅工作就係負責管理上頭委派畀佢嘅人類。
佢嘅工作就係負責管理上頭委派畀佢嘅人類。(圖片來源:《愛上我的衰神》劇照)
愛上我的衰神 每日都要根據公司安排,睇吓派畀「人類」嘅到底係幸運定係衰運。
每日都要根據公司安排,睇吓派畀「人類」嘅到底係幸運定係衰運。(圖片來源:《愛上我的衰神》劇照)
愛上我的衰神 而劇中小渝負責管理嘅就係胡鴻鈞飾演嘅陳北河!
而劇中小渝負責管理嘅就係胡鴻鈞飾演嘅陳北河!(圖片來源:《愛上我的衰神》劇照)

讀者留言