愛回家

愛回家《老人戰記》抽水寸爆《明日戰記》 網民:老人台好意思笑人

最新娛聞

廣告

《愛回家之開心速遞》可謂TVB劇集中風格都較大膽的劇集亦緊貼時事,經常抽水,早前連對台水都唔放過,一樣照抽。日前播出的第1769集竟抽早前古天樂開拍大熱港產片《明日戰記》,仲寸爆改名做《老人戰記》,一齊睇返《老人戰記》4大抽水位!

愛回家 明日戰記 電影將於8月25日在香港上映。
《明日戰記》內地上映時,疑入場人數、票房被《獨行月球》偷去一事,TVB都照抽埋水!(圖片來源:《明日戰記》宣傳海報)
愛回家 明日戰記 愛回家 《老人戰記》
愛回家》昨晚最新一集講到,組合「大四喜」打算開拍一套紀錄片《老人戰記》。(圖片來源:《愛回家》截圖)

《明日戰記》改《老人戰記》

愛回家》日前播出的第1769集講到,組合「大四喜」打算開拍一套紀錄片,再翻譯成不同的語言,將組合推出海外市場。紀錄片名為《老人戰記》,拍吓大四喜過聖誕節、新年等情況,順便鼓勵老人追夢。網民淨係睇名都覺得《愛回家》真係寸爆咀,事關《明日戰記》曾因演員年齡層較大而備受熱討,認為TVB真唔畀面,亦認為TVB都經常被寸「老人台」,豈不是五十步笑百步定係故意自嘲?

愛回家 明日戰記 愛回家 組合「大四喜」打算開拍一套紀錄片,再翻譯成不同的語言,將組合推出海外市場
組合「大四喜」打算開拍一套紀錄片,再翻譯成不同的語言,將組合推出海外市場(圖片來源:《愛回家》截圖)
愛回家 明日戰記 愛回家
(圖片來源:《愛回家》截圖)
愛回家 明日戰記 愛回家
(圖片來源:《愛回家》截圖)

內地票房被偷一事《獨行月球》改《獨行地雷》

《愛回家》抽水抽到足,就連《明日戰記》內地上映時,疑入場人數、票房被《獨行月球》偷去一事都抽埋!故事講到大四喜打算拍紀錄片一事剛好被死對頭「雷聲大」聽到,就抄佢哋開拍咗一部叫《獨行地雷》。《老人戰記》、《獨行地雷》兩戲同時上映,不過《獨行地雷》就以買戲飛送爆谷、汽水等吸引人入場,同埋偷《老人戰記》票房等,搞到《老人戰記》無睇人,票房甚差。

愛回家 明日戰記 內地紅星沈騰主演的《獨行月球》因為早一星期上畫,佔了先機,公映16日大收24億元人民幣。
內地紅星沈騰主演的《獨行月球》因為早一星期上畫,佔了先機,公映16日大收24億元人民幣。(圖片來源:《獨行月球》海報)
愛回家 明日戰記 愛回家 觀眾都去晒支持「獨行地雷」
觀眾都去晒支持「獨行地雷」(圖片來源:《愛回家》截圖)
愛回家 明日戰記 愛回家 講返疑似偷票房一事
講返疑似偷票房一事(圖片來源:《愛回家》截圖)

寸爆票房做馬!

《明日戰記》於內地剛上映時票房情況一度偏差,後期才有改善。《愛回家》同樣指《老人戰記》一開始無人睇,大龍生因為面子問題,就要求自家公司的員工齊齊幫手「洗票房」日日ot睇戲刷10幾次,造馬票房,網民都驚呼真係寸到爆!

愛回家 明日戰記 愛回家
(圖片來源:《愛回家》截圖)

暗寸古生博同情!?

古天樂早前宣傳《明日戰記》的公開場合時不斷觀看票房情況,疑一度情緒低落感觸落淚,事後解釋咗,當日佢唔係喊,而係「戲院無開冷氣」,好熱,當時呢件事就被大肆討論!《老人戰記》一樣無放過,講到一向貪小便宜、睇錢好重的熊樹根因拍《老人戰記》時拎咗公司錢出嚟做新年利是,本身話如果票房收得好,會俾返熊樹根,但得知票房好差時,因血本無歸而落淚。不過事後卻因為熊樹根一喊,搞到人人力撐《老人戰記》,令票房大升,疑暗寸博同情後先有人睇!

愛回家 明日戰記
(圖片來源:明日戰記@抖音 影片截圖)
愛回家 明日戰記 古天樂早前宣傳《明日戰記》的公開場合時不斷觀看票房情況,疑一度情緒低落感觸落淚,事後解釋咗,當日佢唔係喊,而係「戲院無開冷氣」,好熱
古天樂早前宣傳《明日戰記》的公開場合時不斷觀看票房情況,疑一度情緒低落感觸落淚,事後解釋咗,當日佢唔係喊,而係「戲院無開冷氣」,好熱(圖片來源:明日戰記@抖音 影片截圖)

一齊睇返:

《愛回家》寸爆《明日戰記》票房造假?

《愛回家》抽水抽到足,就連《明日戰記》內地上映時,疑入場人數、票房被《獨行月球》偷去一事都抽埋⋯⋯詳見:愛回家《老人戰記》抽水寸爆

《明日戰記》「偷票房」真相是什麼?

有內地網民投訴入場買飛後,戲飛上面竟然寫咗第二套戲名,隨即引發大家不滿⋯⋯詳見:《獨行月球》急發聲明

撰文:東方新地(部份內容轉載自New Monday)圖片來源:明日戰記@抖音 影片截圖、《獨行月球》海報、《愛回家》截圖、《明日戰記》宣傳海報、資料或影片來源:原文刊於NewMonday