炎明熹

炎明熹突襲《愛回家》激罕簽名相贈Philip仔勁吸引!

最新娛聞

廣告

炎明熹(Gigi)早於去年4月,在《愛·回家之開心速遞》中已被周嘉洛飾演的金城安預告將會現身客串。劇中金城安和阮政峰飾演的池子孝交談時,池子孝說:「阿壯話全部都係18歲群組,《青春本我》炎明熹咁樣吖嘛……」金城安即時激動說:「唔好攞炎明熹同佢哋比!」當時大批「Gi炎粉」已討論Gigi是否有機會客串,答案終於揭盅,Gigi今晚年初五播出的《愛回家》登場!

即睇《愛回家》最新劇情劇透
炎明熹 愛回家 金城安即時激動說:「唔好攞炎明熹同佢哋比!」
金城安去年4月已神預言炎明熹會演出,他當時激動說:「唔好攞炎明熹同佢哋比!」(圖片來源:《愛回家之開心速遞》截圖)

炎明熹演返自己

繼After Class的姚焯菲Chantel昨晚已出發到新西蘭升學之後,同團另一成員炎明熹Gigi都透露有意於內地升學,不過Gi炎粉不用失望,Gigi在港大把工作在身,她今晚客串演出《愛回家》,做返自己,又會引發連串事件。自言由小學開始已經係《愛回家》捧場客,對首度獲邀參與演出,坦言非常興奮:「我一路都有追開,佢哋嘅內容令我睇完之後好開心,每集又會帶出一啲信息,好生活化。呢個處境劇我由細睇到大,小學時係《八時入席》,後尾又有唔同系列。」

炎明熹 Gigi演返自己,喺新威龍開粉絲見面會。
Gigi演返自己,喺新威龍開粉絲見面會。(圖片來源:TVB提供)

炎明熹私伙簽名相贈Philip仔

Gigi在劇中於新威龍廣場舉行粉絲見面會,Philip仔(梁禹勤飾演)為見偶像,與好友技蘭特地走到新威龍廣場,因為圍觀的人太多,加上他們太矮而見不到Gigi,所以技蘭叫Philip仔踩住他的「肚腩」跳到台上見Gigi。Philip仔成功跳到Gigi面前,最後Gigi在自己的性感低胸相上簽了名再送給Philip仔,令他十分開心。原來劇中的性感低胸相是Gigi的私伙相,是Gigi在節目《聲生不息》中演唱《眉飛色舞》時的造型。

炎明熹 炎明熹在自己的性感低胸相上簽名,送給Philip仔。
炎明熹在自己的性感低胸相上簽名,送給Philip仔。(圖片來源:《愛回家》截圖)
炎明熹 劇中的性感低胸相,原來是炎明熹的珍藏!
劇中的性感低胸相,原來是炎明熹的珍藏!(圖片來源:[email protected]

劇中炎明熹Gigi:我超級鍾意根叔《揸流灘》同大四喜

劇情之後講到大小姐(林淑敏飾演)為兒子Philip仔安排與偶像Gigi見面的機會,Gigi更說認得熊家的人,因為經常上《慌張西望》:「我超級鍾意根叔《揸流灘》同大四喜。」十分搞笑,最後更獻唱一曲《好想約你》。

炎明熹 Gigi年初五「登陸」《愛回家》,眾人嚟張大合照。
Gigi年初五「登陸」《愛回家》,Philip仔開心見偶像。(圖片來源:TVB提供)
炎明熹 Gigi指可以同劇中角色真正合作,感覺好夢幻。
Gigi指可以同劇中角色真正合作,感覺好夢幻。(圖片來源:TVB提供)

炎明熹同「根叔」劉丹合照圓夢

Gigi指可以同劇中角色真正合作,感覺既榮幸又夢幻:「真係不可思議,冇諗過以前甚至依家仲一直睇緊嘅劇,會有機會遇到佢哋。」自言最尊敬角色「根叔」劉丹的Gigi,非常希望有機會同根叔合照:「我知佢做咗好耐,好開心可以加入呢個大家庭,因為我見到佢哋好似屋企人咁相處,又會互相叫對方阿爸、家姐或者阿妹,然後佢哋亦都好照顧我。」Gigi今次參與演出之後,仲大讚劇中道具相當逼真:「我一直以為新威龍廣場係一個真嘅廣場,然後Key個名落去,後來先知原來係一個廠景。」

炎明熹 Gigi最鍾意劉丹,當然要合照啦!
Gigi最鍾意劉丹,當然要合照啦!(圖片來源:TVB提供)
炎明熹 炎明熹以為新威龍廣場係一個真嘅廣場,然後Key個名落去,後來先知原來係一個廠景。
炎明熹以為新威龍廣場係一個真嘅廣場,然後Key個名落去,後來先知原來係一個廠景。(圖片來源:TVB提供)

炎明熹想多拍劇:好有趣

Gigi話希望日後可以再多點拍劇,因為非常鍾意同幕後工作人員相處,Gigi話:「我一直好想拍劇,我覺得拍劇好有趣,我好鍾意同工作人員相處,佢哋真係非常之好,好似屋企人咁,所以我希望儲多啲經驗同能力後再拍劇。」講說話充滿童真嘅Gigi,笑說拍攝當日遇到兩名相當可愛嘅小朋友,還送上兩粒朱古力氹小朋友開心,佢興奮咁話:「嗰日誤打誤撞帶咗兩粒朱古力,其實原本我係想試吓個味,因為冇食過,最後我就一人一粒請佢哋食,啱啱好,Yeah!」

炎明熹 電梯佈景都令Gigi嘖嘖稱奇。
電梯佈景都令Gigi嘖嘖稱奇。(圖片來源:TVB)

常見問題

將來還有什麼演唱會值得留意?

有不少歌手宣布舉辦演唱會,例如:五月天BLACKPINK澳門站(2月4日預購)、林敏驄周興哲(1月28日公開發售)、周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZY(2月1日優先購票)和NCT DREAM亦在香港開演唱會!Sundaykiss為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

如何得知不同生肖在2023兔年感情、財運、事業、健康方面運程?有什麼生肖犯太歲及如何化解?

想知道12生肖於兔年運程如何?希望兔年在感情、財運、健康及事業方面更得心應手?Sundaykiss已為你準備好12生肖兔年運程,讓大家在兔年行個好運!犯太歲的朋友亦不用太擔心,有5大犯太歲生肖要留意小心多變化、多小人及易受傷,特別有2個月份要留意,Sundaykiss 為大家整合兔年5大犯太歲生肖化解方法

撰文:東方新地圖片來源:娛樂新聞台、TVB資料或影片來源:[email protected] (official)

讀者留言