王嘉慧

愛回家|港姐王嘉慧強勢加盟備受力捧 原來極高學歷兼有富爸爸

最新娛聞

廣告

無綫長壽處境劇《愛回家之開心速遞》成日會有新面孔出現,有幸召入劇組嘅藝人都被視為「受力捧」嘅認證,最近應屆港姐亞軍梁凱晴同五強王嘉慧就分別出現喺劇中,睇嚟佢哋準備要「紅」喇!

王嘉慧
(圖片來源:《愛.回家之開心速遞》截圖)

王嘉慧首次亮相《愛.回家》 戲份重

王嘉慧(Cathy)嘅角色喺第1554集登場,係接龍集團市場部嘅職員Gina,仲係阿壯(焦浩軒飾演)嘅心儀對象。由於全集故事都係圍繞阿壯點樣出盡辦法追求Gina,所以每次阿壯出招後都會交代番Gina嘅反應,所以Cathy嘅戲份相當重,出場次數亦唔少。首次亮相喺《愛.回家》,網民都幾滿意Cathy嘅表現,甜美OL角色討好唔在講,而且每個鏡頭都總算交足表情,但講對白明顯好生硬,演技仲有好大進步空間。由於Cathy飾演嘅係接龍集團嘅一份子,未來相信可以造就好多出場嘅機會。

除咗演出處境景,王嘉慧Cathy早前亦被欽點做梁思浩回巢節目《通靈之王》嘅主持。雖然佢曾經表示第一次做主持都好緊張,不過就獲梁思浩大讚聰明,係可造之材。

王嘉慧 王嘉慧劇中飾演焦浩軒嘅心儀對象
王嘉慧劇中飾演焦浩軒嘅心儀對象(圖片來源:《愛.回家之開心速遞》截圖)
王嘉慧 王嘉慧扮演接龍集團職員,相信未來可以經常出場
王嘉慧扮演接龍集團職員,相信未來可以經常出場(圖片來源:《愛.回家之開心速遞》截圖)
王嘉慧 表情豐富交足戲
表情豐富交足戲(圖片來源:《愛.回家之開心速遞》截圖)
王嘉慧
(圖片來源:《愛.回家之開心速遞》截圖)

睇睇王嘉慧嘅演出:

王嘉慧擁高學歷 醉心演藝事業

現年27歲嘅王嘉慧係2021年港姐五強,曾就讀名校聖保羅男女中學,之後去咗英國升學,以英國公開試GCE AL中5A*成績入讀倫敦大學學院(UCL College)修讀心理學,並獲得一級榮譽及「Dean’s honour list」,返港後再攻讀中大法律博士(Juris Doctor)碩士課程,相當利害。

王嘉慧 王嘉慧擁有超高學歷
王嘉慧擁有超高學歷(圖片來源:TVB圖片)
王嘉慧 王嘉慧同時擁有健身教練專業資格
王嘉慧同時擁有健身教練專業資格(圖片來源:TVB圖片)

王嘉慧仲有「內地傢俬大王」富爸爸

除咗擁有高學歷,王嘉慧Cathy仲有一個富爸爸,爸爸王亞明(Jeffrey)有「內地傢俬大王」之稱,係著名傢俱公司創辦人,公司曾喺美國上巿,生意亦遍佈國內,多達約300幾間嘅加盟店。

王嘉慧 爸爸王亞明係著名傢俱公司創辦人,公司曾於美國上巿
爸爸王亞明係著名傢俱公司創辦人,公司曾於美國上巿(圖片來源:cathy_kww@IG)
王嘉慧
(圖片來源:cathy_kww@IG )
王嘉慧 王嘉慧不時有社交網晒長腿
王嘉慧不時有社交網晒長腿(圖片來源:cathy_kww@IG )

王嘉慧立志成為有感染力的演員

但王嘉慧Cathy好似暫時對爸爸嘅生意冇咩興趣,選擇咗加入娛樂圈,喺早期佢除咗有做模特兒工作,拍接廣告,仲考獲健身教練專業資格,成為了私人健身教練。佢喺選港姐嘅時候志向係「成為有感染力的演員,對社會作出貢獻,發放正能量」,憑住佢一股壯志雄心,相信成績指日可待。

王嘉慧
(圖片來源:cathy_kww@IG )
王嘉慧
(圖片來源:cathy_kww@IG)

梁凱晴慘做佈景板

相反,應屆亞軍梁凱晴(Carina)喺劇中暫時只係飾演「細龍生」鄭世豪背後嘅一名食客,說白點只係佈景版,相比王嘉慧可謂冇咩發揮機會。

王嘉慧 梁凱晴喺《愛・回家》只演一名食客
梁凱晴喺《愛・回家》只演一名食客(圖片來源:《愛.回家之開心速遞》截圖)

梁凱晴同樣係高學歷港姐

梁凱晴(Carina)選港姐之前在英國薩里大學(University of Surrey)修讀Bachelor of Science的International Hospitality Management,薩里大學的酒店管理學專業在QS2020世界大學學科排名中被評為世界第8。之後在香港城市大學修讀Master of Science in Marketing,專攻市場管理範疇相關的數據分析研究。Carina笑言大學教授原本建議她繼續升讀博士課程,但因她想趁年輕嘗試其他方面發展,故毅然放棄升學選擇了參加香港小姐

王嘉慧 香港小姐2021 梁凱晴 Carina 楊采妮
在選港姐的時候,梁凱晴有「翻版楊采妮」之稱。(圖片來源:TVB
王嘉慧 香港小姐2021決賽|最後三甲公布 宋宛穎爆冷奪冠 楊培琳攞最上鏡小姐
梁凱晴係亞軍。(圖片來源:TVB截圖)

港姐王嘉慧在《愛回家》演什麼角色?

港姐王嘉慧在《愛回家》第1554集登場……詳情請看

港姐王嘉慧受無綫熱捧嗎?

港姐王嘉慧除了出演長壽處境劇,更被欽點做節目主持……詳情請看

撰文:東方新地圖片來源:cathy_kww@IG,TV圖片,《愛.回家之開心速遞》截圖資料或影片來源:TVB USA Official