鍾志光

愛回家 | 鍾志光加入「新大四喜」原來好Rap得 黎彼得提TVB把幾火

最新娛聞

廣告

四年一度世界盃開鑼,但由於無錢今年爭取唔到轉播權,所以令到有「萬能鍾」之稱的體育主持鍾志光再無機會現場直播講波。在《愛回家之開心速遞》中飾演龍敢佳(佳叔)的鍾志光最近轉型,搖身一變成為Rap友,頂替黎彼得成為「新大四喜」。扮潮Rap菜價的鍾志光好有驚喜,而被頂替的黎彼得日前亦宣布投靠ViuTV有工開,一提無綫即把幾火。

鍾志光 鍾志光近年轉型做演員,拍過不少無綫劇集,講波出身的他,口才同腦袋都轉得快,所以今次做Rap友Rap菜價絕對得心應手。
鍾志光近年轉型做演員,拍過不少無綫劇集,講波出身的他,口才同腦袋都轉得快,所以今次做Rap友Rap菜價絕對得心應手。(圖片來源:無綫影片截圖)

鍾志光轉行做Rap友 網民:我愛鍾仔!

今屆世界盃進行得如火如荼,但60歲的鍾志光就冇得一展所長,苦冇講波機會,不過原來他有另一強項,日前他在《愛回家之開心速遞》戴上cap帽太陽眼鏡現身,以前衛造型即場Rap菜價,相當搞笑。鍾志光還謙虛地在自己FaceBook表示:「今集有冇睇?能夠加入大四喜是我的光榮,多謝四位前輩劉丹、羅樂林、陳榮峻、黎彼得為大四喜打下基礎,我只是前人種樹,後人乘涼而已!」網民都笑言他充滿喜感,更有網民高呼「我愛鍾仔」!

鍾志光 鍾志光在Facebook宣布成為「新大四喜」其中一員。
鍾志光在Facebook宣布成為「新大四喜」其中一員。(圖片來源:[email protected]鍾仔鍾志光)
鍾志光 估唔到鍾志光咁搞笑。
估唔到鍾志光咁搞笑。(圖片來源:[email protected]鍾仔鍾志光)
鍾志光 喜感十足的鍾志光,原來在《愛回家》已經5年。
喜感十足的鍾志光,原來在《愛回家》已經5年。(圖片來源:[email protected]鍾仔鍾志光)

搶大龍生風頭出事

黎彼得去年因病離開了《愛回家》,「大四喜」以三人組合熊樹根(劉丹 飾)、大龍生(羅樂林 飾)及譚道德(陳榮峻 飾)亮相維持了好一段時間,劇情終於交代馬豹(黎彼得 飾)退團,其位置由佳叔(鍾志光 飾)頂上。日前劇情講述突然有活動搵「新大四喜」做嘉賓,想佢哋改歌詞演出,而大龍生就重金禮聘請大師改歌詞,點知Kai叔最後以自己改詞的版本演出,仲一夜爆紅,夠膽搶大龍生風頭,令大龍生要出招趕佢走。

鍾志光 鍾志光竟然搶晒大龍生風頭。
鍾志光竟然搶晒大龍生風頭。(圖片來源:無綫影片截圖)
鍾志光 鍾志光頂替黎彼得成為「新大四喜」。
鍾志光頂替黎彼得成為「新大四喜」。(圖片來源:[email protected]鍾仔鍾志光)
鍾志光 去年在東京奧運上,鍾志光以體育主持身份,訪問香港劍擊金牌得主張家朗。
去年在東京奧運上,鍾志光以體育主持身份,訪問香港劍擊金牌得主張家朗。(圖片來源:[email protected]鍾仔鍾志光)
鍾志光 由於無錢今年爭取不到世界盃轉播權,鍾志光只能在他的社交平台以文字去評述賽事。
由於無錢今年爭取不到世界盃轉播權,鍾志光只能在他的社交平台以文字去評述賽事。(圖片來源:[email protected]鍾仔 鍾志光)

黎彼得同TVB仲有約 兼職拍ViuTV 句句有骨拒回巢

72歲的黎彼得早前宣布接拍ViuTV新劇《極度俏朗君》,他在開鏡活動接受訪問時表示自己和無綫還有一年合約。他去年底做完手術後,TVB未有安排他復工,幸得契仔黃宗澤幫忙生活費,富商劉鑾雄得知他的情況後,更主動以支持者身分提出資助,令他大為感動。黎彼得又向傳媒指,一直以為11月約滿TVB,但原來仲有一年合約,不過藝員部指他係兼職可以兩邊走;坦言出院到而家TVB都無搵過他開工,曾勵珍就連電話都無個。

黎彼得亦透露早前因確診休息半年,而今次拍攝《極度俏郎君》時間僅每日一組,所以無咁辛苦較舒服;被問到如果TVB搵佢返去拍劇會唔會拍,佢就直言最好唔好,因為要捱更抵夜,「嗰啲錢唔係我去搵啦,搵到都唔夠畀醫藥費!」至於,《愛·回家之開心速遞》「大四喜」四缺一情況,黎彼得就表示無辦法,呢個世界無話無咗邊個唔得嘅,而家由鍾志光頂上,黎彼得看來重返無綫機會好微。

鍾志光 72歲的黎彼得日前宣布接拍ViuTV新劇《極度俏朗君》,他在開鏡活動接受訪問時表示自己和無綫還有一年合約。
72歲的黎彼得日前宣布接拍ViuTV新劇《極度俏朗君》,他在開鏡活動接受訪問時表示自己和無綫還有一年合約。(圖片來源:Viu1 娛樂新聞 截圖)
鍾志光 黎彼得去年底做「通波仔」手術後,曾接受無綫娛樂新聞台訪問,隨後黎彼得表示公司一直都沒工作安排給他,令他陷入經濟拮据。
黎彼得去年底做「通波仔」手術後,曾接受無綫娛樂新聞台訪問,隨後黎彼得表示公司一直都沒工作安排給他,令他陷入經濟拮据。(圖片來源:無綫影片截圖)
鍾志光 日前黎彼得現身ViuTV新劇《極度俏朗君》開鏡活動,還公開大讚每日只開一組戲,較以前在無綫拍劇舒服得多。
日前黎彼得現身ViuTV新劇《極度俏朗君》開鏡活動,還公開大讚每日只開一組戲,較以前在無綫拍劇舒服得多。(圖片來源:([email protected]
鍾志光 在《萬千星輝賀台慶2020》,由黎彼得、劉丹、羅樂林和陳榮峻組成的「大四喜」,一齊載歌載舞。
在《萬千星輝賀台慶2020》,由黎彼得、劉丹、羅樂林和陳榮峻組成的「大四喜」,一齊載歌載舞。(圖片來源:無綫影片截圖)

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

撰文:東方新地圖片來源:[email protected]鍾仔鍾志光、無綫影片截圖

讀者留言