未命名-1

愛美麗狂想曲│蝦頭床上激戰曹永廉 被指為人保守唔肯脫

曹永廉與蝦頭楊詩敏在《愛美麗狂想曲》中由好友變成炮友,第11集酒後亂性發生關係,唔好睇蝦頭平時大癲大肺,外表好open,拍攝床戲時原來好怕醜,連衫都唔想除,好彩曹永廉經驗老到,帶住蝦頭入戲,事後曹永廉大爆蝦頭鬼死咁保守,真係人不可以貌相!

撰文:東方新地 圖片:無綫電視截圖

蝦頭
拍攝其中一場床戲前,曹永廉指住浴缸笑指會在那裡拍,蝦頭笑得好尷尬。
蝦頭
曹永廉抵死地話唔想蝦頭觸摸他身體某些地方。

蝦頭被指表裡不一

蝦頭與曹永廉在《愛美麗狂想曲》中都是玩家,男的閱女無數,女的食仔無數,不過最後竟走在一起。平時大情大性好似好open的蝦頭,在拍攝多場床戲後,卻被曹永廉大爆其實內裡好密實。

蝦頭
劇集花絮中播出蝦頭與曹永廉拍攝其中一張床戲,蝦頭竟然不肯除衫。
蝦頭
經導演開導後,蝦頭最終肯以浴袍出鏡。
蝦頭
要蝦頭在床上做出多個姿勢,她經常忍唔住笑。

蝦頭床戲無睇頭

蝦頭與曹永廉於劇中名副其實的「臭味相投」,一對玩家撻着成日去開房、分手又復合,情路迂迴。其中一場戲講述蝦頭「禁慾」多時,一心搵曹永廉訴苦,點知二人借醉撩起慾火,拍攝時曹永廉被蝦頭伸手入浴衣狂摷,不過全部都是意識上大膽,真正埋身鏡頭唔太多,曹永廉接受東張西望訪問時說:「同蝦頭合作可以去到好盡,大家專業都知點做,唔擔心畀佢話揩油!」

蝦頭
曹永廉在訪問中大爆蝦頭份人其實好保守。
蝦頭
蝦頭向曹永廉投訴被劇中男伴的阿媽嫌棄有體味,曹永廉湊個頭埋去索味。
蝦頭
曹永廉話蝦頭好香。
蝦頭
孤男寡女終於出事。
蝦頭
曹永廉捉蝦頭隻手入自己衫內任摷。

曹永廉劇透有艷福

曹永廉在劇中飾演的花花公子蘇澤基一角近乎渣男,蝦頭則經常玩弄男伴於股掌之中,不過二人發生關係後雙雙沉船。早前曹永廉更劇透說:「我同朱朱(朱智賢)由鬥氣到拍拖,後嚟因為蝦頭發生咗啲事,我好緊張,朱朱就主動叫我返去照顧佢。」講到周旋兩女之中艷福不淺,曹永廉笑指冬天攬蝦頭多肉會暖一些,朱智賢就四季都差不多。

蝦頭
醉酒發生關係後,曹永廉向蝦頭道歉話對佢唔住。
蝦頭
曹永廉仲發誓話唔會再有第二次,不過最後都……

讀者留言