感情更勝從前 伍詠薇 孖老公恩愛遊日

最新娛聞

半年前藝人 伍詠薇 (伍姑娘)老公練海棠背妻偷食事件全城哄動,當時擾攘近一星期後,伍姑娘笑住大方回應,並指已經原諒老公,其大方得體態度獲網民激讚。二人事後,隨即去旅行修補關係。今日伍姑娘又在微博上晒恩愛,原來佢宜家同老公及哥哥身處日本札幌旅遊!同兩位至親一齊遊山玩水,難怪伍姑娘笑得咁開心啦!

延伸閱讀︰

無綫節目巡禮 全台索女鬥胸狠

古巨基設計場地 關心妍為愛女大搞百日宴

練海棠今年六月時背妻搭上34D長髮索女,令網民質疑二人感情。不過當時伍姑娘就回應話事情既然已經發生,一定要打老公200大板,但同時要檢討一下係咪自己忙於工作而忽略了身邊人。雖然係練生被爆偷食,但伍姑娘唔係只顧責怪老公,更不忘自我反省,絕對係一位模範太太!

所以現在無論伍姑娘幾忙,都一定以家人為先。就算最近忙住綵排舞台劇,都抽時間陪佢哋去旅行,順便放鬆一下!伍姑娘同老公及哥哥日前到日本札幌旅行,輕輕鬆鬆四圍睇吓風景、嘆吓美食,享受慢活人生。

期間愛心滿瀉的伍姑娘遇到一隻巨型白色大狗,更瞓身影合照。見佢笑得咁開心,就知道佢哋呢個旅程滿載而歸啦!

現年47歲嘅伍姑娘皮膚保養得極好,素顏都一樣咁正,唔知係咪因為相由心生呢?祝福佢同老公以後恩恩愛愛!

全文完

讀者留言