戀愛Staycation

戀愛Staycation|參賽者4男4女起底 當中邊個係玩家?

最新娛聞

廣告

ViuTV真人騷節目《戀愛Staycation》7月25日起首播,去年曾招募一眾單身男女報名,一齊免費住大屋玩Staycation,這個戀愛配對節目被指似足由日本同Netflix聯合製作的真人騷節目《雙層公寓》!

即睇《戀愛Staycation》第二季參賽者介紹

《戀愛Staycation》第2次單獨約會

今週剛新播出的兩集,開始進行第2次單獨約會,而今次由女生作主動邀請的一方。首先,Henry同時獲得YanYan和Kylie的約會邀請。而新加入的Vicky邀請了林嘉宏,呢兩位第一次見面的時候,已對對方充滿好感,更互讚對方超高質!而雀仔亦不出所料邀請傑仔,更主動提出邀請對方上自己屋企天台探狗狗,兩位似乎感情增進不少。而Stan竟然無人邀請佢約會,到最後會點呢?

戀愛Staycation
(圖片來源:ViuTV《戀愛Staycation》截圖)
戀愛Staycation
(圖片來源:ViuTV《戀愛Staycation》截圖)
戀愛Staycation
(圖片來源:ViuTV《戀愛Staycation》截圖)
戀愛Staycation
(圖片來源:ViuTV《戀愛Staycation》截圖)

《戀愛Staycation》8位單身參賽者包括

《戀愛Staycation》參賽者1. Henry陳獻略「排球男神」前港隊代表隊成員

自幼已參與演藝幕前工作,拍過多個廣告,2014年參與過電影拍攝工作,《那夜凌晨,我坐上了旺角開往大埔的紅van》,並於2015年《陀地驅魔人》中擔任副導演一角。背景相當唔簡單!

第6集獲兩位女參賽者的約會邀請

ViuTV播出的第6集(08/01)講述4位女參賽者需要主動約會自己心儀的對象,Henry同時獲得YanYan和Kylie的約會邀請。

戀愛Staycation
(圖片來源:[email protected]

《戀愛Staycation》參賽者2. 「飄忽姐」甄茵YanYan-空姐轉做中醫師

曾參加《最後一屆口罩小姐選舉》33號佳麗,並40強止步。由空姐轉職成為中醫師,仲考獲直升機駕駛執照,平時在社交網大曬健身,跑步照片,呢個中醫師一啲都唔簡單!

第6集深情對話-剖白痛苦的感情經歷

第6集8位參賽者各自剖白自己最痛苦的愛情經歷,YanYan道出自己大學時期曾被男友劈腿,並當場捉姦在床的經歷,最瘋癲是當晚男方對她求婚。節目主持人之一的Hailey,立即分享身同感受,並道痛苦的感覺仍歷歷在目。

戀愛Staycation ViuTV《最後一屆口罩小姐選舉》
ViuTV《最後一屆口罩小姐選舉》(圖片來源:東方新地)

相關文章:甄茵係註冊中醫 參選口罩小姐表演拔罐絕技!

《戀愛Staycation》參賽者3. Vicky-女網紅

28歲的KOL Vicky暫時仲未出場,社交媒體IG坐擁18萬followers,貌似薛凱琪樣子甜美。Vicky在理工大學畢業,主修英文,副修韓文,甚有語言天份,畢業後做過秘書,在國泰做過兩年空姐,可惜因為大裁員,因緣際會之下做了KOL。

第6集 坦白對林嘉宏的好感

第6集身為新加入成員,將會是第一次與男參賽者出外約會,並道在4位男參賽者之中,與林嘉宏的相處最為舒服。林嘉宏於第一次見到Vicky時,亦表示過Vicky擁有所有佢理想女友的條件。唔知往後佢兩個會唔會發展順利呢?

相關文章:Vicky張嘉盈仙氣冧暈2萬Fans 收猥瑣留言:唔驚,由得佢

戀愛Staycation 28歲的KOL Vicky樣子甜美,因貌似薛凱琪,獲近20,000位followers追捧。
28歲的KOL Vicky樣子甜美,因貌似薛凱琪,獲近20,000位followers追捧。(圖片來源:[email protected]
戀愛Staycation Vicky精通英、韓語,現任職秘書和KOL。
Vicky精通英、韓語,現任職秘書和KOL。(圖片來源:[email protected]

《戀愛Staycation》參賽者4. 「杞子」鄭杞瑤Kylie

Kylie C.來頭並不簡單,去年參加Ace Talent演藝模特兒大賽攞咗演藝亞軍同「 Face of Hong Kong 」模特兒冠軍,及後加入「美容教主」唐安麒的公司旗下,火速成為新一代宅男女神,現時IG已有超過7萬名Followers。

第6集 忽然又再轉軚對Henry產生好感

第6集8位參賽者各自分享完愛情經歷後,Kylie開始對同樣是射手座的Henry產生好感。於是,主動約會了Henry。Henry亦有話想與Kylie有多些私下交談的機會。

戀愛Staycation
(圖片來源:[email protected]

多圖起底:戀愛Staycation|參賽者Kylie C.鄭杞瑤原來係學霸 又名36E「翻版袁嘉敏」

更多:Kylie杞子得罪Henry喊晒口 亂晒籠玩男男配對?!

鄭杞瑤成名作:36E電暈「藍仔頭」

25歲咪神Kylie C.(鄭杞瑤)被「熊仔頭」和「藍仔頭」主理的YouTube頻道FHProductionHK邀請,拍攝了一段「拍一日拖」的短片,節目中Kylie C.甫出場便成功電暈主持人「藍仔頭」,搞到平時見慣大場面的「藍仔頭」口窒窒要賴自己眼瞓,仲講笑話:「平時我做開主導㗎嘛,今日無啦啦被人主導返轉頭,我覺我自己好似一個唔識講嘢嘅人,搞到我個心係咁跳!」

戀愛Staycation Kylie C.
25歲Kylie C.(鄭杞瑤)備受注目。(圖片來源:[email protected]

《戀愛Staycation》參賽者5.傑仔|拳擊教練Kit Au

除咗係一名拳擊教練,仲係一名foodie。性格比較「細路仔」,表面貌似需要其他人照顧,但其實希望可以照顧到其他人。

戀愛Staycation
(圖片來源:[email protected]_kit)

《戀愛Staycation》參賽者6. 林嘉宏 - 曾參加《生存演技派》

曾經參加ViuTV真人騷《生存演技派》,拍過多個廣告。身高185cm,擁有精緻面孔,以及高挑身型,現職是一名Model,亦不時在社交媒體分享健身和踢足球照片,可算是眾多女士們心目中完美的理想對象!

戀愛Staycation
(圖片來源:[email protected]

《戀愛Staycation》參賽者7. 「雀仔」 全名Tang Yik Man -火辣處女座網紅

雀仔經常在社交網大曬傲人豐滿身材的照片,而現實中個性非常隨和,善解人意,令人覺得相處舒服的女生。

第6集 雀仔帶傑仔上自己屋企天台約會

雀仔在第6集剖白了自己曾被兩任男友出軌的經歷,令其他參賽者對佢更另眼相看。雀仔亦坦白與傑仔的相處最舒服自在。

相關文章:雀仔鄧亦雯24歲甩拖 擇偶愛熟男:我需要被照顧

雀仔拍過兩次拖想擴闊社交圈

網民們最有興趣雀仔的戀愛經歷,原來她只拍過兩次拖:「咁啱嗰段時間分咗手,就參加咗呢個節目,順便諗住識多啲人,擴闊吓圈子。」有乜擇偶條件?「都會比較覺得大啲成熟啲嘅男仔會啱我多啲,我都係需要被照顧。」

戀愛staycation 雀仔 原來雀仔只拍過兩次拖:「咁啱嗰段時間分咗手,就參加咗呢個節目,順便諗住識多啲人。」
原來雀仔只拍過兩次拖:「咁啱嗰段時間分咗手,就參加咗呢個節目,順便諗住識多啲人。」(圖片來源:[email protected]

《戀愛Staycation》參賽者8. Stan(35歲)

事業型、有愛心、去旅行同滑雪…係唔係你嗰type ?Stan是參賽者之中年紀最大的,第一集亦被三位女參賽者視為最不感興趣的男生。其實佢係咪真係咁差呢?

第6集 約會落單的一位

雖然Stan在坦白自己曾成為第三者的慘痛愛情經歷後,令到其他女參賽者都對佢改觀,但第二round約會環節,佢並沒有得到任何邀請。

戀愛Staycation
(圖片來源:ViuTV《戀愛Staycation》宣傳圖)
戀愛Staycation
(圖片來源:[email protected]

《戀愛Staycation》預告第一次分組活動

早前已預告將會分組出外玩wallgame,互相再加深彼此的認識。活動後,亦將會各自進行二人約會,唔知邊個會主動約邊個呢?會好快就有情侶誕生?

戀愛Staycation
(圖片來源:[email protected]_2022)
戀愛Staycation
(圖片來源:[email protected]_2022)

《戀愛Staycation》7月25日起首播8男女兩星期分組單獨約會

ViuTV去年熱播中的真人騷節目《賭命夫妻》話題性十足,去年ViuTV宣布開拍新一部真人騷節目《戀愛Staycation》,更公開招募一眾單身男女共處一屋,大玩長達兩星期的Staycation,八男女在兩星期分組單獨約會,為求真愛各人都使出渾身解數,當中暫定的活動包括有船P、大自然露營、豪華晚宴舞會等,全程免費入住。

ViuTV新節目《戀愛Staycation》暫名)將於11月21日截止報名,並於12月開始拍攝。
ViuTV新節目《戀愛Staycation》去年11月21日截止報名,並於12月開始拍攝。(圖片來源:[email protected]
戀愛Staycation 節目預告有四男四女,為何在頭兩集只有「4男3女」呢?敬請留意
節目預告有四男四女,為何在頭兩集只有「4男3女」呢?敬請留意(圖片來源:ViuTV)
戀愛Staycation
(圖片來源:ViuTV)
戀愛Staycation
(圖片來源:ViuTV)
戀愛Staycation
(圖片來源:ViuTV)

即睇《戀愛Staycation》預告!

節目更搵嚟兩位皇牌主持人強尼和ViuTV一姐Hailey Chan,再加埋話題性高嘅全民造星Alice,三位愛情花生友 a.k. a. 愛情專家comment下對參加者嘅第一印象,睇下你feel唔feel到佢哋係戀愛高手定A0!

戀愛Staycation
(圖片來源:ViuTV)

Shirley沈殷怡舉腳「搵春天」

一眾ViuTV索女包括娟姐(練美娟)、Shirley(沈殷怡)、Mishy(李昭南)和曾參加《全民造星3》的Buber(麥詠楠),都爭住率先報名,其中Shirley就在ViuTV社交網留言表示:「舉手舉腳表示想參加!公司比個機會我搵春天好無?」娟姐也有留言說:「我想參加啊!」卻引來網民重提她與肥仔的緋聞。

戀愛Staycation 網友擔心Shirley參加節目,其他女參加者會無人理。
網友擔心Shirley參加節目,其他女參加者會無人理。(圖片來源:[email protected]
戀愛Staycation Shirley今年27歲,符合參加節目的年齡。
Shirley今年27歲,符合參加節目的年齡。(圖片來源:[email protected]
戀愛Staycation|ViuTV開拍港版《雙層公寓》撮合單身男女 娟姐沈殷怡搶閘報名
網民重提娟姐與ERROR隊長肥仔的緋聞,暗示她並非單身。(圖片來源:[email protected]
戀愛Staycation|ViuTV開拍港版《雙層公寓》撮合單身男女 娟姐沈殷怡搶閘報名
七仙羽師傅曾在節目中爆料指肥仔一早吼住娟姐練美娟,之後肥仔同女友分手,娟姐一度被指係第三者,但七師傅話當時只是講笑,叫大家唔好太認真。(圖片來源:[email protected]
戀愛Staycation|ViuTV開拍港版《雙層公寓》撮合單身男女 娟姐沈殷怡搶閘報名
自稱單身狗的Mishy,就話想參加節目係因為想免費食自助餐。(圖片來源:[email protected]
戀愛Staycation|ViuTV開拍港版《雙層公寓》撮合單身男女 娟姐沈殷怡搶閘報名
現年32歲的Mishy擁有高學歷和有米家底,絕對係筍盤。(圖片來源:[email protected]
戀愛Staycation|ViuTV開拍港版《雙層公寓》撮合單身男女 娟姐沈殷怡搶閘報名
曾參加過《造星3》的Buber,都話要跟Mishy隊去參加節目。(圖片來源:[email protected]

網友狂Tag:機會嚟啦飛雲!

網民都對這節目充滿興趣,不停在社交網Tag自己的單身朋友,並附上「機會嚟啦飛雲!」等字句,其中麗英同專家Dickson都被網民狂Tag。而早前曾向張致恒(Steven)追債的𡃁模Naomi(馮鎵瀠),就慨歎自己已非單身,話希望ViuTV開拍多些可以讓情侶們參加的節目。不過也有網民投訴這個節目年齡限定在18至35歲,認為這是在歧視超過35歲的單身男女。

戀愛Staycation|ViuTV開拍港版《雙層公寓》撮合單身男女 娟姐沈殷怡搶閘報名
網友建議專家Dickson參加節目搵另一半,但專家Dickson今年36歲已超齡。(圖片來源:[email protected]
戀愛Staycation|ViuTV開拍港版《雙層公寓》撮合單身男女 娟姐沈殷怡搶閘報名
23歲麗英亦被網友Tag了一句「飛雲」,不過據知麗英已經有男朋友。(圖片來源:[email protected]
戀愛Staycation|ViuTV開拍港版《雙層公寓》撮合單身男女 娟姐沈殷怡搶閘報名
𡃁模Naomi慨歎自己已非單身。(圖片來源:[email protected]
戀愛Staycation|ViuTV開拍港版《雙層公寓》撮合單身男女 娟姐沈殷怡搶閘報名
(圖片來源:[email protected]

《雙層公寓》曾引發網絡欺凌事件

去年5月,在Netflix播出的日本真人騷節目《雙層公寓:東京2019-2020》,發生了有份參演節目的摔角手木村花疑不堪網絡欺凌而輕生一事,令節目被逼腰斬,之後Netflix上所有木村花參演的節目集數也全數被刪除。今次ViuTV即將製作的戀愛配對真人騷節目,被指設定似足《雙層公寓》,網民都好擔心會再度引來網絡欺凌事件,建議ViuTV一定要小心處理節目的剪輯。

戀愛Staycation 林夢
現年26歲、現職OL兼水著模特兒的林夢(林ゆめ),去年因參加《雙層公寓:東京2019-2020》而人氣急升,今年6月她推出首本寫真集,更成功登上寫真集銷量榜冠軍。(圖片來源:[email protected]_yume_1018)
戀愛Staycation|ViuTV開拍港版《雙層公寓》撮合單身男女 娟姐沈殷怡搶閘報名
節目《雙層公寓:東京2019-2020》在發生木村花(右)輕生一事後已被腰斬,Netflix上所有木村花參演的節目集數也已全數被刪除。(圖片來源:[email protected]
戀愛Staycation|ViuTV開拍港版《雙層公寓》撮合單身男女 娟姐沈殷怡搶閘報名
(圖片來源:[email protected]
戀愛Staycation|ViuTV開拍港版《雙層公寓》撮合單身男女 娟姐沈殷怡搶閘報名
(圖片來源:[email protected]

常見問題

《戀愛Staycation》8位參賽者是誰?

《戀愛Staycation》8位參加者年齡介乎18至35歲,參加資格首要是「單身」,他們分別是⋯⋯詳情按此

《戀愛Staycation》女參賽者未齊人?

參加者中仲有一位到第三集都未出場⋯⋯詳見:Vicky張嘉盈仙氣KOL

撰文:東方新地圖片來源:[email protected][email protected][email protected][email protected][email protected][email protected]_yume_1018、[email protected]

讀者留言