戀講嘢

戀講嘢|Katrina爆前度係國際巨星 五大線索直指Jackson王嘉爾

最新娛聞

廣告

ViuTV節目《戀講嘢》以「巨星X係我前度」為題,嘉賓係曾拍過選美真人騷《廣告女皇》的Katrina(陳珮欣),在節目中她大談與一位「國際巨星」無疾而終的甜蜜初戀,更提供五大線索,畀大家估吓到底該位「國際巨星」係邊個,引發眾多網民熱議,不過有不少網民都話線索畀得實在太明顯,同開估無分別!

戀講嘢 浩南形容Katrina為「黑版米媽」,郭奕芯則猜測她識得跳舞,但被Katrina否認。
浩南形容Katrina為「黑版米媽」,郭奕芯則猜測她識得跳舞,但被Katrina否認。(圖片來源:《戀講嘢》截圖)

戀講嘢|Katrina爆「巨星」舊照 193即嗌:「佢個樣唔同咗!」

節目介紹Katrina現年29歲,職業是自由工作者,目前戀愛中,在講出同該位「巨星」的戀愛故事前,Katrina先透露其身份線索,仲神秘地攞出該位「巨星」的照片,讓主持們過目,但193竟即時大嗌:「佢個樣唔同咗!佢愈紅個樣愈唔同!」又笑鬧Katrina「痴線」:「佢cap低人哋webcam啲相,跟住佢webcam仲要好似裸聊咁!」

戀講嘢 Katrina指該位男星以前個樣不算出眾!
Katrina指該位男星以前個樣不算出眾!(圖片來源:《戀講嘢》截圖)
戀講嘢 Katrina曾在IG分享其中學時照片,一臉清純,五官標緻,有點似 Chantel姚焯菲。
Katrina曾在IG分享其中學時照片,一臉清純,五官標緻,有點似 Chantel姚焯菲。(圖片來源:IG@katrinapschan)

讀國際學校認識 Katrina稱被對方MSN「轟炸」

之後講到兩人的戀愛史,Katrina指兩人都係讀國際學校,對方在中學時期,因為住在她所讀的學校附近,所以會在放學後到她的學校打籃球,Katrina形容當時該位男星並不是特別高,樣貌也不是特別出眾,所以她並無特別留意他,反而是他先主動用MSN「轟炸」她,令她覺得他特別煩。

戀講嘢 Katrina中學時期樣子甜美清純。
Katrina中學時期樣子甜美清純。(圖片來源:IG@katrinapschan)
戀講嘢 曾登上Yes雜誌。
曾登上Yes雜誌。(圖片來源:IG@katrinapschan)

做練習生引起興趣

直到升中六Final year的暑假時期,對方突然傳訊息給Katrina,告知她自己將會去其他國家受訓,成功引起她的興趣,兩人才開始多了聊天:「我問佢點解會畀人select到出嚟,或者靠咩入圍呀咁,因為我嗰陣時都想做演員,所以都想知道佢入到嘅原因。但我唔想畀佢知我突然間覺得佢好犀利,唔想畀人覺得我貪慕虛榮,所以嗰時都只係同佢傾吓偈,了解吓佢先。」

戀講嘢 Katrina在2018年曾經參過ViuTV的選美真人騷《廣告女皇》。
Katrina在2018年曾經參過ViuTV的選美真人騷《廣告女皇》。(圖片來源:《廣告女皇》截圖)
戀講嘢 不過未能晉身最後四強便慘遭淘汰。
不過未能晉身最後四強便慘遭淘汰。(圖片來源:《廣告女皇》截圖)
戀講嘢
(圖片來源:《廣告女皇》截圖)

對方到韓國每日訓練後 Skype大吐苦水

Katrina指對方去到韓國後,由於公司不讓他拍拖,所以他會完成每日訓練後,在臨瞓前才會偷偷地和她用Skype視像通話,內容都是對方向她大吐苦水,大呻他每日學韓文好辛苦、或者受訓時要做甚麼,例如要練唱歌,因為他本身唔識唱歌,所以有好大壓力,也會對她說「好掛住你」、「想返嚟見你」之類的暗示說話。

戀講嘢 Katrina現在是一名演員及造型師。
Katrina現在是一名演員及造型師。(圖片來源:IG@katrinapschan)

曾問Katrina整容意見

對方去到韓國第二年的3月,突然通知她會返港三日,問她有冇時間見面,為此她特別自製曲奇送給他,兩人首次近距離面對面接觸,令Katrina感覺特別不同,而講到聊天內容,竟是有關整容:「佢話有啲friend都有整容,問我佢應唔應該整,問我覺得好唔好咁囉,但我叫佢唔好搞啲咁嘅嘢,因為佢本身都唔差,雖然唔係話特別出眾,所以冇必要去整。」

戀講嘢 現時29歲的Katrina已有男朋友。
現時29歲的Katrina已有男朋友。(圖片來源:IG@katrinapschan)

對方好掛住香港美食 靠食香口膠呃濕吻

Katrina憶述那次約會兩人曾一齊食牛腩麵,因為對方話好掛住香港的美食,她續說:「臨走時覺得個口有啲牛肉味,我就食香口膠,跟住佢就錫咗我!」即時引得四位主持起哄,指兩人互啜同一塊香口膠好噁心,Katrina也直言覺得好核突,又指兩人在濕吻前,也有拖手:「因為我哋嗰時行到去地鐵站,但唔想分開,所以喺地鐵站外面流連咗好耐。」

戀講嘢 193聽到Katrina和前度濕吻,笑對方追女方式老土!
193聽到Katrina和前度濕吻,笑對方追女方式老土!(圖片來源:《戀講嘢》截圖)
戀講嘢 浩南仲問嘉賓,二人濕吻時有沒有將香口膠拉絲!
浩南仲問嘉賓,二人濕吻時有沒有將香口膠拉絲!(圖片來源:《戀講嘢》截圖)

寫肉麻韓文情書男方署名有「WA」開頭

Katrina又提到當日曾影貼紙相,並讓對方給她簽名:「佢仲寫咗幾句,話唔好意思,唔可以成日覆你massage,我好掛住你,同埋我真係好愛你㗎咁樣,不過佢係寫韓文嘅,寫『我好愛你,真㗎』,當時我都有問佢係咩意思,佢就解畀我聽。」193話感覺好兩小無猜,問她當時幾歲?Katrina就回答18歲,對方亦是差不多年紀,之後Katrina曬出這封情書,雖然用手遮住男方署名,但仍可見到開頭有「WA」的字眼。

戀講嘢 男星曾用韓文向Katrina示愛。
男星曾用韓文向Katrina示愛。(圖片來源:《戀講嘢》截圖)
戀講嘢 公開情書時,Katrina用手遮住巨星簽名!
公開情書時,Katrina用手遮住巨星簽名!(圖片來源:《戀講嘢》截圖)

為對方到美國讀大學對方所屬公司曾在深圳進行招募

Katrina指曾因為對方而到美國讀大學,因為對方當時也正在紐約韓國城的訓練中心入面受訓,但當她去到美國入學時,對方卻已完成訓練返回韓國,令兩人緣慳一面。另一次對方所屬的公司在深圳進行招募,她也膽粗粗去面試,希望能和他成為同事,但因為她只想做演員,完全不懂跳舞,最後也是面試失敗,而她也沒有告訴過對方這次的嘗試。

戀講嘢 2018年,Katrina在紐約讀完大學後,回流香港。
2018年,Katrina在紐約讀完大學後,回流香港。(圖片來源:IG@katrinapschan)

線索8. 認為冇將來拒再見面郭奕芯有共同朋友

其後兩人因為少了共同的話題,加上對方開始出道,也少了時間和她視像通話,之後對方再一次回港,也有找她見面,但Katrina認為大家沒有將來,感到高攀不起,不敢應約,其後發現男方unfollow了自己,戀情正式劃上句號。郭奕芯即安慰:「其實我個朋友以前都識佢,佢都係突然unfollow咗,可能佢要專心演藝之路。」

戀講嘢 男星再一次回港,Katrina認為大家沒有將來,因此沒有應約。
男星再一次回港,Katrina認為大家沒有將來,因此沒有應約。(圖片來源:IG@katrinapschan)

郭奕芯驚天大爆料男星曾玩一夜情!?

不過193卻錯重點,十分好奇郭奕芯原來也認識該男星,追問之下,現年27歲的郭奕芯爆料指自己17、18歲曾在唱K聚會上見過該男星:「我同女仔一齊去,當晚出現咗呢位男主角,第二日,個女仔同我講佢哋做咗啲好親密嘅行為,但我冇問,因為我成晚冇接觸過佢,亦唔知佢係邊個,依家諗番真係蝕咗!」Helen譚凱倫即突破盲點:「咦,咁可能同Katrina時間重叠?」引來眾人嘩然。

戀講嘢 郭奕芯忽然爆料,原來都認識該名男星!
郭奕芯忽然爆料,原來都認識該名男星!(圖片來源:《戀講嘢》截圖)

網民:係咪暗示咗佢有整?

網民紛紛笑193指「巨星個樣唔同咗」的言論:「係咪暗示咗佢有整?」又根據Katrina提供的線索,直指「巨星」的身份是韓國男團GOT7的成員Jackson王嘉爾:「除咗王嘉爾,都應該無第二個」、「啲資料多到同開估無分別。」、「不如直接讀埋Jackson個身份證number」、「都唔使估啦吓麻?不過爆咗佢疑似一腳踏兩船」等等。

戀講嘢 王嘉爾樣貌經常被指仔大十八變!
王嘉爾樣貌經常被指仔大十八變!(圖片來源:IG@jacksonwang852g7)

線索1. 過千萬Followers

Katrina指該位「巨星」的IG Followers數量是193(郭嘉駿)的50倍,睇翻193的IG有59.7萬位Followers,即該位「巨星」的IG起碼有近3千萬的Followers,而Jackson王嘉爾的IG有3,255萬位Followers,倍數為193的54.5倍,在華人明星IG Followers數中屬全球第一。

戀講嘢 193的IG有59.7萬位Followers。
193的IG有59.7萬位Followers。(圖片來源:IG@deniskwok193)
戀講嘢 王嘉爾的IG有3,255萬位Followers。
王嘉爾的IG有3,255萬位Followers。(圖片來源:IG@jacksonwang852g7)

線索2. 歌手

浩南問到Katrina該位「巨星」是拍劇還是唱歌的?Katrina就回答:「係唱歌嘅。」而Jackson王嘉爾是韓國男子組合GOT7的成員。

戀講嘢 王嘉爾於韓國出道做歌手。
王嘉爾於韓國出道做歌手。(圖片來源:IG@jacksonwang852g7)

線索3. 海外娛樂公司

在Katrina向主持人展示的「巨星」舊照中,有一張是在「巨星」所屬公司的LOGO下所攝,193指這是一間國際公司,他猜測應該是在他尚未入行,正準備簽約時期的留影。而Jackson王嘉爾是在2010年16歲時,通過韓國JYP娛樂公司在香港舉行的選拔,於翌年成為JYP旗下的練習生,到2014年1月19歲時正式出道。

戀講嘢 中學時期的王嘉爾。
中學時期的王嘉爾。(圖片來源:IG@jacksonwang852g7)

線索4. 讀國際學校

一講到曾在香港修讀國際學校的「國際巨星」,很多人都話只得Jackson王嘉爾一個,他由小四開始入讀位於九龍塘的美國國際學校,並在該校讀至十一年級(等於中五)才離校。

戀講嘢 王嘉爾曾是香港劍擊代表,與張家朗、張小倫識於微時!
王嘉爾曾是香港劍擊代表,與張家朗、張小倫識於微時!(圖片來源:IG@jacksonwang852g7)

線索5. 曾當韓國練習生

Jackson Wang王嘉爾自少熱愛表演,但同時熱愛劍擊,曾被父母反對當練習生。17歲獲得亞洲青少年劍擊錦標賽冠軍後,他終成功說服父母,於中學畢業後前往韓國當練習生。2014年1月,Jackson以韓國男子組合GOT7成員身份出道。2020年及2021年,他更分別登上中國福布斯名人榜排名第41及第10位。

香口膠之吻!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@katrinapschan、IG@jacksonwang852g7、IG@deniskwok193、《戀講嘢》截圖、《廣告女皇》截圖資料或影片來源:YouTube@ViuTV