戀講嘢｜Krystal妳祺講鹹濕老師儆醒大眾原來係人氣KOL男友曾教Alice後空翻

《戀講嘢》Krystal妳祺分享與鹹濕老師拍拖經歷

Krystal妳祺講到當年自己只得18歲，對方是補習社的英文老師，由英國留學返港，Krystal形容他：「講英文時好charm，個樣又cute cute哋，有Baby Face，白白淨淨，講嘢怕怕醜醜咁。」又指老師比她大了10歲左右，193認同這package會幾冧到女學生。

Krystal指當時補習班有十幾、二十人，當中她的年紀最細，除了補習外，老師都會關心她的私生活，令她猜想對方是否對她有意思，也開始有點喜歡上老師，跟住老師約她食過幾次飯，仲去睇過一次電影，更試過拖著她的手，令她猜測兩人已是男女朋友，但又不好意思問對方，於是回到家就whatsapp問她兩人係咩關係？但對方卻回答得不太清晰，只說：「你想拖就拖。」被193指是無賴的答法。

戀講嘢主持們指Krystal個樣睇落好易呃。 — 主持們指Krystal個樣睇落好易呃。（圖片來源：《戀講嘢》截圖）

戀講嘢 18歲時的Krystal與現在差別不大。 — 18歲時的Krystal與現在差別不大。（圖片來源：《戀講嘢》截圖）

戀講嘢 Krystal指有一日老師突然間whatsapp問她想不想要一對一私人補習，話睇到佢有進步嘅空間，Helen即問係咪免費？Krystal回答要收費。 — Krystal指有一日老師突然間whatsapp問她想不想要一對一私人補習，話睇到佢有進步嘅空間，Helen即問係咪免費？Krystal回答要收費。（圖片來源：《戀講嘢》截圖）

拍拖未夠3個月老師發脾氣要求Krystal上屋企過夜

Krystal表示兩人大概食了三次飯後，老師就問她上唔上去他的屋企？令Krystal覺得好奇怪，問他：「我哋都唔係男女朋友，我冇理由上你屋企㗎。」老師就話：「吓！唔係呀，我哋係男女朋友喎。」兩人就此定下關係。Krystal憶述兩人一齊後，老師一到星期六日就不見人影，只會一早起身send句早晨，夜晚10至11時就會話好攰要瞓覺，星期一至五就話返工好攰要有MeTime，要在家休息。

兩人拍拖未夠3個月，老師就經常叫Krystal上他家，Krystal一直話屋企人唔畀，加上兩人在一齊不久，所以她堅持拒絕對方，有一次老師更對她發脾氣，話：「吓！痴線㗎，未試過咁大個人，屋企都仲唔畀佢喺出面過夜！」Helen和193都指老師是想給她一個下馬威，希望她在威嚇下妥協，K說她當時堅持說屋企人不畀，老師就發脾氣，在街上將她拋下，由得她自己喊完後直接回家。

戀講嘢主持奇怪兩人拍拖後，老師仍要收K補習費，可說人財兩得，K就突然諗起當年老師曾問她要唔要帶埋你細妹一齊補習，可以收平啲。 — 主持奇怪兩人拍拖後，老師仍要收K補習費，可說人財兩得，K就突然諗起當年老師曾問她要唔要帶埋你細妹一齊補習，可以收平啲。（圖片來源：《戀講嘢》截圖）

戀講嘢老師為約Krystal上去他的屋企，終承認兩人是男女朋友關係。 — 老師為約Krystal上去他的屋企，終承認兩人是男女朋友關係。（圖片來源：《戀講嘢》截圖）

約Krystal屋企人食飯著西裝扮乖

之後再有一次，老師再叫Krystal去他家過夜，她還是說屋企人不准許，老師竟建議約她屋企人食個飯，主持人都驚訝老師的大膽程度，Krystal指老師最後真係有見到她的屋企人，真係出去食了一餐飯，老師更著上西裝，扮得好乖，好似好愛錫她，更以老師身份對她的屋企人說：「放心將個女交畀我啦，我會好錫佢！」

食完飯後，屋企人擔心他是鹹濕老師，勸她最好不要和他拍拖，但因為老師問了好多次，Krystal好擔心對方不再喜歡她，或者不再和她在一起，最終還是答應了他，瞞著屋企人上他屋企過夜，之後過了10點，屋企人就不停打電話給Krystal，Krystal當時她一方面擔心老師不鍾意她，一方面又擔心屋企人鬧，所以屋企人打了幾次電話她才接起，一接就話：「今晚唔返屋企，再講啦，byebye！」之後收線。

戀講嘢為要Krystal上其屋企過夜，老師不惜約埋她的屋企人一齊食飯。 — 為要Krystal上其屋企過夜，老師不惜約埋她的屋企人一齊食飯。（圖片來源：《戀講嘢》截圖）

戀講嘢 Krystal當時她一方面擔心老師不鍾意她，一方面又擔心屋企人鬧。 — Krystal當時她一方面擔心老師不鍾意她，一方面又擔心屋企人鬧。（圖片來源：《戀講嘢》截圖）

甜言蜜語奪初夜事後拒車Krystal回家

Krystal憶述當晚在老師屋企的經歷，指初頭兩人坐在梳化上一齊睇電視，跟住老師愈坐愈近，對她說：「你好靚女、你好索！」被主持人取笑老師用詞好老土。Helen認為他作為英文老師應該拋幾句英文，例如：「You are so sexy!」浩南則笑指可以講英文：「You are so Sok（索）!」又指老師應該是覺得Krystal是件美食，才會出言讚嘆，但193則認為男方在想親熱前讚一下女方很正常，Helen亦認同「你好靚＝準備搞嘢」的潛台詞。

Krystal續說老師讚完她後，就開錫她和摸她，Krystal初時拒絕他，指兩人才拍拖不久，老師就反駁她指兩人已是男女朋友，做這種事很正常，最終成功說服Krystal，讓她獻出了第一次，但完事後老師只載她到地鐵站，讓她自己返屋企，理由是很忙，之後老師態度冇變，都是一時熱情一時冷淡，兩人這段關係維持了約一年。

戀講嘢老師指兩人已是男女朋友，做這種事很正常，最終成功說服Krystal獻出了第一次。 — 老師指兩人已是男女朋友，做這種事很正常，最終成功說服Krystal獻出了第一次。（圖片來源：《戀講嘢》截圖）

戀講嘢獻出了第一次後，老師只載Krystal到地鐵站，讓她自己返屋企。 — 獻出了第一次後，老師只載Krystal到地鐵站，讓她自己返屋企。（圖片來源：《戀講嘢》截圖）

戀講嘢浩南和郭奕芯取笑老師用詞好老土，但193認為男方在想親熱前讚一下女方很正常，Helen亦認同「你好靚＝準備搞嘢」的潛台詞。 — 浩南和郭奕芯取笑老師用詞好老土，但193認為男方在想親熱前讚一下女方很正常，Helen亦認同「你好靚＝準備搞嘢」的潛台詞。（圖片來源：《戀講嘢》截圖）

驚變「小三」與「正印」夾計整蠱老師

直到有一日，Krystal發現老師本身有個拍拖4年半的女友，令Krystal慘變「小三」，她憶述當年聖誕節，看到有人whatsapp老師，質問他為何聖誕節也不陪她，令Krystal覺得好奇怪，之後她趁老師睡著時偷睇他的電話，發現他已刪除了那條訊息，但她仍憑自己的直覺，搵到那個女生的IG，並DM對方，問她是否老師的女朋友，之後Krystal和她攤牌，告訴她老師同時欺騙了兩人。Krystal指對方同老師一齊時應是16歲，浩南指老師在走法律罅，沒有犯法和16歲以下的女生一齊，但道德上是犯了錯，Krystal亦指第一次見面老師就問她幾多歲，確保她有16歲以上。

當時因為生氣，Krystal約同那個女生一起整蠱老師，等他開了酒店房後，先後放他飛機，她也笑言好小學雞，被193取笑好渣，竟然冇一齊現身去「兜巴星」他，Helen亦質疑老師被兩人放飛機後，可能會繼續約第三、第四個女生上去酒店，所以讓她選擇，她會和老師同歸於盡，但並非危及生命那種，而是在他工作的地方公開其行為，K就指她當年太年輕，想過貼大字報，但不敢去做。

戀講嘢 Krystal在不知情下慘變「小三」。 — Krystal在不知情下慘變「小三」。（圖片來源：《戀講嘢》截圖）

戀講嘢之後Krystal約同「正印」一起整蠱老師。 — 之後Krystal約同「正印」一起整蠱老師。（圖片來源：《戀講嘢》截圖）

戀講嘢 Helen假設讓她選擇，她會在他工作的地方公開其行為，和老師同歸於盡。 — Helen假設讓她選擇，她會在他工作的地方公開其行為，和老師同歸於盡。（圖片來源：《戀講嘢》截圖）

發現老師凌晨撩女學生下定決心分手

Krystal更講到後期自己好崩潰，原因是曾在凌晨12點幾發現老師whatsapp一個女學生，話：「突然間好掛住你，可唔可以出嚟見我？」女學生回覆不方便，Krystal就用老師的電話打給那名女學生，講出自己女朋友的身份，之後又叫醒老師質問他，老師卻回答那個女學生只是想攞著數，讓他在考試時畀答案她，這件事讓她下定決心和老師分手。

Krystal指分手後有朋友在一個專頁見到有人爆料，指有一個英文老師成日都Flirt啲女學生，193叫她形容一下老師的樣貌，K指係皮膚好白，好矮，因為有一次她發現他的鞋子入面有增高鞋墊，眼好細，只有一條線，鼻正常，嘴亦好細，有戴眼鏡，髮型同193差不多，郭奕芯笑指感覺好終極毒男Feel，一點也不吸引人，K則反駁老師有打開羽毛球，有加分。

戀講嘢發現老師引誘女學生私下見面，令Krystal下定決心分手。 — 發現老師引誘女學生私下見面，令Krystal下定決心分手。（圖片來源：《戀講嘢》截圖）

戀講嘢事過八年，Krystal講起老師仍然嬲到震。 — 事過八年，Krystal講起老師仍然嬲到震。（圖片來源：《戀講嘢》截圖）

戀講嘢 193被指同「鹹濕老師」相似度有98%。 — 193被指同「鹹濕老師」相似度有98%。（圖片來源：《戀講嘢》截圖）

戀講嘢除了打羽毛球外，Krystal也覺得老師講英文時好charm。 — 除了打羽毛球外，Krystal也覺得老師講英文時好charm。（圖片來源：《戀講嘢》截圖）

戀講嘢最後「戀擺嘢」Krystal放下了一支她親手調製的香水，她指這支香水原本是為老師製作，但他只放在床頭冇用過，所以她就拿回來自己一直keep住。 — 最後「戀擺嘢」Krystal放下了一支她親手調製的香水，她指這支香水原本是為老師製作，但他只放在床頭冇用過，所以她就拿回來自己一直keep住。（圖片來源：《戀講嘢》截圖）

Krystal妳祺起底原來上過微辣扮JISOO露腰跳舞搶鏡

網民極速搵出Krystal的IG，原來今年4月，她曾出現在雞Wing跳舞的影片中，露出小蠻腰大跳韓國人氣女團BLACKPINK成員JISOO金智秀《FLOWER》的「開花舞」，當時只是短短20秒的跳舞片立即引起不少粉絲關注，紛紛留言問片中妸𡤢多姿的女生姓甚名誰！

戀講嘢妳祺經常展露健康性感。 — Krystal經常展露健康性感。（圖片來源：IG@krystal_petrichor）

Krystal妳祺正職是瑜伽導師

Krystal（妳祺）正職其實是一位瑜伽導師，不時就會在個人IG上分享瑜伽、頌缽等資訊，同時亦兼任KOL接廣告宣傳工作，早前還頻頻為微辣拍片，除了上述的「與雞Wing共舞」之外，又曾與HUGO拍攝過《中學愛情世一》以及《如何令女生比心？》等短片。主力發展IG平台的妳祺現時擁有8萬Followers，日常會平享多個瑜伽甚至空中瑜伽的高難度動作，姿態優雅。

戀講嘢 Krystal正職是一位瑜伽導師。 — Krystal正職是一位瑜伽導師。（圖片來源：IG@krystal_petrichor）

Krystal妳祺曾任TVB舞蹈身高153cm矮王祖藍半個頭

Krystal在成為瑜伽導師之前，原來在大約7年前曾經是TVB的舞蹈員，參加過的大型節目有《星光熠熠耀保良》等，亦曾為《福祿壽十周年演唱會》擔任Dancer。而由於妳祺身高只得153cm，看起來令人覺得嬌小玲瓏，當年她與王祖藍合照，她比身高162cm（官方數字）的王祖藍還要矮半個頭，走可愛風格。

戀講嘢比王祖藍矮足半個頭，嬌滴滴非常可愛！ — 比王祖藍矮足半個頭，嬌滴滴非常可愛！（圖片來源：IG@krystal_petrichor）

戀講嘢妳祺上年曾經為由SOUL JASE 做的《First Love》廣東話改編歌曲MV拍攝。 — 上年曾經為由SOUL JASE 做的《First Love》廣東話改編歌曲MV拍攝。（圖片來源：IG@krystal_petrichor）

戀講嘢妳祺曾經喺TVB做舞蹈員。 — 曾經喺TVB做舞蹈員。（圖片來源：IG@krystal_petrichor）

Krystal妳祺力壓Jeffrey魏浚笙做人氣KOL

另一方面，Krystal妳祺亦喜歡扮鬼臉以怪表情影相，其率真風趣的性格深受網民歡迎。在2022年7月，妳祺的社交平台表現更曾經力壓當有《I SWIM》加持的魏浚笙（Jeffrey）成為媒體分析公司Cloudbreakr統計報告的人氣KOL第三名，相當厲害！

戀講嘢 Krystal最多人睇的一段IG片，有多達104萬Views數。 — Krystal最多人睇的一段IG片，有多達104萬Views數。（圖片來源：IG@krystal_petrichor）

Krystal妳祺男友是極限特技運動員曾教Alice玩後空翻

此外Krystal的男友Dream（蔡子謙）是一名香港Tricker（極限特技運動員），同時也是一名Tricking教練，2019年曾與拍檔奪得台灣「TTGTricking國際大賽」中「2v2團體賽」的亞軍，隨後他便成為香港少有的Tricking代表，獲邀到美、日、韓等地參賽和交流，甚至成為評審之一。今年8月，Dream曾在《MM730 – 男女自然觀察學會》中，教Marco振弘和Alice許寶恆玩後空翻，不過當時Dream就被指「出錯手」，扯住Alice的運動褲，差點令Alice露底走光。