戀講嘢

戀講嘢|19歲Summer少女奇葩二揀一 網友睇到發火:呢集真係MK過MK

最新娛聞

廣告

最新一集《戀講嘢》主題係「奇葩男友二選一」,嘉賓是19歲學生妹Summer,她在節目上大談她和22歲A君及16歲B君之間的三角戀情,希望3位主持193(郭嘉駿)、浩南(鄭伊琪)和Helen(譚凱倫)可以幫她在兩人中揀一個繼續發展。

戀講嘢 現年19歲的Summer仍是一位學生。
現年19歲的Summer仍是一位學生。(圖片來源:ViuTV《戀講嘢》截圖)

《戀講嘢》Summer 與A君、B君糾纏五年

Summer在節目中講到她先後同A君和B君拍拖,A君與她相隔數年再復合,是她的現任男友,兩人由Summer大約14歲開始,已斷斷續續在一起四、五年,但並非她的初戀男友。而B君則是她弟弟的朋友,在兩年前她和A君分手期間,她與B君拍拖了約半年至1年時間,雖然兩人現在已分手,但她仍十分掛念他。

戀講嘢 浩南大讚Summer貌似韓系美女,感覺個性亦好開朗。
浩南大讚Summer貌似韓系美女,感覺個性亦好開朗。(圖片來源:ViuTV《戀講嘢》截圖)

Summer曾為A君𠝹手結果被取笑

Summer指A君曾為借錢給朋友,而影響到兩人的拍拖生活,例如無錢和她去睇戲,卻有錢借給朋友,金額由幾千至一萬,但對方一直冇還過,兩人一直為此嘈交,直至有一次Summer發現他在WeChat上和另一個女仔聊天,但每次一講到這件事,A君便發脾氣,她甚至試過在他面試「喊到仆街」,A君也無動於衷,走去搵朋友玩,之後Summer傳了自己的「𠝹手」相給他,結果被他拿給朋友看,一起取笑她。

戀講嘢 Summer指A君一直知道B君的存在,因為Summer他們更成為了朋友。
Summer指A君一直知道B君的存在,因為Summer他們更成為了朋友。(圖片來源:ViuTV《戀講嘢》截圖)
戀講嘢 Summer曾經因為同A君嗌交,怒而𠝹手,結果卻被他和他的朋友取笑。
Summer曾經因為同A君嗌交,怒而𠝹手,結果卻被他和他的朋友取笑。(圖片來源:ViuTV《戀講嘢》截圖)

B君曾為她被打至爆缸

正在Summer為A君傷心之時,認識了約一年的B君在身邊安慰她,當時她對他說:「如果你真係畀人打,我就同你一齊。」結果有一次B君為了保護她,被打至個頭「爆缸」,兩人終於開始拍拖。但Summer指和B君做朋友時非常好,但一做了他女朋友,就經常會找不到人。她最記得有一次,在街上看見人打架,結果B君立即丟下她走人,當時Summer只得17歲,而B君更只得14歲。

戀講嘢 Summer自爆17歲時已和B君朋友一起去飲酒。
Summer自爆17歲時已和B君朋友一起去飲酒。(圖片來源:ViuTV《戀講嘢》截圖)
戀講嘢 B君曾對他的朋友說:「Summer我玩夠啦,畀你哋啦!」令Summer傷透心。
B君曾對他的朋友說:「Summer我玩夠啦,畀你哋啦!」令Summer傷透心。(圖片來源:ViuTV《戀講嘢》截圖)

Summer為A君還10萬賭債

之後Summer愈爆愈多,講到三人之間不只感情關係複雜,原來仲有不少錢銀瓜葛,B君試過偷了她上千元去請朋友食飯,A君則曾經在網上賭錢輸了多達10萬元,要Summer問朋友借錢幫他還債。不過講到兩人的優缺點,Summer就話A君曾經在她和B君拍拖期間,給她錢去買朱古力請B君食,但A君太重視朋友,而忽略了她,而B君的朋友則和她玩得較開心,也令她較自在。

戀講嘢 Summer話為A君還10萬賭債,令她自覺對A君的感情其實好深厚。
Summer話為A君還10萬賭債,令她自覺對A君的感情其實好深厚。(圖片來源:ViuTV《戀講嘢》截圖)

Summer、B君都有賭

3位主持都十分驚訝A君曾經賭輸錢要Summer幫他還債,但在3人追問下,Summer承認B君都有賭錢,這時Helen問出:「咪住先,最後尾問一條問題,你賭唔賭㗎?」Summer即被問到口啞啞,默認她都有賭埋一份,令Helen怒掟咕𠱸!

戀講嘢 被Helen問到她賭唔賭錢,Summer即口啞啞。
被Helen問到她賭唔賭錢,Summer即口啞啞。(圖片來源:ViuTV《戀講嘢》截圖)
戀講嘢 得知Summer自己也有賭錢,Helen嬲到掟咕𠱸。
得知Summer自己也有賭錢,Helen嬲到掟咕𠱸。(圖片來源:ViuTV《戀講嘢》截圖)

193用「屎味朱古力」同「朱古力味嘅屎」做總結

193最後總結:「即係依家佢要喺食一嚿屎同一嚿半屎之間,要你幫佢揀一個。」Helen補充指:「係屎味朱古力同朱古力味嘅屎。」結果3位主持集體揀B君,浩南解釋:「我覺得嗰個B都未壞透,同埋佢未借錢呀嘛,下一轉如果佢問佢借,咁佢就醒水,知道呢個係衰人嚟,咁咪走囉,同埋佢再壞啲嘅時候,佢好傷心就會走,咁好過A,唔知做咩事,都唔會有將來。」

戀講嘢 3位主持最後不約而同集體揀B君,相信最主要都係因為A君那10萬賭債。
3位主持最後不約而同集體揀B君,相信最主要都係因為A君那10萬賭債。(圖片來源:ViuTV《戀講嘢》截圖)
戀講嘢 Helen話自己內心仲係18歲,但都唔明白依家啲後生仔女諗緊咩。
Helen話自己內心仲係18歲,但都唔明白依家啲後生仔女諗緊咩。(圖片來源:ViuTV《戀講嘢》截圖)

B君眾望所歸

而193就話:「咁A都已經廿零歲,B起碼仲細細個,希望佢過多幾年會覺醒。」Helen則表示:「撇除借錢、朱古力啲嘢,愛情入面純粹殘酷二揀一,你一定會揀最尾嗰個,因為你鍾意第一個嘅話,你一定唔會鍾意第二個,純粹咁簡單!」

戀講嘢 最後Summer在A君送的手鏈和B君送的幸運星中,選擇放下手鏈。
最後Summer在A君送的手鏈和B君送的幸運星中,選擇放下手鏈。(圖片來源:ViuTV《戀講嘢》截圖)

網民鬧爆:係咪已經請唔到嘉賓?

今次難得有素人而非KOL或藝人做嘉賓,不過網民都睇完都O晒嘴,狠批:「係咪已經請唔到嘉賓?如果唔係,唔該製作組篩選一下,今集真係睇到發火」、「可唔可以過濾下啲嘉賓先請上嚟呀,九唔搭八」、「今集我究竟睇咗啲乜嘢?」、「呢集真係MK過MK」、「今集好廢,純粹MK分享愛情故事」、「mk妹事件簿」等等。

戀講嘢 網民睇完Summer呢集都O晒嘴。
網民睇完Summer呢集都O晒嘴。(圖片來源:ViuTV《戀講嘢》截圖)

成件事好青春、係新香蕉俱樂部

有網民就指今集係《戀講嘢》開播以來最青春一集:「成件事好青春」、「大氣電波版YES!」、「諗起Yes後尾幾頁」、「今集新香蕉俱樂部咁」等等,有網民更諗起方力申首《ABC君》的歌詞:「A君的家底好、B君出名獨到」!

戀講嘢 有網民就笑指今集係《戀講嘢》開播以來最青春一集。
有網民就笑指今集係《戀講嘢》開播以來最青春一集。(圖片來源:ViuTV《戀講嘢》截圖)

浩南大讚:咁多集以來最搞笑

亦有網民戥3位主持辛苦:「三位主持不停幫(語無倫次嘅)女嘉賓翻譯」、「今集難為三位主持」、「3位主持好盡力揀」、「今集三位主持都一頭霧水懷疑人生」等,不過浩南就在社交網大讚:「我記得呢今集應該好笑,係我拍咁多集以來最搞笑。」

戀講嘢 網民都戥3位主持人辛苦。
網民都戥3位主持人辛苦。(圖片來源:ViuTV《戀講嘢》截圖)

指Summer仲係好細個

原來浩南都有Mon連登,仲將其中一位連登仔的「青春」留言「貼堂」,同時她又為今集的嘉賓Summer護航說:「Summer喺我眼中仲係好細個,未有好多經歷,我諗佢隨著年紀漸長,會選擇一個最適合自己的決定。」

戀講嘢 浩南將其中一位連登仔的「青春」發言「貼堂」。
浩南將其中一位連登仔的「青春」發言「貼堂」。(圖片來源:[email protected]

建議係兩個都唔好揀

浩南續說:「我哋雖然好似好炆憎,呢D經歷,我諗好多人細個/睇人經歷過,雖然節目出街,大家可能覺得我哋好似好輕鬆…嗰日我哋係傾咗好耐,我個人建議係兩個都唔好揀,但係我哋要為嘉賓解決問題,所以要Pick up一個,唔講咁多,最緊要Summer開心。」

戀講嘢 網民都建議Summer兩個都唔好揀,重新搵過第三個!
網民都建議Summer兩個都唔好揀,重新搵過第三個!(圖片來源:ViuTV《戀講嘢》截圖)

即睇《戀講野》殘酷二選一!屎味咖喱VS咖喱味屎?

主持一度崩潰!

常見問題

將來還有什麼演唱會值得留意?

有不少歌手宣布舉辦演唱會,例如:韋禮安張學友李克勤林宥嘉方皓玟西九音樂節五月天Twins鄭秀文鄭欣宜許冠傑;喜歡K-pop的你亦有福了,ApinkNCT DREAM亦在香港開演唱會!小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

2023年好戲多籮籮,小編為你整合2023電影推薦及3-6月香港電影上映表,無論是港產片、Marvel、卡通片都應有盡有,更附上必睇劇情和彩蛋介紹!除此之外,更可以參觀博物館,例如太空館科學館香港藝術館M+香港文化博物館等,更為你整合行山路線野餐地點、絕對是假日消遣的必然之選!

撰文:東方新地圖片來源:ViuTV《戀講嘢》截圖、[email protected]

讀者留言