戀講嘢

戀講嘢︱飯局妹大談瘋狂追數史 自爆「胸襲收費」 全晚畀人輪住鬧

最新娛聞

廣告

《晚吹-戀講嘢》每一集都邀請到不同的嘉賓分享獨特的戀愛故事。今次就有「飯局妹」Charlene上節目大談做「飯局妹」點滴,不過一出場唔夠5分鐘就畀193鬧,仲全晚畀浩南、Helen爆Seed狂鬧,非常有睇頭啊!

「飯局妹」Charlene出場5分鐘就畀193鬧

《晚吹-戀講嘢》最新一集邀請到Charlene分享做「飯局妹」追波數的經歷。主持193和其他主持都表示對「飯局妹」一詞感到陌生,Charlene就解釋「飯局妹」為台灣用語,其實就是陪客人吃飯的工作。Charlene指自己每次收4000元港幣,自己之所以會加入「飯局妹」行業是因為當時事業愛情兩失意,所以就決定「唔拍拖,拍拖又浪費時間又傷心,不如都係直接講錢,冇拖冇欠咁。」193聽罷即刻開口鬧:

佢呢種係好癡線嘅愛情觀,都唔係愛情,因為一個感情搞到你走咗呢條路,雖然你係賺錢多過個男仔。

戀講嘢 嘉賓Charlene指每次食飯都收4千蚊,不過浩南就在旁邊話「我唔會畀4千囉...」
嘉賓Charlene指每次食飯都收4千蚊,不過浩南就在旁邊話「我唔會畀4千囉…」(圖片來源:ViuTV《戀講嘢》截圖)
戀講嘢 193一開場未到5分鐘已經開始鬧。
193一開場未到5分鐘已經開始鬧。(圖片來源:ViuTV《戀講嘢》截圖)

Charlene自爆「胸襲收費」高達10萬

Charlene繼續談到自己「追波數」的經驗,她指起初當男方為好客人兼朋友。她指對方是一名40歲的小老闆,因為覺得對方有學識、談吐斯文,所以秒速沉船。原本只是陪食飯的Charlene,到第二次約會就已經在的士激吻,之後更被男方帶到後樓梯胸襲,但因為對對方有好感,所以冇收對方費用。Charlene指每次被胸襲都會收費大概十萬港幣,聽到四位主持都大呼「你嗰胸好貴啊」、「十幾萬可以摸幾耐?」等。

戀講嘢 Charlene指自己早已置業。
Charlene指自己早已置業。(圖片來源:ViuTV《戀講嘢》截圖)
戀講嘢 情到濃時被男方邀請上房,雖然最後只係被帶到後樓梯,但都被男方「胸襲」。
情到濃時被男方邀請上房,雖然最後只係被帶到後樓梯,但都被男方「胸襲」。(圖片來源:ViuTV《戀講嘢》截圖)
戀講嘢 Charlene指每次「胸襲費用」高達10萬 。
Charlene指每次「胸襲收費」高達10萬 。(圖片來源:ViuTV《戀講嘢》截圖)

浩南、Helen起勢鬧 鬧到「飯局妹」黑面

四位主持一聽到「胸襲費用」高達10萬 ,都忍唔住繼續鬧,其中浩南就最為激動:「你講出嚟都唔make sense啦,人人嘅價都唔同嘅。好似出面啲援交,都係幾萬就做埋嗰件事,但你話你呢個似係有啲劏水魚喎。」Helen亦表示:「我覺得最尷尬嘅位係,你冇事先講定啊,如果我係嗰個男仔,我都會覺得你呃我。」聽到浩南同Helen輪流鬧,Charlene都即刻黑面,193就隨即幫忙講好說話圓場:「咁去本身賣藝不賣身,但係你要我賣埋身,挑戰我底線,咁我未有定一個令人拒絕嘅價錢啦。」

戀講嘢 Charlene畀浩南同Helen鬧到黑面。
Charlene畀浩南同Helen鬧到黑面。(圖片來源:ViuTV《戀講嘢》截圖)
戀講嘢 浩南不停提出論點指Charlene前言不對後語。
浩南不停提出論點指Charlene前言不對後語。(圖片來源:ViuTV《戀講嘢》截圖)

要求有婦之夫陪過元旦正日 浩南繼續爆Seed「你分莊閒啦」

畀Helen同浩南鬧完之後,Charlene就解釋因為大家在事前都沒有談及到「胸襲」等問題,所以才沒有事先講明費用。Charlene續指二人接著都有繼續見面,不過當男方再「胸襲」之後,雖然講明會係元旦正日見面,結果男方就突然潛水:「其實我都唔係要求佢日日陪我,我只係要佢特別日子陪下我啫。」聽到呢到浩南就唔忍,爆Seed狂鬧:「你一開始講錢,之後又要埋人哋正日,喂大佬,你要識分莊閒啦,我係你嗰客,正日梗係要陪老婆啦。」

戀講嘢 浩南瘋狂爆Seed鬧!
浩南瘋狂爆Seed鬧!(圖片來源:ViuTV《戀講嘢》截圖)

覺得被「嚼完鬆」要求男方賠償「分手費」

最後因為男方沒有赴約,令Charlene覺得被男方「嚼完鬆」,所以要求男方賠償:「其實我嘅原意係希望人同錢都要。以大家相處嘅時間嚟衡量,我同佢都識咗大半年,我覺得十幾萬啦,除開都係一個月一兩萬姐。」最後因為男方每次都「擠牙膏式」付款,所以最後Charlene搵上門,透過同事與男方溝通,要求男方畀錢,被在場所有主持都指她為「癡線女人」。

戀講嘢
(圖片來源:IG@charlene_tsang2024)
戀講嘢 聽到三位美女主持都一頭霧水...
聽到三位美女主持都一頭霧水…(圖片來源:ViuTV《戀講嘢》截圖)

「飯局妹」IG晒Payme Code叫人畀錢!

節目一播出後,即刻惹來網民熱議。不少網民都怒斥Charlene「好癲」:「十零萬摸胸?」、「佢似上黎玩棟篤笑」、「吹到咁大自己尷唔尷尬啊..嗰幾條女係咁串佢」、「哪來的自信」等。有網民亦搵到Charlene的IG賬號,指其IG賬號的照片都P圖到同真人完全兩個樣。另一方面,Charlene仲喺IG上傳Payme Code叫人畀錢:

「任何陌生異性,想和我聊天的, 不要say hi,先直接發個hkd 1000紅包打招呼, 然後再說話。詐騙訊息太多,我block都block到手軟。」

戀講嘢 網民都指Charlene同IG嘅佢完全係兩個人。
網民都指Charlene同IG嘅佢完全係兩個人。(圖片來源:IG@charlene_tsang2024)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:ViuTV《戀講嘢》截圖、IG@charlene_tsang2024