成軍一年 韓風男團 ReVe 搵王雙駿做監製

最近網上爆出一隊走韓風嘅本地男子組合 ReVe ,成員有陳子華(Cavan)同劉瑞祈(Kay),二人精緻的香港人樣貌,但配上韓仔打扮,令佢哋終於得到網民的注意。殊不知原來二人近日更獲著名音樂人王雙駿(Carl)及陳詠謙為佢哋打造浪漫情歌〈After Party〉,而身兼作曲人、監製及MV導演嘅王雙駿話,MV中現場有一個由紙皮製成的「城市」,配合着moody的燈光,營造出與心儀對象去到另一星空的意境。都係嗰句,藝術嘅嘢你識條鐵咩!

圖片來源:〈After Party〉MV截圖、〈派錯派對〉MV截圖

ReVe 搵王雙駿做監製

〈After Party〉講述當大家與另一半非常投入戀情,就會沉醉在屬於自己的二人世界之中,所以ReVe喺MV中經常UN UN 下,左擺右擺,以求為進入沉醉狀態,到MV後段更進入沉睡狀態,直接趴喺地下,瞓住感受紙皮城市,配合着moody的燈光,營造出與心儀對象去到另一星空的意境。感受唔到個意境唔緊要,最緊要係識得呢隊男團啫!

延伸閱讀:

擔正《男臣》做太監 何廣沛:我本身就似公公

環遊世界 蜜月造人 黃翠如 蕭正楠8月結婚

 

 

除咗醉漢歌〈After Party〉外, ReVe 仲有兩首歌出咗街,分別係〈What?〉同〈派錯派對〉,兩首歌除咗有活潑的機械舞同霹靂舞外,中間段英文freestyle睇得出佢地rapping功力不下於吳亦凡,仲教埋觀眾英文詞彙文法,大顯身手之餘不忘於教育下代,二人所思實在遠大。

 

 

 

據維基百科顯示, ReVe 於2016年成立,是「Revelation 啟示」的意思,在法文中代表「Dream 夢」。而且 ReVe 熱愛演兿,在過去一年多接受一連串唱歌、跳舞及演技等訓練,希望加入香港演藝圈,為當今的環境帶來陽光和活力。淨係睇 ReVe 的創立宗旨,足以見到佢哋「雄壯嘅理想」,真係少啲毅力都唔掂,希望大家多多支持啦!

 

 

 

 

即刻欣賞MV: