我哋係COLLAR

我哋係COLLAR|芯駖私藏大青瓜入Camp 仙氣Candy突然發火爆喊

最新娛聞

廣告

ViuTV綜藝節目《我哋係COLLAR》帶大家認識新出道女團COLLAR,之前集數見識過每位成員獨立的性格,昨晚(6月6日)播出一集終於齊人,8位成員加埋旁白君一齊去三日兩夜staycation,估唔到出發前check行李已經有笑料,玩遊戲時仙氣女神Candy(王家晴)更玩到喊發脾氣。

《我哋係COLLAR》芯駖帶青瓜Gao帶大肉腸

COLLAR成員8個女生因參加《全民造星4》而認識,部份成員只係開工先見面,感情不算特別深厚,但組成女團講求團隊精神,所以ViuTV特意安排她們進行三日兩夜staycation,務求令她們加深了解。第6集眾人出發去staycation,節目組事前要經理人代COLLAR簽署「不反對通知書」,然後沒收眾人零食,8位女生頓時大嗌「唔好」,又稱零食是精神食糧。你以為佢哋淨係帶薯片就錯喇!36歲成員芯駖喼中竟藏幾條大青瓜,而29歲Gao(沈貞巧)喼中藏大肉腸,成員仲幫手兜說:「(青瓜)用嚟敷面㗎!」點知芯駖直言不諱:「係用嚟食㗎!」而Gao被發現私藏大肉腸,即時篤爆:「係芯駖買㗎!」簡單一幕就見到COLLAR成員感情有幾好!

我哋係COLLAR 36歲成員芯駖被發現私藏大青瓜入喼。
36歲成員芯駖被發現私藏大青瓜入喼。(圖片來源:《我哋係COLLAR》節目截圖)
我哋係COLLAR 旁白君見到咁大條青瓜都嚇親。
旁白君見到咁大條青瓜都嚇親。(圖片來源:《我哋係COLLAR》節目截圖)
我哋係COLLAR Gao被發現私藏大肉腸,事敗後即刻篤爆芯駖。
Gao被發現私藏大肉腸,事敗後即刻篤爆芯駖。(圖片來源:《我哋係COLLAR》節目截圖)
我哋係COLLAR 條大肉腸仲長過旁白君塊面。
條大肉腸仲長過旁白君塊面。(圖片來源:《我哋係COLLAR》節目截圖)

睇埋其它隊員帶咗啲咩:

我哋係COLLAR 雖然節目組殘忍地沒收晒啲零食,不過都餵飽佢哋嘅一日三餐。
雖然節目組殘忍地沒收晒啲零食,不過都餵飽佢哋嘅一日三餐。(圖片來源:《我哋係COLLAR》截圖)
我哋係COLLAR 不過最後一餐就慘啲喇,輸咗嘅藍組要食白麵包,而紅組就有豐盛嘅日本料理,望住人哋食,更覺悲傷。
不過最後一餐就慘啲喇,輸咗嘅藍組要食白麵包,而紅組就有豐盛嘅日本料理,望住人哋食,更覺悲傷。(圖片來源:《我哋係COLLAR》截圖))

網民笑兩位姐姐曳曳:終於明點解11點先播

36歲的芯駖與29歲的Gao是COLLAR團中最年長的兩位,在節目中帶青瓜和大肉腸被網民大讚識玩,紛紛留言:「又青瓜又大肉腸,終於明點解11點播」、「曳曳喇帶青瓜」、「條青瓜真係百詞莫辯」。大家對芯駖同Gao帶零食都表示諒解,仲叫旁白君介紹返「男朋友」俾兩位,網民認為零食唔只用嚟用嚟醫肚。

我哋係COLLAR 網民被芯駖同Gao帶青瓜及大肉腸笑死。
網民被芯駖同Gao帶青瓜及大肉腸笑死。(圖片來源:網民截圖)

《我哋係COLLAR》Candy好勝輸game動真火鏡頭前爆喊

COLLAR成員被安排去staycation鞏固感情,點知一見面玩game就出事,仙氣擔當Candy輸game玩到喊,嚇親其他成員。事源COLLAR抵達後,需要進行遊戲決定房間,有間房亂到雜物房一樣,仲要得一張硬板單人床,為著有覺好瞓,各人都出盡力比賽。Candy帶領隊員於首兩局遊戲勝出,點知到第三局拔河時,不敵有Ivy So、Day、Winka、Gao「下盤夠穩」的一隊,輸返轉頭。Candy見狀頓時嬲到喊:「我咁努力做乜Q啫!直接玩第三鋪就得啦!」直斥賽制不公平,嚇到其他成員上前攬攬,工作人員都放低攝影機了解事件。Candy解釋自己是運動員出身,很重視比賽的公平,所以一下子未能接受賽果而爆喊,連隨Winka與Ivy So都喊埋一份。不過,情緒平伏過後,Candy好識做對鏡頭打圓場,表示自己只是做節目效果,仲對鏡頭單眼冧返fans。

我哋係COLLAR Candy輸game即喊,話遊戲唔公平。
Candy輸game即喊,話遊戲唔公平。(圖片來源:《我哋係COLLAR》節目截圖)
我哋係COLLAR 其他人跟住一齊喊!
其他人跟住一齊喊!(圖片來源:《我哋係COLLAR》節目截圖)

《我哋係COLLAR》Candy真係有一顆運動員嘅心㗎:

[email protected] 仙氣大戰

COLLAR成員20歲Ivy So和19歲Candy年紀相若,在節目中「仙氣一戰」,深得粉絲喜愛,更封她們為「Canvy CP」。她們早在未出道前已一齊拍過可口可樂廣告,早前二人合體拍攝護膚品廣告出街,獲網民大讚「青春真係無敵」、「幾有初戀嘅感覺」、「拍得好靚」等等,更有網民覺得佢哋兩個自組女團都仲得。

我哋係COLLAR COLLAR Candy左)和Ivy經常在IG上親密互動,被粉絲封為「Canvy CP」。
Candy(左)和Ivy經常在IG上親密互動,被粉絲封為「Canvy CP」。(圖片來源:[email protected]
我哋係COLLAR COLLAR 有粉絲大讚Ivy笑起上來有點似新垣結衣,亦有粉絲指她似長澤正美。
有粉絲大讚Ivy笑起上來有點似新垣結衣,亦有粉絲指她似長澤正美。(圖片來源:[email protected]

相關文章:Ivy、[email protected]合體拍廣告 網友建議直接組團

我哋係COLLAR COLLAR 雖然Candy經常被網友批評面形太方,但眾多粉絲都大讚她和Ivy一樣好有仙氣。
雖然Candy經常被網友批評面形太方,但眾多粉絲都大讚她和Ivy一樣好有仙氣。(圖片來源:[email protected]

常見問題

芯駖如何解釋帶大青瓜入營?

節目組在出發前就沒收眾人零食,芯駖被搜到行李箱內藏有幾條大青瓜,本來成員都幫忙兜,點知芯駖直言不諱⋯⋯詳情請看

Candy為何於節目中爆喊?

節目組安排了三局遊戲,Candy本來首兩局領先勝出,但第三局輸了後Candy覺得不公平⋯⋯詳情請看

撰文:東方新地圖片來源:《我哋係COLLAR》節目截圖、網頁截圖資料或影片來源:[email protected]

讀者留言