戥穿石

戥穿石唔只唐詩詠!另一女星同樣咁索

日前林子善大婚,兄弟團星光熠熠,不過鄭嘉穎、馬國明等猛男成員都唔及佢搶鏡,講緊「戥穿石」唐詩詠呀!詩詠平時著裙仔就見得多,估唔到佢一身西裝相當帥氣,別有一番魅力!不過原來最近有另一位女星又係反串做兄弟,同樣都係咁正!唔知大家喜歡邊個多啲呢?

撰文:東方新地|圖片:東方新地、Instagram

唐詩詠做兄弟勁搶鏡

林子善日前與太太董佩欣舉行婚宴,擺足63圍,出席賓客星光熠熠,連兄弟團亦非常有份量!有鄭嘉穎、馬國明及袁偉豪等型男,但通通都唔及反串兄弟的唐詩詠搶鏡!

第一次反串兄弟的詩詠呢日身穿灰格三件頭西裝,襯一雙白色短靴,為靚女詩詠添上一份帥氣,難怪網民見到後紛紛留言,好想要個咁索的「兄弟」!

另一靚女「戥穿石」

女仔做「戥穿石」唔係咩新鮮事,不過女星做就特別有睇頭!原來唔只詩詠,最後有位女星都參加朋友婚事,反串做兄弟,大家認唔認得佢?

咪就係Super Girls成員李靜儀(Heidi) 囉!Heidi呢日身穿著全身黑西裝打黑色呔,勁有中性美!網民留言幾乎一面倒讚好,個個都想自己結婚有個好似Heidi咁正的兄弟~