戴夢夢

戴夢夢5卡巨鑽襯中空裝出嫁 爆前度Ricky一個原因請都唔到

最新娛聞

戴夢夢由藝人轉做經理人,最令人深刻是同年長19歲的太極鼓手Ricky拍拖,期間多次分分合合﹗上月戴夢夢突然宣布婚訊,新郎哥不是Ricky,而是圈外人Kyle﹗8日戴夢夢正式出嫁,婚照中未有正面容貌的神秘老公終於現身,戴夢夢爆老公由早上斟茶開始一直大叫緊張﹗更因怕醜未有接受訪問,戴夢夢單人匹馬應付傳媒,大方談前度Ricky﹗

文:東方新地|圖:無綫《娛樂新聞台》直播截圖

戴夢夢君悅酒店出嫁

36歲戴夢夢上月突然大晒婚照公布11月簽紙結婚,夢夢只透露另一半Kyle是從事金融業,連如何認識都未肯透露,她解釋是為了保護另一半喎﹗兩輯婚照中都未有Kyle正面容貌,側面被指激似「廢青安」周嘉洛﹗戴夢夢於8日在君悅酒店擺酒出嫁,老公終於見樣,原來幾靚仔,只是面對閃光燈時比較怕醜,不過仍應在場記者要求咀完又咀,任影個夠﹗

戴夢夢身穿傳統裙褂出嫁,戴上分量十足金器,嫁得風光。
戴夢夢身穿傳統裙褂出嫁,戴上分量十足金器,嫁得風光。(圖片來源:[email protected]_mon)
戴夢夢同Kyle甜蜜對望﹗
戴夢夢同Kyle甜蜜對望﹗(圖片來源:[email protected]_mon)
戴夢夢 巨鑽出嫁
戴夢夢上月宣布結婚,本月8在君悅酒店簽約結婚及擺酒﹗傍晚時分,新娘子穿上婚紗和Kyle見記者,Kyle勁怕醜,被提醒行埋夢夢身邊,場面搞笑﹗(圖片來源:無綫《娛樂新聞台》直播截圖)

新娘子戴夢夢獨自做訪問

戴夢夢獨自接受傳媒訪問,她首先跟朋友道歉,因為疫情關係不能宴請所有朋友,所以承諾會陸續相約食飯補數,希望大家見諒﹗戴夢夢指早上依傳統著裙褂向長輩斟茶,晚上八時在婚宴上註冊簽紙﹗她爆料指Kyle由早上斟茶時已經嗌好緊張,見到大批傳媒時更加感到好驚訝,超級緊張又怕醜﹗

戴夢夢 巨鑽出嫁
影合照時,新郎哥緊張得笑容僵硬,戴夢夢體貼提醒他要照顧不同位置的傳媒朋友﹗(圖片來源:無綫《娛樂新聞台》直播截圖)
戴夢夢 巨鑽出嫁
一對新人一直十指緊扣,十分恩愛﹗(圖片來源:無綫《娛樂新聞台》直播截圖)

戴夢夢講求婚過程

戴夢夢透露老公大自己三年,二人拍拖半年便求婚,戴夢夢對老公有讚冇彈:「可以話係right timing遇見right person,佢係一個好顧家好細心好照顧我嘅男人﹗(有冇發表愛的宣言?)我哋兩個都比較簡單,唔鍾意浮誇嘢﹗求婚都係喺屋企,嗰日我冇胃口話想食粥,佢話唔得一定要食牛扒,正當我洗完碗出去,佢拎住紮花求婚,好簡單嘅求婚過程,我好怕喺出面被人望住,不過咁簡單我都喊﹗唔敢諗晚上擺酒時點﹗」她否認雙喜臨門而閃婚,笑言佢都想,因為同老公都喜歡小朋友,又笑言最好生一對龍鳳胎可以一次過搞掂﹗

戴夢夢 巨鑽出嫁
應記者要求咀完又咀﹗夢夢透露Kyle上周整傷右手,穿衣也要她幫忙,佢話:「依中國傳統上咗頭唔可以見,但我話規矩係人定,所以我幫佢著埋中式褂先唔再見﹗」 (圖片來源:無綫《娛樂新聞台》直播截圖)
戴夢夢正式做孫太啦﹗
戴夢夢正式做孫太啦﹗(圖片來源:[email protected]_mon)
戴夢夢
(圖片來源:[email protected]_mon)

Ricky人唔到禮到

戴夢夢大方提及舊愛Ricky,指有通知對方自己結婚,亦考慮請他去飲,戴夢夢話:「我有問過佢會唔會嚟,佢話廢事錯焦點,而且雙方父母喺度,有老人家喺度,唔想出現會令大家錯重點,所以送禮但唔嚟飲喇,早幾日送咗禮金過嚟,有祝我一切順利,開心同幸福﹗」

戴夢夢 巨鑽出嫁
一臉幸福﹗(圖片來源:無綫《娛樂新聞台》直播截圖)
戴夢夢左手戴上5卡求婚戒指,好耀眼﹗
戴夢夢左手戴上5卡求婚戒指,好耀眼﹗(圖片來源:[email protected]_mon)
戴夢夢
(圖片來源:[email protected]_mon)

戴夢夢婚後一周講感想:展開人生新一頁,我們會努力﹗

戴夢夢結婚一星期後,才在社交網分享當日的照片,每張相都充滿幸福笑容,戴夢夢寫道「昨天才整理好所有的照片,剛剛一星期,感覺還是好像昨天發生的事☺️實在太感恩身邊很多愛惜我們的親戚朋友因為疫情下,遠在地球的另一角或近在香港的親戚朋友,雖然不能到來,但是一早已收到你們的祝福及禮物❤️非常感動
現在開始我們人生嘅新一頁,我們會努力,延續大家對我們的厚愛❤️再次感謝我們的家人、親戚、朋友 」

戴夢夢在婚宴換上晚裝﹗
戴夢夢在婚宴換上晚裝﹗(圖片來源:[email protected]_mon)

相關文章:

戴夢夢突然宣布婚訊 分享濕身婚照

戴夢夢15年被爆與為她棄糟糠、年長自己十九年的與太極鼓手Ricky拍拖,當時震驚娛樂圈,戴夢夢被影到同Ricky拍拖一時甜蜜啜,一時突然在街表演除裙,一度成為城中熱話﹗Ricky離婚後二人愛得更高調,但期間不時傳出分手又復合﹗今年8月太極在紅館開演唱會,戴夢夢以主人家身份出席被指又再復合﹗近日戴夢夢接受黃婉曼訪問時才承認「真的分手了」並指視Ricky如哥哥﹗剛認分手,突然宣布下月嫁圈外人,令大家都好驚訝﹗

戴夢夢公開婚照,不過未婚夫沒有正面相,網民指側面激似周嘉洛。
戴夢夢公開婚照,不過未婚夫沒有正面相,網民指側面激似周嘉洛。(圖片來源:戴夢夢facebook)

戴夢夢在社交網分享喜訊,並寫道「 走在一起,是一種緣份。一起在走,是一種幸福。遇上了,珍惜彼此。We’re getting married」

現年36歲的戴夢夢同太極鼓手Ricky分手後,曾與經營芧台生意的Dell Ho拍拖,其後戀情告終,有指分手後又與Ricky復合﹗
現年36歲的戴夢夢同太極鼓手Ricky分手後,曾與經營茅台生意的Dell Ho拍拖,其後戀情告終,有指分手後又與Ricky復合﹗(圖片來源:戴夢夢facebook)
戴夢夢指未婚夫係圈外人,未有透露太多資料,兩輯婚照未有未婚夫正面相﹗
戴夢夢指未婚夫係圈外人,未有透露太多資料,兩輯婚照未有未婚夫正面相﹗(圖片來源:戴夢夢facebook)

戴夢夢11月結婚 未婚夫似「廢青安」

戴夢夢透露同金融才俊Kyle已入紙排期註冊,11月便會正式簽紙結婚,戴夢夢指因為未婚夫是圈外人,又怕醜,所以唔透露未婚夫太多資料,只表示大家拍拖後都想組織家庭,又大讚未婚夫廚藝了得,令她拍拖後大飽口福。有網民指戴夢夢未婚夫側面激似「廢青安」周嘉洛。
36歲戴夢夢突然宣布嫁金融才俊 分享雨中浪漫婚照

戴夢夢玩濕身影婚照

戴夢夢分享了兩輯婚照,一輯是在黃昏草原上,另一輯是雨中街景,準新娘話兩輯相都好鍾意,當日由黃昏影到晚上,影了六小時,她指攝製隊為營造雨景而book了一部水車,夢夢同未婚都全身濕透,她說:「我好鍾意呢輯淋雨婚紗相,淋雨淋足兩個鐘,入夜已有秋意,濕身有啲凍,因為係咁落大雨,好似黑色暴雨咁,我一邊影一邊啲假雨水入晒口,仲飲咗好多,雖然辛苦,但出嚟效果好靚,都影得開心,好似我哋風雨同路嘅感覺。」

戴夢夢話好鍾意呢輯雨中婚照。
戴夢夢話好鍾意呢輯雨中婚照。(圖片來源:戴夢夢facebook)
戴夢夢
(圖片來源:戴夢夢facebook)
戴夢夢影婚照搞到全身濕透,不過佢話好好玩好難忘﹗
戴夢夢影婚照搞到全身濕透,不過佢話好好玩好難忘﹗(圖片來源:戴夢夢facebook)

太極Ricky拒絕去飲戴夢夢個餐

曾在演唱會公開多謝戴夢夢的Ricky,回應傳媒對戴夢夢結婚一事時,他直認大家曾復合但已分手,又表示知道戴夢夢有拖拍會送上祝福,但講到會否出席婚宴時,Ricky斷言拒絕去飲,坦言請都唔去,寧願留家食麵﹗又直言好多朋友告知他戴夢夢的婚訊,他著大家不用擔心佢﹗

今年8月太極紅館開演唱會,戴夢夢右三)以主辧單位出席,完騷後,Ricky右六)曾公開多謝戴夢夢﹗
今年8月太極紅館開演唱會,戴夢夢(右三)以主辧單位出席,完騷後,Ricky(右六)曾公開多謝戴夢夢﹗(圖片來源:戴夢夢IG)

讀者留言