戴祖儀

心機女|戴祖儀不忿被封新紮姣精 上載入伍表格公開招兵 男網民舉手爭做發洩對象

最新娛聞

廣告

25歲的戴祖儀有青春有美貌,仲有一雙長腿,嚟梗仲有份主持《解構心機女》。不過早前有報章把她與蔡思貝、馮盈盈、江嘉敏及陳曉華封為「無綫五大新紮姣精」,對於這個封號,戴祖儀似乎不太認同,她拎住有關報道露出一個疑惑樣拍照放上IG,仲指住「姣精」二字咁講⋯⋯

撰文:東方新地 圖片:戴祖儀IG圖片

戴祖儀被封「新紮姣精」,粉絲眾多嘅佢就表示唔認同,仲喺IG出Post表示質疑:

戴祖儀
戴祖儀拎住份星島日報,指住姣精兩字,擺出一副疑惑樣。

「你確定…?我真係有能力承受依個稱號…?Btw兵呢???我都想要兵呀!!!」

自嘲一番之後,她真的把一張入伍表格放埋上網,呼籲各位男士如果想做戴祖儀的兵就入紙申請,結果有不少男網民舉手報名……

戴祖儀
戴祖儀寫文質疑自己未有資格做姣精,仲話自己連兵同將軍都冇。
戴祖儀
戴祖儀仲將自己個疑惑樣cut成大頭,雙下巴都出埋。

戴祖儀自嘲未夠班做姣精

戴祖儀對於報章指她與蔡思貝、馮盈盈、江嘉敏及陳曉華齊名,被封成為無綫五大新紮「姣精」,密密出絕招「收兵」,戴祖儀睇完該報導反應最大,隨即在IG為自己平反,字裡行間可見她自覺得未夠班做姣精,因為她話自己連兵都冇,戴祖儀更寫文反問自己是否有能力承受稱號,接著更抵死地上載一張入伍表格,公然收兵。

戴祖儀
戴祖儀拍下星島日報所用的照片,笑言雖然被封姣精,但編輯用的照片揀得靚,所以開心咗!
戴祖儀
江嘉敏路過抽水讚戴祖儀張相係索嘅!點知路過也中槍,被網民指她被封姣精實至名歸。
戴祖儀
戴祖儀唔知喺邊度搵到一張入伍表格放上網用作招兵,表格內容好認真。

戴祖儀不乏緋聞男友

據報道所指,戴祖儀的緋聞對象並非以量取勝,事實上個性外向活潑的她甚有異性緣,入行前曾與富貴男友Andy拍拖兩年,入行後隨即與同樣名為Joey的羅天宇一拍即合,曾被影到一同放狗及獲男方揸車接送出入電視城,不過戴祖儀與羅天宇都否認戀情。去年戴祖儀與澳門闊少Michael頻頻合作搞展覽,又有指對方是新任男友及金主,兩年前更經常相約睇演唱會,對方早已表態力追,但女方以兄弟形容二人關係。身邊不乏追求者的戴祖儀口口聲聲表示自己連兵都冇,仲唔係心機重?難怪被安排與馮盈盈及江嘉敏等主持新節目《解構心機女》啦!

戴祖儀
林穎彤叫戴祖儀分啲兵畀佢,戴祖儀回應上等兵自己用。
戴祖儀
戴祖儀一出po,不少男網民爭住填表,反應非常熱烈。
戴祖儀
戴祖儀曾與闊少Michael到張敬軒的仙后餐廳撐枱腳,有傳Michael早已表態力追,二人去年更合作搞生意。圖片來源:lkc_mi@IG
戴祖儀
戴祖儀已是女神級花旦,其實點會冇兵?一街都係啦!
戴祖儀
戴祖儀有份主持3月22日首播的新節目《解構心機女》,拍檔中不乏是非心機女,包括馮盈盈及江嘉敏!圖片來源:東星圖片

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!