戴耀明

戴耀明首登巴士車身廣告 圓亡父心願:希望在遠方的你能看到

喺巴士車身見到自己個嘜頭係咩感覺?一啲天皇天后可能見到慣晒,但對戴耀明來說就別具意義!TVB綠葉戴耀明入行26年來一直默默耕耘,近年終於捱出頭,除了喺大台劇接劇,更不斷接拍廣告,甚至到內地發展。近日戴耀明終於有第一個巴士車身廣告,原來背後有著佢同亡父的感人故事……

撰文:東方新地|圖片:

TVB「騎呢好色王」戴耀明

現年46歲的戴耀明原來已經入行26年,TVB的綠葉形象深入民心,1992年加入亞洲電視入行,兩年後轉投TVB並一直效力至今。戴耀明比較出名都係飾演一啲變態男人、傻仔以至鹹濕佬角色,更令佢喺早年綜藝節目《Sunday好戲王》奪得「騎呢好色王」獎項!

衝出香港

戴耀明近年終於捱出頭,除了喺大台劇接劇,更不斷接拍包括保險、地產、遊戲機等廣告,甚至到內地發展。

戴耀明
戴耀明於內地劇《平湖往事》演出。

戴耀明曾經同林保怡拍廣告。

首登巴士車身廣告

近日戴耀明終於有首個廣告出現喺巴士車身,佢興奮到影咗多張有自己嘜頭的巴士圖,放上網同大家分享。點解戴耀明咁重視呢個巴士車身廣告呢?原來背後有著佢同亡父的感人故事……

戴耀明
戴耀明興奮咁同自己個廣告合照!

戴耀明圓亡父心願:希望在遠方的你能看到

原來戴耀明父親生前係一位巴士司機,多年前佢曾經同兒子講過:「衰仔,希望有一天老竇揸的巴士會有你的廣告,等老竇可以喺巴士面前影張相。」如今戴耀明終於做得到,可惜父親已經離世:「對不起老竇!當年未能趕得及完成你的拍照願望!!今天這個場景…希望在遠方的你能看到。」

戴耀明
相信戴耀明父親在遠方一定會看到!

妹妹也愛大叔?

戴耀明同時亦不忘搞笑,佢發現有位女孩子影緊自己個廣告(定其實自拍緊?),話估唔到自己喺十幾歲的年齡層仲有market!

戴耀明
會唔會其實自拍緊?

遺憾未能帶父母旅行

另外戴耀明接受傳媒訪問時表示,以前因為工作忙碌而且收入唔高,從來都未試過帶同父母搭飛機去旅行,覺得自己無俾爸爸享受好的生活。但慶幸早年在父親離開前,戴耀明已經有了一定知名度。相信戴耀明父親一定好欣慰!

《EU》「動L」成經典

戴耀明多年來演出多不勝數,早年熱播的無綫劇《EU超時任務》中,劇情講到當記者的譚凱琪(Zoie)為咗查案深入虎穴,換上一身性感黑色短裙色誘戴耀明,Zoie神情挑逗聲線嬌嗲,在場男士即時中晒美人計!

cap3cap5

cap6

不過最注目都係觀眾發現戴耀明下體離奇激凸,成條褲撐到勁高,真係連「小耀明」都交足戲!除咗要讚戴耀明演出夠專業,同時令人驚覺Zoie原來都可以好索!

《義海豪情》迷戀女神法拉

戴耀明於《巾幗梟雄之義海豪情》飾演日本軍官向山達也,戲份唔算多,不過幾出位!

《義海豪情》中有一幕講到陳法拉剝光豬向戴耀明獻身,但劇中戴耀明視法拉為心中女神,竟然把持得住冇做任何不軌行為!

戴耀明
戴耀明喺早前《天命》亦有演出,飾演皇帝譚俊彥的近身太監,都有唔少出場時間。

爆笑化身「一拳超人」及Bert

日前遊戲商Play Station再度與一眾藝人及網絡紅人合作,大玩Cosplay,化身成人人爭住召喚的「神Teammate」,拍攝全新一輯廣告「召喚!神一般の隊友!」其中戴耀明分別扮演「一拳超人」及《芝麻街》角色Bert,超爆笑!

戴耀明
超級似樣!