花曼半夜喊住寫遺書

結局太慘 《城寨》監製：未必三pair都冇好結果

拳佬等牙佬開波

雖然妹妹朝霞慘被殺死，但牙佬仍忍住傷痛，依約赴會！刁蘭(胡定欣)本來想勸拳佬唔好打，但拳佬表示好清楚牙佬為人，對方亦不會因失去至愛朝霞而放飛機！結果如佢所料，牙佬帶楊老闆(歐瑞偉)等人來睇決戰！牙佬更叫楊老闆做拳證！

牙佬冇留情

盲咗嘅拳佬雖然自知毫無勝算，但仍自信表示招式練了百萬次，咪埋眼都耍得出！不過，拳佬單靠蠻勁向牙佬衝過去，一開始已被牙佬打中塊面，但仍不服氣，繼續向牙佬攻擊，只是牙佬優勢太明顯，而且牙佬出手好重，招招打拳佬要害，令刁蘭等人擔心又心痛！

牙佬勝劵在握

雖然受傷，拳佬照樣繼續向前衝，只可惜佢雙目失明，根本睇唔到牙佬喺邊，白白浪費氣力！而為了證明拳佬已輸，牙佬再擊中對方要害，務求盡快結束決鬥，更表示自己已經贏了，以後佢就係城寨話事人！

打到拳佬嘔血

當聽到牙佬指將會俾黑幫進駐城寨後，拳佬更加火冒三丈，大叫「我未輸」，衝前攻擊牙佬，結果梗係被牙佬一嘢打番轉頭，仲口吐鮮血！睇到呢度，觀眾無不替拳佬不值，點解好人永遠都被人欺凌，而牙佬為何要助紂為虐呢？

牙佬苦衷係…

牙佬袁偉豪於IG上載兩張相，分別係同拳佬比武前嘅相，及跟朝霞大排檔合照！袁偉豪於兩張相中分別留言：「希望大家能夠明白我的苦衷」及「等我」！第一句意思唔通係想引出終極大佬楊老闆嘅狐狸尾巴，先引黑幫入城及打傷牙佬？第二句「等我」，莫非為朝霞報仇，就算死都在所不惜？

全文完