謝霆鋒

學都學唔嚟!謝霆鋒 36小時on chok

雖則網上都有篇潮文叫做《成為謝霆鋒的十大要素》,全文教學如何學似霆鋒一樣咁型,不過你估一般人雙手剝蕉的,你單手做、一般人用手開密碼門,你用腳做,真係跟足步驟就有得變霆鋒咩?少年你太年輕了。

撰文:東方新地 圖片:新傳媒圖片

謝霆鋒 36小時on chok

謝霆鋒的型,就係36小時on chok,嗰道氣人哋學都學唔嚟囉!簡單如行去保姆車過條馬路返屋企,戴個平凡至極cap帽同黑超,道氣場都chok到行過路人都攝親。嗱嗱嗱,有相為證,西裝哥哥不由自主望完又望,連路都唔記得睇,小心唔好跌親呀!

由助手傍住落車返屋企,打扮已經極低調極霆鋒,不過依然型到無可匹敵。

 

行路行到咁chok,所以路人察覺呢個係謝霆鋒都有啲震驚,不由自主擰轉面路都唔睇望多兩眼霆鋒先。

霆鋒近排返咗香港為佢家「鋒味」曲奇推出的月餅宣傳,日前仲畀足面DoDo姐上電台接受訪問,仲派吓自家月餅應吓節。

謝霆鋒 王菲 約Eason阿徐遊東京

王菲霆鋒世紀復合後愛得大方不避忌,王菲專心拍拖,無意復出樂壇,雖然霆鋒兼顧生意及演藝工作,不過仍會抽時間陪王菲四圍去,二人不時被影到拍拖外遊,早前佢哋就約埋陳奕迅同徐濠縈等朋友飛東京,為阿徐慶祝生日。

王菲霆鋒及同行朋友為阿徐到K房慶祝生日,又預備咗一個由海膽砌成嘅生日蛋糕賀阿徐。阿徐喺IG即時動態po咗段片,片中先影住佢老公阿奕迅拎住支咪,然後鏡頭突然一移,就見到阿菲喺mic stand前叉住條腰,同Eason合唱佢哋首歌〈因為愛情〉。之後Eason轉位,走咗去霆鋒側邊度,同王菲一齊唱霆鋒首經典金曲〈因為愛所以愛〉,霆鋒聽到入神仲不停冧笑﹗

謝霆鋒
徐濠縈日前喺IG貼咗張同老公一齊喺候機室遇見嘉玲偉仔嘅合照,原來係飛東京會合王菲謝霆鋒。
謝霆鋒
陳奕迅最先貼左張兩個人嘅影出嚟,原來就係王菲嚟﹗咁謝霆鋒去咗邊?
謝霆鋒
同行朋友預備咗個阿徐至愛嘅海贍砌成嘅蛋糕,預祝佢44歲生日。
謝霆鋒
王菲叉住腰唱得好投入,原來謝霆鋒就坐喺佢斜前方。
謝霆鋒
本來影住Eason同人合唱,原來把女仔聲就係天后王菲,二人合唱〈因為愛情〉。

王菲謝霆鋒互唱情歌

王菲唱得如此投入,原來謝霆鋒就坐喺佢斜前方,Eason轉位走咗去坐喺霆鋒側邊,同王菲合唱霆鋒首經典金曲〈因為愛所以愛〉,霆鋒望住王菲對住自己唱情歌,臉上笑容甜到爆,不停冧笑﹗聽完女友唱情歌重難月日接住霆鋒立即有回應,唱咗自己曾經翻唱嘅〈Be a Better Man〉,嘩﹗想燦死人咩﹗

謝霆鋒
王菲揀咗謝霆鋒首〈因為愛所以愛〉同Eason合唱, 霆鋒望住王菲不停甜笑,Eason玩嘢成個身挨落霆鋒度笑兄弟。
謝霆鋒
謝霆鋒不停冧笑!
謝霆鋒
謝霆鋒唱番首歌冧阿菲!
謝霆鋒
謝霆鋒之後再唱〈非走不可〉,王菲聽得好入神!

王菲謝霆鋒當眾咀嘴

王菲霆鋒當年愛得轟動,03年分手後,各自結婚,之後霆鋒跟張栢芝離婚,王菲其後跟李亞鵬離婚,輾轉11年,14年驚爆世紀復合,有傳一手撮合二人的趙薇。霆鋒被影到經常出入阿菲位於東三環朝陽區的亮馬橋香閨,並影到二人親密咀嘴。

世紀復合後長住北京嘅阿菲孖住霆鋒返港,其後再雙雙飛返北京,二人在候機室情不自禁咀嘴,愛得癡纏﹗

謝霆鋒
謝霆鋒王菲世紀復合!
謝霆鋒
謝霆鋒同王菲激罕公開咀嘴!

謝霆鋒快歌回顧

已經好一段時間無喺香港唱廣東歌的霆鋒,在《2017叱咤樂壇流行榜頒獎典禮》現身先唱〈玉蝴蝶〉再唱〈有火〉,之後「Chef Lemon」更再次重拾結他演唱〈活著Viva〉,全場即時企晒起身high爆!

霆鋒再現舞台,網上隨即瘋狂洗版,人人大叫懷念,霆鋒多年來為歌迷帶來唔少膾炙人口的歌曲,依家就等我哋一齊回顧其中9首快歌啦!

《壞習慣》(1997年 )

《前前後後左左右右》(1998年)

《開放日》(1998年)

《You Can’t Stop Me》(1999年)

《400GIG》(1999年)

《活著VIVA》 (2000年)

《不是定理》(2000年)

《潛龍勿用》(2001年)

《曝光》(2001年)

《第二世》(2003年)

關鍵詞
謝霆鋒