關楚耀

拍《特技人》裸跑博入屋 關楚耀帶女上樓

現年35歲的關楚耀,就算冇「金剛不壞之身」,都有個殿堂級唱片監製老竇關維麟同契爺譚詠麟照住,機會明顯比人多,事業大上大落都冇打沉信心,全靠一班圈中世叔伯背後支持,近日更有機會拍無綫劇《特技人》做男二,戲份夠搶,佢亦唔介意晒肌裸跑博入屋。除咗事業轉旺,原來關楚耀感情生活亦唔空虛,近日就同新歡C奶台妹安于晴 (Charlene) 過從甚密,日前更被本刊斷正一齊返大坑上樓短敍,公私兩忙生活多姿多采。

撰文:東方新地|圖片:新傳媒圖片庫、關楚耀IG安于晴IG

關楚耀 一洗頹氣

現年35歲的關楚耀,06年出道時,因為外形被指似譚詠麟,聲線亦不錯,一度被封為「阿倫接班人」,加上有個殿堂級唱片監製老竇關維麟背後發功,贏在起跑線,事業發展一帆風順。

關楚耀
關楚耀06年出道即有契爺譚詠麟力撐,不時帶他四出宣傳,阿倫還撐契仔一齊錄合唱歌〈大喊包〉。

不過,09年同當時女友衛詩在日本藏毒被捕,雖然最後無罪釋放冇留案底,但形象事業插水要退出娛樂圈一段時間洗底。幸好機會冇離他而去,近日更有機會拍無綫劇,在新劇《特技人》演反叛富二代、Chok爆新導演入型入格,吸到唔少電視粉支持,成功一洗頹氣。

關楚耀
同衛詩同期出道,09年拍拖遊日因藏毒被捕,當年只得26歲的關楚耀跌落人生谷底,不久兩人亦分手。

據知情者透露:「呢幾年TVB小生係咁走,惟有不停搵外援,班歌手都多咗機會,唱片公司就睇準時機幫Kelvin (關楚耀) 發圍,知道拍劇可以入到屋增人氣,就不停同高層及監製引薦Kelvin拍劇,好彩終於畀佢遇到《特技人》呢套劇,個角色仲好有發揮,為咗成功入屋Kelvin更加博到盡,知道劇中有一場要佢裸跑嘅戲,拍之前不停健身操fit,就算著住底褲拍佢都唔介意,覺得最緊要出到位!」

關楚耀
拍《特技人》戲份不少,劇中更有裸跑情節。

單身只係煙幕

同衛詩分手九年,關楚耀一直不愁寂寞,同圈外女友Megan拍過兩年拖,分手後同韓籍內衣索模Miu Kim拍拖一年,去年分手,近來出活動被問及戀情,他都聲稱單身,但原來單身只係煙幕,近日同C奶台妹演員安于晴過從甚密。據知情者透露:「其實一路佢都有識女仔,感情生活絕對唔寂寞,但佢已經唔敢高調。」始終經一事長一智,當年藏毒事件一度激嬲老竇關維麟,好彩獲唔少圈中世叔伯幫口講好話,又得阿倫出面力撐,才有機會再出碟重新出發,令他更珍惜每個機會。

關楚耀
新劇同傅嘉莉有感情線,早前在宣傳活動上就孭住Kelly玩遊戲,不過兩人均異口同聲話對方唔係自己杯茶,擺明隔絕緋聞。

據知情者透露:「件事可以話係佢人生一個好大嘅打擊,佢阿爸一度嬲到要佢返加拿大,好彩阿倫幫佢講盡好話,Kelvin答應會反省,唱片公司高層又好撐佢,繼續幫佢出碟,咁難得先有機會翻身,Kelvin都想成功洗底,就算拍拖都玩地下情,唔想外界仲覺得佢淨係識媾女!」

關楚耀
關楚耀同C奶台妹一齊行上大坑一棟住宅,不過就刻意保持距離,一路行兩個仲各自講電話及玩手機,刻意扮唔熟。

秘密來港

不過,日前關楚耀被本刊斷正約會,原來新歡C奶台妹安于晴近日秘密來港,8月9日下午,關楚耀同有小林依晨之稱的台灣演員安于晴孖住出巡,唔知係咪怕被發現,在大街大巷一齊行時,關楚耀都刻意同新歡保持兩三個身位距離,又左顧右盼兩頭望,表現緊張,然後二人上咗大坑一棟大廈,短敍後安于晴仲陪關楚耀開工,關係非一般朋友。

關楚耀
台妹安于晴 (Charlene) 跟隨關楚耀身後,一齊行上樓前,關楚耀緊張不停向後望,深怕親密關係被人發現。

據知情者透露:「佢同Charlene三年前喺朋友介紹下識,因為Charlene好玩得,佢兩個好快就玩得好埋,仲會約埋一齊出嚟,有時Charlene會由台灣飛嚟香港探Kelvin,但佢哋見面會好小心,而且Charlene之前同徐若瑄姪仔沈建宏又傳過緋聞,佢哋啲關係好神秘,Kelvin喺朋友面前都冇認拍拖㗎!但睇到佢哋啲親密行為,明眼人都睇得出佢哋唔係普通朋友咁簡單。」人生有幾多個十年,走過高低起跌的關楚耀,事業能夠再現曙光,當然行每一步都要特別小心,明嘅!

28歲的安于晴是台灣演員,早年與關楚耀夜蒲認識,思想開放的她經常自拍性感相放上個人社交網,毫不吝嗇晒C奶。

夜蒲過平安夜

關楚耀同C奶台妹安于晴早於15年聖誕已經一齊夜蒲過平安夜,女方個樣睇落仲飲咗唔少酒勁High。

安于晴Charlene(@charlene_an517)分享的貼文 張貼

撇女借衫

關楚耀同新歡上樓短敍後,再一齊坐車入電視城接工作人員,原本一齊去銅鑼灣借衫,不過,泊車期間因為發現記者,他刻意在另一層停車場先放低台妹,然後只同助手一齊入店揀衫,以為神不知鬼不覺。

關楚耀

不停睇手機

在店內揀衫期間,關楚耀不停睇手機,似同新歡聯絡。

關楚耀

同助手借完衫,一齊行去附近停車場攞車,關楚耀將車駛上地面先放低助手,然後駕車一個人返回北角半山寓所。

關楚耀

關楚耀

徐若瑄姪仔玩伴

16年9月,安于晴被拍到與徐若瑄姪仔沈建宏同逛清邁夜市傳出緋聞,上年再被拍到在酒吧消遣完一齊返回沈建宏台北寓所,關係親密。

徐若瑄14年嫁富商老公李云峰,姪仔沈建宏到賀兼在社交網留言恭喜。

肉照一籮籮

現年28歲的安于晴Charlene,在台灣有小林依晨稱號,演出經驗唔算多,不過其個人社交網就有唔少性感肉照,經常大晒C奶及床照。

堅尼相一籮籮,睇到男士流晒口水!

在第一部電影《最完美的女孩》,安于晴獻出熒幕初吻。

經常谷盡C奶誘惑停不了,盡顯台灣辣妹本色,難怪夜蒲玩伴多,緋聞亦停不了!

安于晴Charlene(@charlene_an517)分享的貼文 張貼

安于晴Charlene(@charlene_an517)分享的貼文 張貼

安于晴Charlene(@charlene_an517)分享的貼文 張貼

安于晴Charlene(@charlene_an517)分享的貼文 張貼